د بوویەرەکا سەیر دا سپیدەیا رۆژا چارشەمبی، 12ێ گولانێ، زارۆکەک دو-سالی پشتی کو چەکەک ژ دۆلابا نڤینان دەرخستی، گولـلە بەردان دایبابێن خوە.
بابێ 25 سالی ژ سەرێ خوە و دایکا 22 سالی ژی ژ لنگێ خوە ھاتە بریندار کرن. بوویەر بەری دەمژمێر 8ێ سپێدەیا چارشەمبی ل مالا ڤێ خێزانێ ل باژێرێ وەست بات، ل ویلایەتا مین پێک ھات.
جۆئێل مێری، رێڤەبەرێ پۆلیسێن باژێرێ ساگاداهۆک ژ بۆ مەدیایێ داخویانی دا و گۆت کو زارۆکی چەکەک ژ دۆلابا تەنشتا تەختێ نڤینێ راکر و دایبابێن خوە گولـلەباران کرن، زارۆک ب خوە ژی ژبەر هیزا ڤەگەرینا چەکی د دەمێ تەقەکرنێ دا ژ لایێ سەروجاڤێن خوە ڤە بریندار بوو.
ھەر سێ ژی ژ بۆ دەرمانکرنێ راکرنە نەخوەشخانەیا مد جۆئاست. پۆلیسان پشتراست کر کو مالبات نھا باشە. جۆئێل مێری ھەر وھا گۆت برینێن وان نە گرانن.
