یا بالکێش ئەڤە بوو کو ئەڤ ئێرشا پەکەکێ هەڤدەم بوو د گەل ئۆپەراسیۆنا دەولەتا ترکا کو ل سەر خەتا مەتینا، حەفتەنین و ئاڤاشین دهێتە ئەنجامدان. پەکەکە د مەدیایا خوە دا دییار دکەت کو سەرکەفتن ب دەست خوە خستییە. لێبەلێ زیانێن گوندییا دیتی، گوندێن ھاتیە ڤالاکرن و ونداھیێن خوە ڤەدشێریت. چاپەمەنیا لۆکالی یا ل ھەرێما کوردستانێ نووچەیێن ل سەر دەڤەرێن ئۆپەراسیۆنێ رادگھینن و نێرینێن گەل وەردگرن. ئەڤ چەندە ژی د ناڤا پەکەکێ دا نەرەحەتیێ چێدکەت. ژ بۆ ڤێ سەدەمێ، پەکەکە دخوازیت ژ بلی مەدیایا خوە مەدیایا دی ھەموویا بێدەنگ بکەت.
وەکی دی، چاڤکانیێن سیاسی یێن ھەرێمی هوشداریێ ددەن کو، پەکەکە ب ڤان چالاکییێن ل دژی راگەھاندنا کوردی، دخوازیت کو پێڤاژۆیا د بن سەرۆکاتییا ئەمەریکا ڤە تێتە مەشاندن ژناڤ ببەت و ناکۆکییێن دناڤ مالا کوردان دا کوورتر بکەت. ھەر وەھا ھەمان چاڤکانی دنرخینن کو ھەولدانێن ئیستیفزازی یێن ب ڤی رەنگی ژ بەر ڤێ یەکێ یە کو پەکەکە گرسەیا خوە کۆنترۆل بکەت. ب تایبەتی پشتی کو ئالدار خەلیل گۆتیە پێشمەرگێ رۆژ “چەتە”، ئەنەکەسێ ھەلوەستەکێ جدی وەرگرت و ھەلوەستا ئەنەکەسێ د ناڤا هەڤپەیمانیا ناڤدەولەتی دا ژی ب ئەرێنی هاتە دیتن. و زەخت ل تەڤ-دەمێ کرن کو بێدەنگ بمینیت.
پەکەکە گەفان ل پەیامنێرا دکەت؟
دهێتە زانین کو پەکەکە گەلەک زەختێ ل مەدیاکارێن نە سەر ب پەکەکێ ڤە دکەت. پەکەکە ب گشتی ئیدیعا دکەت کو ژ بلی مەدیایا وێ، مەدیایێن دی ھەموو سیخورێن ترکا نە و خزمەتا ترکان دکەن. د ڤێ یەکێ دا، ئەو بەردەوام زەختێ بکار تینن. بەری نها ژی پەکەکێ ل رۆژئاڤا ئێریشەک دەڤکی ل دژی پەیامنێرێن رووداوێ و سازیێن دی یێن چاپەمەنیێ رێکخستبوو.
دیسا، خەباتکارێن چاپەمەنیێ یێن ل باشوورێ کوردستانێ ژ ڤان زەختێن پەکەکێ پێتر کاریگەر دبن. و ھندەک خەباتکارێن چاپەمەنیێ یێن کو ناخوازن ناڤێ وان دییار ببیت، دبێژن ئەم ب مرنێ دهێینە تەھدید کرن.
ما پەکەکێ بریارا چالاکیێن مەدیایی دایە؟
د مەدیایێ پەکەکێ دا دهێتە دیتن کو ب تایبەتی د ڤان سێ رۆژێن داویێ دا، دەست ب حەرەکەتا ئێریشکرنا سەر ھەرێما کوردستانێ کریە. ھەر دەزگەھەکێ راگھاندنا پەکەکێ حکوومەتا ھەرێما کوردستانێ ل سەر پرسگرێکەکا جودا ئارمانج دکەت. چاڤدێرێن سیاسی هزر دکەن کو ئارمانجا پەکەکێ ئەوە کو رۆژەڤێ ب ڤێ بۆمبەبارانا نووچەیان ڤە، مۆنۆپۆل بکەت. ئانکو، بوویەرا ل نڤیسینگەھا رووداوێ ل قامشلۆ روو دای، تەنێ ژ بۆ ڤەگوھازتنا رۆژەڤێ و چێکرنا ئالۆزیێ د ناڤبەرا کوردان دایە.
