فەدەراسیۆنا پەنابەران یا ئیراقی راگه‌ھاند کو ھێزێن ئەولەکارییا یەونانێ ب ئاوایەکی «ھۆڤانە» ل 42 پەنابەرێن کورد، ئیراقی و سووری ئیشکەنجە کرنە و 12 ژ وان تازی کرنە، پشترە ئەو ڤەگەراندنە ترکیێ.
فەدەراسیۆنا پەنابەران یا ئراقی داخویانیەک بەلاڤ کر تێدا دیار دکە کو پۆلیسێن یونانێ ل دژی یاسایێن ناڤدەولەتێ ب ئاوایەکی نەمرۆڤانی ل دژی پەنابەران ره‌فتار کرنە.
نوونەرێ ھەرێما کوردستانێ یێ فەدەراسیۆنا پەنابەران سا ئسراقی ئامانج عەبدولا ژ رووداوێ رە ئاخڤی و گۆت: پۆلیسێن یۆنانێ ئیشکەنجەیا پسیکۆلۆژیکی و لاشی ل پەنابەران کرییە، پەرە و بەلگەیێن وان ژ وان ستەندنە، د کامپا بنچاڤکرنێ دا ئیشکەنجەیەکە گران ل وان ھاتییە کرن.
دا زانین ئەڤ دەمەکە درێژە کو پەنابەر ل یۆنانێ نە و دوھ ئه‌و ڤەگەراندنە ترکیێ.
پەنابەرێن کو ژ فەدەراسیۆنا پەنابەران یا ئیراقی رە ئاخڤین وھا دبێژن: پشتی کو ئه‌م دەستەسەرکرن، ئیشکەنجە ل مە کرن، بەلگەیێن مە ژ مە ستەندن، 12 ھەڤالێن مە تازی کرن و ب زۆرێ دەپۆرتی باژارێ ئەدیرنەیێ یا ترکیێ کرن، پشترە رایەدارێن باژارێ ئەدیرنەیێ پێویستیێن مە یێن جل و خوارنێ پەیدا کرن رادەستی سازییا برێڤەبرنا کۆچێ کرن.
فەدەراسیۆنا پەنابەران یا ئیراقی ھەلوەستا پۆلیسێن یەونانێ یا ل ھەمبەری پەنابەران وەکی “نەمرۆڤانە” ب ناڤ کر، بانگ ل نەتەوەیێن یەکبوویی و رێخستنێن ناڤنەتەوەیی کر کو ل دژی وێ ببن خوەدی ھەلوەست.
