ل سلێمانێ د ئۆپەراسیۆنه‌كا ئیستخباراتا تركیێ میتێ دا، هه‌ر یێك ژ «ماھیە ئاچیک و رووھا راجیا» یێن به‌رپرسێن رێخستنا په‌كه‌كێ هاتن كوشتن.
ئیرۆ رۆژا چارشه‌مبی 30/6/2021ێ، ئیستخباراتا تركیێ راگه‌هاند كو د ئۆپه‌راسیۆنه‌كێ دا، وان دوو به‌رپرسێن په‌كه‌كێ ب ناڤێ ماهیه ئاچیك و رووها راجیا ل سلێمانیێ كوشتینه.
ماهیه ئاچیك ب كود ناڤێ ئادا ئیمرالی ل 2014ێ ته‌ڤلی په‌كه‌كێ بوویه و هه‌روه‌ها رووها راجیا ب كۆد ناڤێ ئه‌كین رۆژئاڤا ل 2015ێ ته‌ڤلی رێخستنێ بوویه، ل سلێمانیێ ب ده‌ستێ میتێ هاتنه كوشتن.
رێخستنا په‌كه‌كێ دوهـی رۆژا سێشه‌مبی ئاگاهی ل ده‌ربارا ژ ده‌ست دانا ڤان به‌رپرسێن خوه داینه، هه‌روه‌ها پژاكێ دوو رۆژان به‌رێ گۆتبوو كو ئه‌و هاتینه كوشتن.
هێژای گۆتنێ یه، د ده‌ما دوو سالێن رابووری دا، پتری 6 به‌رپرسێن مه‌زن یێن په‌كه‌كێ ل سلێمانیێ ب ده‌ستێ میتا ترك هاتینه قه‌تل كرن، ب ئاوایه‌كی ئێدی ئه‌ڤ پارێزگه‌هه بوویه جیهێ ته‌سفییه كرنا كادر و به‌رپرسێن رێخستنێ.
