كاراسو هاته‌ د ناڤ دانوستاندنا مه ‌دا

sipas-karasu-3
  • به‌شێ: 3

مه‌گۆت دیوانا كاراسو پڕ خۆشه‌ ، ل ناڤ دانوستاندنا مه‌ ل سه‌ر گۆتنا وى یا «ل ئیمرالیێ سیاسه‌تا قڕ كرن و ژناڤ برنا كوردان دهێته‌ برێڤه‌برن» یا به‌رده‌وام بوو، مه‌ دیت گه‌ریلایه‌ك هاته‌ د ناڤ دانوستاندنا مه‌ دا و گوت به‌رێز قارایلان دبێژیت: «ئه‌مێ ب به‌رخودانا روحا فیدایى یا ئاپۆ به‌رده‌وام بین».

منژى ژێرا گۆت: «هه‌ڤال چا‌وا ب به‌رخودانا روحا فیدایی یا ئاپۆ هوونێ به‌رده‌وام بن؟ كاك كاراسو كا ژكه‌ره‌ما خۆ مه‌ تێناگه‌هینى چا‌وا؟ ئه‌م فێم ناكه‌ین؟

كاراسوى گۆت: راسته‌ هوون فێم ناكه‌ن، چونكى ئه‌ڤه‌ گۆتنه‌ك فه‌لسه‌فییه‌ و ئه‌و مرۆڤ فێم دكه‌ت یێ بزانیت فه‌لسه‌فه‌ چی یه‌، چونكى هوون كه‌سێن فه‌ودالن و نه‌ته‌وه‌یی نه‌، ژبه‌رهندێ هوون فێم ناكه‌ن.

ئه‌م نه‌چاربووین به‌رده‌وامیێ بده‌ینه‌ دانوستاندنا خۆ و مه‌ ته‌دخول كر و مه‌ گۆت: یا ئه‌م دزانین كو «مه‌زلووم» نیشانا به‌رخودانێ بوو، چونكى داكو نه‌بیته‌ دارده‌ست بۆ ده‌وله‌تا تركى و نه‌كه‌ڤیته‌ بن كۆنترۆلا ده‌وله‌تێ، بریارا سێداره‌دانا خۆ دا و ب ده‌ستێن خو ل سه‌رشوویێ خۆ سێداره‌ دا.

دیسان «فه‌رهاد كورتاى، نه‌جمى ئونه‌ن، ئه‌شره‌ف ئه‌نیك، محموود زه‌نگین» نیشانا گیانێ فیداكاریێ بوون، چونكى ل 18 گولانا 1982 بریارا خۆسۆتنا خۆ دان و هه‌موویان ب یه‌ك ده‌نگ گۆتن بژیت كوردستان و ئاگرێ ئازادیێ به‌ردانه‌ خۆ.

لێ به‌رێز ئاپۆ چ كردارێن به‌رخودان و گیانفایدایێ ل ده‌ف نه‌بوون.

 هه‌ڤال كار‌سوى گۆت: راسته‌ ئه‌و هه‌ڤال نیشانا به‌رخودان و گیانفیدایێ نه‌، لێ چما تو ژسه‌رۆك را وه‌ها دبێژیى؟

مه‌ژى گۆت: هه‌ڤال گوهداریێ بكه‌، ئاپۆى یه‌ك رۆژ ژى د ژیانا خۆ دا ته‌قا به‌رخودانێ نه‌كرییه‌ و یه‌ك رۆژ ژى نانێ ره‌ق ب ئاڤێ نه‌خوارییه‌ و یه‌ك رۆژ د شه‌كه‌فتان ڤه‌ نه‌نڤستییه‌ و یه‌ك رۆژ ژى زێره‌ڤانییا هه‌ڤالێن خۆ نه‌كرییه‌، ده‌مێ ره‌وشا وى ل باكور به‌ره‌ڤ مه‌ترسیێ چووی،‌ رابوویه‌ جلێن ژنان كرینه‌ به‌رخۆ و چوویه‌ سووریێ و ل سووریێ ژى نه‌وێرایه‌ ل رۆژئاڤایێ كوردستانێ ژیانێ ببه‌ته‌ سه‌ر،‌ به‌لكو چوویه‌ ده‌شتا بیقاع و ل وێره‌ تێكه‌لییا پارتیێن فه‌له‌ستینى كرییه‌ و دگه‌ل وان رێككه‌فتن كرییه‌ كو دژاتییا ده‌وله‌تا ئیسرائیلێ بكه‌ت به‌رانبه‌ر حه‌واندنا وى و هه‌ڤالین وى و هاریكارییا وان ب پاره‌ى و چه‌كى، ل وێره‌ ئه‌كادیمییا كوركوماز ب پاره‌ و چه‌كێ حزبێن فه‌له‌ستینى ده‌ست ب كارێ خۆ كر و پاشى هاتییه‌ دیمه‌شقێ ل ڤێلایه‌‌كا مه‌زن روونشتییه‌ و كه‌تییه‌ بن كۆترۆلا رژێما سووریێ  و مخابراتا سووریێ پاره‌ ژێرا داینه‌ ژبۆ دژاتییا ئیسرائیلێ و تركیا، چونكى وى ده‌مى تركیا و ئیسرائیل دژى ده‌وله‌تا سووریێ بووینه‌، بۆ زانین ئاپۆ ل وێرێ وه‌ك پاشایه‌كێ بورجواز دژییا و پشتى د ناڤبه‌را سووریێ و تركیا دا خۆش دبیت، سووریا ئاپۆى ژ ولاتێ خۆ ده‌ردئێخیت، ل شوونا ئاپۆ بچیته‌ د ناڤ گه‌ریلان دا و ده‌ست ب خه‌باتا شۆر‌شگێرى بكه‌ت، دچیته‌ ولاتێن ئه‌ورۆپى و وه‌ك قه‌چاغچى هاتن وچوونێ دكه‌ت و داكو ب هه‌ڤكارییا ئیسرائیلێ دهێته‌ ده‌سته‌سه‌ركرن و ئسرائیلێ تۆلا خۆ ڤه‌كر و ته‌سلیمى تركیا كر، ده‌مێ تركیا كرییه‌ د فرۆكێ دا و گه‌هشتینه‌ ئاسمانێ تركیا.

هێشتا ل ئا‌سمانی ئاپۆ دبیژیت: «دا‌یكا من تركه‌ و ئه‌ز دخزمه‌تا ده‌وله‌تا تركیا دا مه‌» و ده‌مێ دهێته‌ زیندان كرن یه‌كسه‌ر ستراتیجیه‌تا په‌كه‌كێ دگوهۆریت ژ ده‌وله‌تا مه‌زنا كوردى بۆ براتییا گه‌لان و چه‌سپاندنا میساقا مللى.

ئه‌ڤجا ئه‌ڤا مه‌ گۆتى گه‌ر ببیته‌ به‌رخودان و گیانێ فیدایی؟ واته‌ گه‌ریلا یا دروسته‌ كو چه‌په‌رێ شه‌رى ل باكور ڤالاكرییه‌ بۆ تركیا و نوكه‌ هاتییه‌ باشوور تاكو باشوور ژێ بێخیته‌ بن كۆنترۆلا تركیا و جوگرافیا میساقا مللى بجهبینت، ئاها ئه‌ڤه‌یه‌ فه‌لسه‌فا هوون فێم دكه‌ن و ئه‌م فێم ناكه‌ین!.

پوستێن ھەمان بەش