وه‌زیرێ كارێن ده‌رڤه یێ ده‌وله‌تا تركیێ كامپا مه‌خموورێ یا ل باشوورێ كوردستانێ ب هێلینا په‌كه‌كێ و ته‌رۆرێ ب ناڤ كر.
مه‌ولوود چاویشئۆغلو، د بەرنامەیەکا تەلەڤزیۆنێ دا ژ بلی پێشھاتێن داوین یێن سیاسی، قالا رەوشا کامپا کۆچبەران یا مەخموورێ ژی کر و کامپ، وەک «کامپا تەرۆرێ و ھێلینا په‌كه‌كێ» ب ناڤ کر.
چاویشئۆغلو دا زانین، کامپا مەخموورێ «کامپا تەرۆرێ و ھێلینا په‌كه‌كێ» یه و دڤێت بهێته پاقژ کرن.
ھەروھا چاویشئۆغلو ئیدیعا دکەت کو ئەو د مژارا سڤیلان دا ھەستیارن و دبێژیت: لێ جڤاکا ناڤدەولەتی ژی دبینیت کو ئەڤ دەر ھێلینا تەرۆرێ یە، یێن کو ناخوازن ببینن ژی بلا ببینن و قەبوول بکه‌ن.
وەزیرێ کارێن دەرڤە یێ ترکیێ داخواز ژ ئه‌مەریکایێ ژی کر کو د ڤێ مژارێ دا زەلال بیت و گۆت: ئیستیخباراتا ئامەریکایێ ڤێ یه‌كێ ب باشی دزانه، له‌وما دڤێت ئه‌م چاره‌سه‌رییه‌كێ ژ كامپێ را ببینین.
