د هه‌شتێ مارسێ دا، رێخستنا په‌كه‌كێ خوه وه‌ك پارێزڤانا ژنێن كورد نیشان دا، ئه‌و وه‌ها ئاخڤی كو به‌را دامه‌زراندنا په‌كه‌كێ ژنێن كورد پاشكه‌تی بوون، لێ به‌لێ بسپۆره‌كێ سیاسه‌تا ناڤده‌وله‌تی ئاماژه ب وێ یه‌كێ دكه‌ت كو ئه‌وا په‌كه‌كێ ل همبه‌ری كچ و ژنێن كورد كری ب خوه پێشێلكارییه‌كا مه‌زن یا مافێن مرۆڤ و دژی به‌ها و پره‌نسیپێن ئه‌خلاقی، سیاسی و كۆمه‌لاتی یه.
پارتییا كاركه‌رێن كوردستانێ، ل ده‌ستپێكا دامه‌زراندنێ هه‌ژماره‌كا ژنان د ناڤا رێخستنێن وێ دا هه‌بوو، لێ به‌لێ پشتره و پاش ده‌سته‌سه‌ر كرنا عه‌بدولا ئۆجالان و ده‌ركه‌تنا په‌كه‌كێ ژ رێ و خه‌تا نه‌ته‌و‌ی، رۆژ بۆ رۆژێ هه‌ژمارا ژنان د رێزێن په‌كه‌كێ دا كێم بوو، لێ به‌لێ ژ بۆ پڕ كرنا ڤێ ڤالاتیێ ل ئاستێ به‌رز بریار هاته دایین كو كه‌چێن ژێر 18 سالیێ ب رێیا خاپاندن و ره‌ڤاندنێ ته‌ڤلی رێخستنێ بێن كرن، ژ بۆ ڤێ مه‌به‌ستێ ژی چه‌ندین رێخستنێن تایبه‌ت هاتن ئاڤا كرن كو ل گۆری ئاگاهیێن نه‌فه‌رمی، پێتری 85% یا ژن و كه‌چێن د ناڤا په‌كه‌كێ دا، د ته‌مه‌نا ژێر 18 سالیێ دا هاتنه ره‌ڤاندن و خاپاندن.
تشتا كو په‌كه‌كێ كری، پێشێلكارییا مافێن مرۆڤان و دژی پره‌نسیپێن ئه‌خلاقی، سیاسی و كۆمه‌لاتی یه
د ڤێ ده‌ربارێ دا، ئاوات مسته‌فا، بسپۆر د سیاسه‌تا ناڤده‌وله‌تی دا ب پێگه‌ها باسنیۆزێ یا باشوورێ كوردستانێ راگهاند، د ناڤا په‌كه‌كێ دا راسته هه‌ژماره‌كه هه‌ری زۆر یا ژنان هه‌نه، لێ به‌لێ پرانی ژێ د ته‌مه‌نا ژێر 18 سالیێ دا هاتنه ره‌ڤاندن و ئه‌ڤا كو په‌كه‌كێ كری، پێشێلكارییا مافێن مرۆڤ و دژه به‌ها و پره‌نسیپێن ئه‌خلاقی، سیاسی و كۆمه‌لاتی یه.
ناڤبووری دبێژه: ته‌ڤی كو په‌كه‌كه ڤان ژنان د چارچووڤه‌یا هێز و دیسپلینا سه‌ربازی دا ب كار دئینیت، ئه‌ڤه ب خوه ژی نه ته‌نێ ئازادییا جێنده‌ر نینه كو ب ژنان هاتییه دایین وه‌ك په‌كه‌كه بانگه‌شێ ژ بۆ دكه‌ت، لێ به‌لێ ده‌ستدرێژییه ل سه‌ر ئازادییا وان هاتییه كرن.
ئه‌ڤ چاڤدێرێ سیاسه‌تا ناڤده‌وله‌تی ئاماژه دكه‌ت كو هه‌ر چه‌نده په‌كه‌كه و هێز و گرووپێن سه‌ر ب وان ڤه، په‌یمانامه‌یا ب كار نه‌ئینانا زارۆیان د هه‌ڤركی و شه‌ران دا ل گه‌ل هه‌ژماره‌كا رێخستنێن حكوومی و ناحكوومی یێن گرێدای ئاژانسێن مافێن مرۆڤان ئیمزا كرییه، لێ به‌لێ هه‌تا نها په‌كه‌كه و چه‌ندین رێخستنێن سیاسی ل رۆژهلاتا ناڤین وه‌ك ته‌ڤگه‌را حه‌ماس یا فه‌له‌ستینی و چه‌ند رێخستنێن دی، هێژان ل ژێر چاڤدێر و ته‌عقیبا تۆرا پاراستنا زارۆكان یا جیهانێ دا یه و ره‌فتارێن وان ل دژی زارۆكان ده‌وام دكه‌ن.
[mpc_carousel_image preset=”mpc_preset_8″ loop=”true” auto_slide=”true” delay=”2200″ speed=”1350″ layout=”fluid” enable_force_height=”true” force_height=”430″ images=”1021987,1021988,1021989,1021990,1021991,1021992,1021993,1021994,1021995,1021996,1021997″ gap=”5″ start_at=”1″ image_size=”large” image_opacity=”100″ image_border_css=”border-width:15px;border-color:#f3f3f3;border-style:solid;” image_hover_opacity=”100″ image_hover_border_css=”border-color:#ffffff;” overlay_icon_align=”top-right” overlay_enable_lightbox=”true” overlay_icon=”eti eti_arrow_expand” overlay_icon_color=”#ffffff” overlay_icon_size=”20″ overlay_icon_background=”#df5461″ overlay_icon_margin_divider=”true” overlay_icon_margin_css=”margin-top:30px;margin-right:30px;” overlay_icon_padding_divider=”true” overlay_icon_padding_css=”padding-top:15px;padding-right:20px;padding-bottom:15px;padding-left:20px;” overlay_hover_color=”#fcfcfc” overlay_hover_icon_background=”#dd0016″ mpc_navigation__preset=”mpc_preset_39″]
ئاوات مسته‌فا دبێژیت: په‌كه‌كه ژ بلی ل ناڤا رێخستنێن چه‌پ نه‌به و ئه‌وێن مینا وان دفكرن، هه‌گه‌ر نا ژ هێلا چ ئالییه‌كێ دن وه‌ك پارێزگارا مافێ ژنێ، یان پشتگرا ته‌ڤگه‌را فێمینستان نا هێت ناسین، ب عه‌كس ئه‌و وه‌كه رێخستنه‌كه دژ ب مافێن ژنان تێ مێزه كرن.
