ئەمروللاھ سالح، جیگرێ یەکەمێ سەرۆک کۆمارێ ئەفغانستانێ، ڤێ یەکشەمبێ ١٧ێ چلە، ل سەر رووپەلا خوە یا فەرمی یا فەیسبۆکێ نڤیسی کو دو کەچێن کو ل کابول جلۆبەرگێن نە شەرعی ل خوە دکرن و ژ ناڤدارێن کابۆلێ باج دستاند، ژ لایێ پۆلیسا ڤە ھاتنە گرتن.
ئەمروللاھ سالح وەھا نڤیساند: “ل سەر بنگەھێ رێبەریا راستەراستا روونشتنێن شەش و نیڤ، پۆلیسێن کابولێ شییان دو کەچێن کو ب جلوبەرگێن نە شەرعی ژ زەلامێن ناڤدار و خوەدی روومەت باجێ وەرگرن دەستەسەر بکەن. ڤان ھەر دو خانمێن ب ناڤێ حەسنا و شەیما گەف ل زلامان دکرن کو گەر ئەو پارە ب وان نەدەن، ئەم دێ ل دەڤ مالباتێن وە و رێکخراوێن مافێن مرۆڤان سکالایێ ل دژی وە تۆمار کەین و طیدا راگەهینین وە دەستدرێژییا سێکسی ل سەر مە کریە. “ھەژمارەکا زەلاما نەچار مان کو پارە بدەن داکو روومەتا خوە بپارێزن و ژ گەنگەشییان دوور بکەڤن.”
وی نڤیساند: “ئەڤە چەندین سالە ب هویری کار ل سەر ڤێ پرسگرێکێ ناهێتە کرن، یەک ژ وان پرسگرێکێن مەزن نەبوونا هەژمارەکا پێدڤی یا ژنانە د وارێ دادوەری و ھەر وەھا د ھێزا پۆلیسا دا. ڤێ یەکێ ھەڤسەنگی د وارێن لێپرسین و دانووستەندنا ل سەر مژارێن تاوان و دادوەریێ دا و گەھشتنا حکوومەتێ ب نیڤا جڤاکێ سنۆردار کریە، و د گەلەک رەوشان دا ئەو ب تەڤاھی ئاستەنگ دکر.”
پێش نها ژی پۆلیسێن کابولێ هندەک کەچ ب سووچا باج وەرگرتن و گەفکرنا ل زەلامان و دزییێ دەستەسەر کربوون.
