پەکەکە کییە، چیە؟

پەکەکە کییە، چیە؟

جەواد سنەت

پەکەکە رۆژەکێ نەتەوپارێزە، رۆژا دی دژبەرێ نەتەو-دەولەتێ یە، رۆژەکێ گەلپارێز-سۆسیالیستە، رۆژەکێ ئۆلدارە، رۆژەکێ خوەدانەناسە، رۆژەکێ پارێزەرێ قونێن هەڤرەگەزخوازایە. هندەک جارا دفریت ئەسمانان، هندەک جارا دادکەڤیت و دبیتە خوەدان و پارێزەرا ھەم دنیایێ. ھەرکەسێ دبینیت، ژ بۆ ھەرکەسەکێ دەولەتێ دخوازیت، لێ تەنێ کوردستانا کو ئەو ل سەر دژین و ل سەر شەری دکەن، نابینن.

باشە ھوون چ نە بابێ من؟

پەکەکە 43 سالە سیخور و ئاژانەک نەکوشتیە، شارەدارەک نەکوشتیە، بۆچی؟ پەکەکە وەکیلەک، والییەک نەکوشتیە. لێ 43 سالن ڤی شەری د ناڤا گەلێ کورد دا دکەت و ب ھەجەتا „ئاژانتی و خایینتییێ“ تەنێ کوردا دکوژیت. باشە، د ناڤا 43 سالان دا پەکەکێ چ دا گەلێ کورد؟  43 سالن سترییەک ژی نەچوویە د لنگێن گەنەرالێن قەندیلێ دا. تەنێ دێ فەرمانێ دەن و خۆرت و کەچێن کورد هێنە کوشتن.

پەکەکە دەولەتا کوردی ناخوازیت، بۆچی؟ هیچ کێشەیەکا د گەل ئالایێ دەولەتا ترکیا ژی نینە، کێشەیا وێ د گەل لەشکەرێن ترک ژی نینە، د گەل دەولەتا ترکیێ دا ژی هیچ کێشەیەک نینە، باشە وێ کێشە د گەل کێ دا هەیە؟

بێگومان د گەل کوردان دا..

ل قەندیلێ ژی کەس فێری کوردی نابیت، کەسێن تێنە وێ دەرێ پەروەردەیا ترکی و کەمالیزمێ دبینن. بەلایا ھەری مەزن یا ل سەر سەرێ گەلێ کورد بێ گومان پەکەکە یە. لێ ئێدی خلاس، گەلێ کورد راستییا خوە و پەکەکێ دیت. ژ بلی شین و گری، خوینرژاندن و کۆچبەرییێ پێ ڤە پەکەکێ تشتەک دی نەدا کوردان. شەرەف و نامووسا گەلێ کورد مابوو، ئەو ژی ژ دەستێ وان ئینا دەر. ب ناڤێ ژن-ژییان-ئازادی جڤاکا کوردی تكدا، مالبات تێکدا، پارچە کرن و چ واتەیا شەرەف و نامووسێ نەهێلا. ل کودەرێ کەسەکێ کو نە کورد بوو و ژ چاند و جڤاکا کوردی دوور بوو، ل وان خوەدی دەرکەتن. وەک موحارەم ئەربەی، ئەمیرە ئەرەن کەسکن، عایشا گونایسو، و ب سەدان کەسێن کو کەمالیستن و نە کوردن، ل سەر سەرێ کوردان کرنو سەرۆک و رێبەر.

ئەز دێ ب سەرپێھاتییەکێ داویێ ل نڤیسا خوە ئینم.

سەرپێھاتی راستە و قەومییە.

سەرپێھاتی ل ئەلعەزیزێ چێبوویە.

سالێن 196ێ. ژ بەر خەلەتییا کارمەندێ نەخوەشخانەیا دینان، هەموو دین ژ نەخوەشخانەیێ درەڤن. ل کوچە و کۆلانێن باژێرێ ئەلعەزیزێ بەلاڤ دبن. گۆتی 423 دین رەڤیانە. بەرپرسێن دەولەتێ دکەڤنە ھەلاک و کەلەجانێ، تێنە جەم سەرۆکێ دختۆرا و دبێژن “ئەم چ بکەین دختۆر بەگ”.

وی دەمی دختۆر موتەمەت بەگێ ناڤدار سەرۆکێ دختۆرێن نەخوەشخانێ بوو.

موتەمەت بەگ دبێژیت:

” بلیلەکێ بدەنەڤ من، خوە ب من ڤە بنیسینن و بدەنە دووڤ من”.

دختۆر ل پێش و چەند کارمەند ژی ل پشت دختۆری دەست ب یاریا ترێنا کاشکاشۆک دکەن. ھەمی پێکڤە ب دەنگەک بلند دبێژن “چوف چوف” و دەنگێ ونا ب سەر باژێری بلند دبیت.

تەخمینا سەرۆکێ دختۆرا موتەمەت بەگ راست دەرکەتبوو. هەموو دینا خوە ب کارمەندان ڤەنیساند و بوونە فارگۆنەک ژ ترێنێ و دختۆر موتەمەت بەگ ژی وەک لۆکۆمۆتیفا ترێنێ دیسا بەرێ وان دا نەخوەشخانەیێ. ھەرکەس ژ رەوشا خوە بەختەوەر بوو، لێ پرس و کێشەیا بنگەھین چ بوو ھوون زانن؟

ئێڤاری گاڤا دین ھاتیە کۆمکرن و ھەژمارتن، ھەژمارا کەسێن کو ب یاریا قیتارێ ھاتبوونە نەخوەشخانێ 612 کەس بوون

ئەڤجار هەر کەسێ بزانیت بلا بزانیت، هەر کەسێ نەزانیت ژی مەسەلا باقێ نیسکانە قوربان…

پوستێن ھەمان بەش