ئیتیلاعاتا ئیرانێ چالاکڤانەکێ دی یێ رۆژهلاتا کوردستانێ دەستەسەر کر

ئیتیلاعاتا ئیرانێ چالاکڤانەکێ دی یێ رۆژهلاتا کوردستانێ دەستەسەر کر

هێزێن ئەولەهیێ یێن رەژێما ئیرانێ شەڤا رابووری، بێی نیشاندانا فەرمانا دادگەهێ و دوور ژ قانوونێ، ب سەر مالا چالاکڤانێ کورد ل باژارێ سنە دا گرت و ئەو دەستەسەر کر.

ل گۆر راپۆرتا رێخستنا مافێن مرۆڤ یا هەنگاو، دەمژمێر 3:30ێ خۆلەکێ سەرێ سپێدێ رۆژا 15/6/2021ێ هێزێن ئیستیخباراتا ئیرانێ ل باژارێ سنە چوونە سەر مالا میکائیل مینبەری ل تاخێ جوتسایدا کوردستان و ئەو دەستەسەرکر.

ل گۆر چاڤکانیەکێ نێزیک ژ مالباتا مینبەری، نێزی 30 کەس ژ ئەندامێن هێزێن ئەمنی یێن ئیرانێ بێی نیشاندانا فەرمانا دادوەری چوونە سەر مالا میکائیل مینبەری و بێ رێزی ب مالباتا وی کریە و ئەو دەستەسەرکریە.

میکائیل مینبەری خەلکێ گوندێ نییەر و نیشتەجیێ باژارێ سنەیە. هێزێن ئەولەهیێ ل دەما دەستەسەرکرنا میکائیل دا، دەست ب سەر مۆبایل و ئالاڤێن وی یێن کەسوکی دا ژی گرتنە.

پوستێن ھەمان بەش