یەک ژ فەرماندارێن هه‌په‌گێ، ب كۆد ناڤێ ئۆزگۆر ژیاندا (ئینان چەلیک) د 9ێ خزیرانێ دا ژ ناڤا رێزێن په‌كه‌كێ ڤەقەتییا و ھاته د گەل ھێزێن پێشمەرگەی دا، ئەڤ نووچەیا کو دوهی کەتییە د ناڤا مەدیایێ، رێ ل به‌ر گه‌له‌ك دانوستاندنان ڤەکر و وا دیاره كو دێ دانوستاندنێن پتر ل په‌ی خوه ئینیت.
ئۆزگۆر ژیاندا کریارێن تاری یێن په‌كه‌كێ روهن کرن
ئاخفتنێن ئۆزگۆر ژیاندا ئەو بوویەرێن ئیستفزازی یێن ڤێ سالا داویێ ل باشوورێ کوردستانێ و ب تایبەت ل دەڤەرا بەھدینان قەومین رۆهن دکەت، د ئاخفتنا خوە دا، ئۆزگۆر ژیاندا ل ده‌ربارێ شه‌هید كرنا رێڤه‌به‌رێ ئاساییشا دەرگەھێ سەرێزێری «غازی سالح ئالیخان» و 5 پێشمەرگەیێن ل مەتینایێ، ئاگاھییێن گرنگ دان.
ب راستی، چ گومان نەبوون کو ئەڤ ھەردوو بوویەر ژ ھێلا په‌كه‌كێ ڤە ھاتینە کرن، په‌كه‌كێ ھەردوو بوویەر ژی ئینکار کرن، لێ ڤێ ئینکارێ ژ بلی ئالیگرێن وێ کەس پێ قانع نه‌ببوو، په‌كه‌كه ژ بۆ كو بوویەرا غازی سالح ئالیخان شێلی و مژه‌وی بکەت، گۆت کو دەولەتا ترک ئەو کوشتییە.
ب ھەمان ئاوایی، په‌كه‌كێ ھەول دا کو «شەھادەتا 5 پێشمەرگه‌یان» بکەته بوویەرەک كو «کریارێ وێ نەدیار» و خوە ژ ناڤ ڤێ کارەساتێ رزگار بکەت، لێ ڤێ جارێ، کەسەک ژ ناڤا مالا وان دەرکەت و دەربارێ ڤان بوویەران دا «جھ، دەم و شاھد نیشان دان، و دیار کر کانێ بوویەر چه‌وا قەومین و کێ کرینه، ئاخفتنێن ئۆزگۆر ژیاندا بێباوەرییا داخویانیێن په‌كه‌كێ رائێخستن بەر چاڤێن رایا کوردی و بێوژدانی و بێبەختیێن کو په‌كه‌كه ل گەلێ کورد دکەت زەلال کرن.
دێ په‌كه‌كه خوازیت کو ئۆزگۆر ژیاندا روورەش بکەت؟
ژ نھا و پێڤە، په‌كه‌كه عه‌ینی بێوژدانیێ دێ نیشانی ئۆزگۆر ژیاندا ده‌ت، دا کو ئه‌و راستیێن ئۆزگۆر ئەشکەرە کرین ب ڤەشێرن ئەو دێ سەناریۆیێن نوو و جەوەکێ فه‌وزایێ ئافرینن، دێ ل دژی کەسایەتی، مالبات و ژیانا وی هێرشان و بازاری كه‌ن، لێ ل ده‌ستپێكێ، ئەو دێ ھەول ده‌ن کو ڤێ بوویەرێ ژ بیرا مە ببن، ئەو دێ ل سه‌ر مه‌دیا جڤاكی گه‌له‌ك ل سه‌ر ڤێ یه‌كێ كار كه‌ن، ل ئالییەکێ دی، ئەو دێ وه‌ها ته‌ڤ گه‌رن هه‌ر وه‌ك بوویەر قەت چێنەبوویە و وێ راستیێ پچووک كه‌ن، ئەو دێ ببێژن: ئۆزگۆر ژیاندا کەسەک نه‌خودان ئەرک بوو، لێبەلێ، ئاژانسا ANFێ بخوە ل 20ێ تیرمەھا 2020ێ ل حه‌فته‌نینێ ئۆزگۆر ژیاندا وەک «فەرماندارەکێ بەرخوەدێر» راگه‌ھاندبوو.
دیسان ل نیسانا 2021ێ دا، ئەو وەک رێڤه‌به‌رێ شەری ل مەتینا دەستنیشان کربوو، لێ ب ئیھتیمالەکا پڕ مەزن په‌كه‌كه دێ رابیت و بێژیت کو وی چ وه‌زیفێن گرنگ نه‌بوون، ئەو نەفەرماندارێ هه‌په‌گێ بوو، تاكتیك كێشێن په‌كه‌كێ یێن مەدیایا جڤاکی ژی دێ بێژن: ئەو ترسۆنەک بوو، نه‌شیا شه‌رێ دەولەتا ترک بكه‌ت، كێشه‌یێن ژیانێ و جڤاكی ھەبوون و … هتد.