ژ ژنا ئاتیلا کارائۆگلان را ھاتە گۆتن کو خوە رادەست بکەت؟
دۆھی د مەدیایێ دا دھاتە ئیدیعا کرن کو ئەو کرێکارێ ڤەقەتیایی ژ پەکەکێ کو ل ھەولێرێ د دەما کارکرنێ دا ژییانا خوە ژدەست دایی تەرمێ وی ب شەرت دێ تەسلیمی مالباتا وی هێتە کرن. ل گۆری ڤێ ئیدیعایێ ، ژ ژنا ئاتیلا کارائۆگلان هاتیە خواستن کو بچیت و تەسلیمی میتا ترکیا ببیت. چاڤکانیێن دارکا مازی بوویەرا کو دۆھی ل مەدیایا جڤاکی دا ببوو مژارا نیقاشێ لێکۆلین کرن. رایەدارەکێ ئەولەھیێ گۆت کو “بوویەرەک ووسا چ جاران چێنەبوویە و چێنابیت ژی، ژنا ڤی رەحمەتی ل سەر داخوازا مالباتا خوە چوویە باکور، و ھەرێما کوردستانێ وەکو سیوانەکێ دێ بەردەوام بیت ژ بۆ ھەمی کورد و گەلێن بندەست یێن وەکو ئاشوور، سووریان و ھتد. ” ھەمان رایەداری دەستنیشان کر کو “دێ د رۆژێن پێش دەا ل سەر ڤێ مژارێ داخویانیەکا فەرمی هێتە دان و ئەڤ درەەو یاریەکا پەکەکێ یە کو ل سەر مێزێ ھاتییە ئامادەکرن دا کو ھەرێما کوردستانێ ل بەر چاڤێن رایا گشتی بهێتە رەش کرن.”
پەکەکێ ل ئەورۆپا ژی، ژ بۆ ئاژانێن خوە پێنگاڤ ئاڤێت
د هەمان رۆژان دا، پەکەکێ ل دژی پێنج کەسێن کو کارێ سیخوری ژ بۆ وان د کرن، کو ژ لایێ ئاساییشا ھەرێما کوردستانێ ڤە ھاتبوون دەستەسەر کرن و ڤان کەسان قەبوول کربوو کو ئەو سیخورێن پەکەکێ نە. پەکەکێ د قادا ئەورۆپا دا ل دژی حکومەتا ھەرێما کوردستانێ خەباتەکا دیپلۆماتیک و راگھاندنی دا دەسپێ کرن. پەکەکێ ب ڤێ خەباتا خوە دخوازیت کو ئەو سزایێ ڤان 5 سیخورا وەرگرتی وەکو بنپێکرنا مافی بدەتە دییار کرن. ئانکو ھەلوەستا رووداوێ ھەر چەند بوویەر د دەمژمێرێن سپێدێ دا قەومی بوو ژی، لێ بوویەر حەتا درەنگی نەخستە رۆژەڤێ دا. پیشتی نیڤرۆ ئەڤ نووچە وەکو نووچەیەک بچووک بۆ رایا گشتی ھاتە پارڤە کرن. دهێتە هزرکرن کو رووداو ژ بوو ڤێ روودانێ دخوازیت رێیێن دیپلۆماتیک بکار بینیت. ھەر چەند ئەڤ ھەلوەستا رووداوێ وەکو گاڤەک ئەرێنی ژ بۆ کو تێکلیێن د ناڤبەرا کوردان دا ھێژ زێدەتر ئالۆز نەبیت، بهێتە دیتن ژی. لێ گەلەک کەس هزر دکەن کوگرنگی نەدان ب ڤێ رۆژەڤێ، دێ ھێژان پێتر رێکێ بۆ ڤان ھەلوەستێن پەکەکێ یێن ئیستیفزازی ڤەکەت.