دبیت کو ل سەر شەخسێ وی هنده‌ك تاوانینێ ئەخلاقی ژی بهێته چێكرن، دێ هێته گۆتن کو ئەو ئاژان و سیخۆرێ ترکان بوو، ئەوی ئێخباری ل سه‌ر ھەڤالێن داینه و داینە کوشتن، ئەو دێ ھەول ده‌ن کو بوویەرێ بچووک بكه‌ن، دێ وی وه‌ك شه‌رڤانه‌كێ بچووك نیشان ده‌ن.
یێ کو رێبازا وان رێبازا ترکانە په‌كه‌ك بخوەیە
په‌كه‌كه وەک ھەر جار، دێ بێژیت کو پاراستنا ھەری باش ئێرشە و دێ هێرشه‌كا دژبەر د راگەھاندنێ دا كه‌ت، دێ په‌كه‌كه ل ده‌ستپێكێ بێژیت: «ئەڤه رێبازا ترکانە، په‌ده‌كه تەقلیدا ترکان دكه‌ت، ئەڤه ئەنجاما بێھێڤیبوونێ یە».
لێ بەلێ، یێن ھەموو د خەباتێ دا رێبازا وان وه‌ك یا ترکان، په‌كه‌كه ب خوە یە، په‌كه‌كه دێ پێشمەرگەی و بابێ 5 زارۆکان غازی سالح ئالیخان كوژیت و دێ بێژیت کو ئاگاھییا مە ژ بوویەرێ نینه، بكه‌ر نە دیارن، د ناڤبەرا «رێبازا رەڤاندن و ب ئه‌شکەنجە كوشتنا ڤەدات ئایدن ژ ئالیێ دەولەتا ترک ڤە و كوشتنا غازی سالح ئالیخان ل بەر چاڤێن زارۆکێن وی ل باخچەیێ مالا وی دا چ جوداهی نینه؟
چ جوداھی د ناڤبەرا دەولەتا ترکیا کو كچا کورد «دەنیز پۆیراز» ب رۆژ قەتلکری و وێ په‌كه‌كه‌یا 5 پێشمەرگە شەھید كرین و پشتره گۆتی بلا بوویەر بهێته لێكۆلین كرن نینه، په‌كه‌كه و دەولەتا ترک د بوویەرێن تاری دا خودان یەک رێبازن، دیرۆکا په‌كه‌كێ پڕی «بوویەرێن کریارێن وان نەدیاره».
په‌كه‌كه گه‌نجێن گوندێن نێزیکی خوە دگریت ب مەھان ئه‌شکەنجە دده‌ت و پشتره ژی وان ل سەر تی ڤییان ده‌ردئێخیت و مالباتێن وان شانتاژ دکەت و دبێژیت کو گەر ھوون پرۆپاگاندایا مە نەکه‌ن، ئەم زارۆکێن وە بەرناده‌ین، گەلۆ ئەڤ یه‌ك وه‌ك رێبازا کێ یه؟ بێ گومان، یا ترکیێ، مەتۆدۆلۆژییا سیاسی و جڤاکییا په‌كه‌كێ کۆپیا ترکیەیێ یە.
ژ ھەزاران گەریلایێن کو ھاتینە ھەرێما کوردستانێ، رۆژەکا ب تەنێ ژی یەک ژ وان ل سه‌ر تی ڤییان نیشان نه‌داینه
یا ھەره گرنگ، کەسێ «ئۆزگۆر ژیاندا» ب زۆری دەرنەئێخستییە سەر شاشا تی ڤیێ، ئەو ب خواسته‌ك و داخوازییا خوە دەرکەتییە، وەکی دی، ب ھەزاران کەس ھەنە کو ده‌ست ژ په‌كه‌كێ بەرداینە و ھاتینە ھەرێما کوردستانێ، د ناڤا سنۆرێن حكوومه‌تا ھەرێما کوردستانێ دا ب ھەزاران ئەندامێن په‌كه‌كێ یێن کو دوجانی ھاتینە، یێن کو پشتی ئه‌شکەنجەکرنێ ھاتینە وی یێن کو تشتێن خراب ژیان کرین و ھاتینە، ھەنە.
ب ھەزاران مرۆڤ ژ شەرڤان و فەرماندارێن په‌كه‌كێ ھاتینە، یێن ژ بەر بریارا سێدارەدانێ فه‌لتین، یێن نەخوەستین شەرێ براکوژیێ چێببیت هاتینه و هتد.
ژ ڤانا ھەموویان بپرسن رۆژەکا ب تنێ ژی کەسێ زەخت ل وان نەکرییە، وێنە و ناڤێن وان ناهێنه به‌لاڤ كرن، ئەو رادەستی ترکیێ ناهێن کرن، ھەر کەس دهێت و ژیانا خوە ئاڤا دکەت.
ئۆزگۆر ژیاندا ژ بۆ كو شەرێ ناڤخوه‌یی راوه‌ستینیت خواست ب ئاخڤیت
ئۆزگۆر ژیاندا ب خوە تشتێ کو قەومی دبێژیت و وه‌ها ڤه‌دگێریت:
ھەکە ھەوجە بكه‌ت ئەو دێ ڤێ ھەمیێ ب رایا گشتی را ژی به‌لاڤ بكه‌ت، ژ بەر کو ئەو باوەر دکەت کو ب به‌لاڤ كرنا ڤان ئاگاھییان دێ شیان هه‌بن هێجه‌تێن په‌كه‌كێ یێن چێكرنا شەری بهێنه ژناڤبرن، ئانكو، کەسێ چەک نەئێخستییە سەرێ وی، دا کو باخڤیت، ئەو وەک كورده‌كێ كو دخوازیت به‌رسینگێ ڤان یاریێن په‌كه‌كێ بگریت، ده‌ركه‌تییه، وەک ژ وێنەیان ژی دیار دبیت، ئۆزگۆر ژیاندا گه‌له‌ك رحه‌ته و هه‌ر وه‌ك كو ل مالا ئارامە.
په‌كه‌كه مینا یاووزێ دز، ھەم كه‌ته د ناڤا مالێ دا و ھەم ژی دڤێت ل خودانێ مالێ بده‌ت
ئۆزگۆر ژیاندا فه‌وزایا کو په‌كه‌كێ ھەول دای دەرباسی ناڤا ھەرێما کوردستانێ بکەت، ب زەلالی ئاشكه‌را دكه‌ت، پێدڤییه ئەم به‌رسینگێ ھەولێن په‌كه‌كێ و مریدێن وێ، یێن ژ بۆ ڤالا دەرئێخستنا ڤان ئاگاهییان، بگرین، جەوھەرێ ڤان ئاگاھییان ده‌ربێخینه پێش، د ئەنجام دا، کوژەرێ غازی سالح ئالیخان کی یە؟ و کوژەرێ 5 پێشمەرگەیان کی یە؟ بێ گومان په‌كه‌كه‌یە، ل گەل ڤانا ھەموویان ژی، په‌كه‌كێ مینا یاووزێ دز، ھەم كه‌ته د ناڤا مالێ دا و ھەم ژی دڤێت ل خودانێ مالێ بده‌ت.
په‌كه‌كه دخوازیت ئالیگرێن خوە ژ ئەورۆپا و رۆژئاڤا کۆم بکەت و ب ناڤێن جودا جودا دەنگەکی ده‌ربێخیت، قەربالغێ بکەت و راستیێ بەرزە بکەت، ب رێیا تەتیک کێشێن خوە یێن د ناڤا مەدیایێ دا، ئەو ب تاگا «په‌ده‌كه گوھ بدە کوردان» رۆلێ بێگونەھیێ د گێریت، لێ ئەو مینا گورگێ پیستێ په‌زی ل خوە کری، ته‌ڤ دگه‌ریت، په‌كه‌كه خوە وەک مه‌عسووم و بێگونەھـ نیشان ددەت، لێ ئەو دره‌وه، ئه‌و ب کوشتن و تەڤلیھەڤ دەرئێخستنێ دا، گه‌له‌ك ب بێوژدانی ته‌ڤ دگه‌ریت.
بێ گومان، دڤێت رێ ل په‌كه‌كێ بهێته گرتن داكو نه‌شێت ڤێ رۆژەڤێ بەروڤاژی بكه‌ت، لێ ھێزا راستیێ ژ ھێزا تەتیک کێشێن مەدیایێ مەزنترە،ى په‌كه‌كه چه‌ند تاگێن بكه‌ت بلا بكه‌ت، ئەو نه‌شێت راستییا کو وان 37 زارۆک ئێتیم هێلاین ب ڤەشێریت، شه‌هید كرنا غازی سالح ئالیخان و 5 پێشمەرگەیان ژ ھۆلێ راكه‌ت، ئۆزگۆر ژیاندا چەند ژ ڤان راستییان ئاشكه‌را کرن، لێ بەلێ، هێشتا ژی گەلەک راستیێن ڤەشارتی ھەنە کو پێدڤییه بهێنه به‌رچاڤ كرن و رائێخستن، ئەی په‌كه‌كه ئەڤ راستییەنە دێ یەک ب یەک قڕکا وە گڤێشن.
