پلاتفۆرما جوانێن کورد ل دۆر شەهیدکرنا ئەمین عیسا کو د زندانێن پەیەدێ د ب ئاوایەک هۆڤ هاتیە ئیشکەنجەکرن و کوشتن داخویانیەک وەشاند و د ڤێ داخویانیێ دا ئەڤ کارێ پەیەدێ ب توندی شەرمەزار کر.
داخویانیا پلاتفۆرما جوانەن کورد وەھایە؛
ل رۆژئاڤایێ کوردستانێ، وەلاتیەکێ کوردستانێ یێ ب ناڤێ ئەمین عیسا د 22یێ گولانێ دا ژ ئالیێ ئاسایشا پەیەدێ ڤە ھاتە بنچاڤ کرن، پشترا د گرتیگەھێ دا مر و پشتی 27 رۆژان رادەستی مالباتا وی ھاتە کرن. مالباتا وی و پەدەکە-س دیار کرن کو ئەمن عیسا د ئەنجاما ئیشکەنجەیێ دا ھاتیە کوشتن.
دەما کو ئەم ل وێنە و ڤیدیۆیێن د مەدیایێ دا دنێرین، ئەمین عیسا ب ئیشکەنجە و ب کریارەک نە مرۆڤاتی ھاتیە قەتل کرن. ڤێ بوویەرێ زرار گهاندیە دیالۆگا د ناڤبەرا ئەنەکەسێ و پەیەدێ دا. دەستێ دەولەتێن کۆلۆنیالیست و رێخستنێن بازرگانێن کو ل دژی دۆزا کوردستانێ و دانووستاندنێن یەکیتیێ ژی خورت کریە.
ئەم وەک پلاتفۆرما جوانێن کورد، ڤێ تاوانا نەمرۆڤانە قەبوول ناکەین و ب توندی شەرمەزار دکەین. ئەم ژ ھەموو سازیێن مافێن مرۆڤان و پارتیێن سیاسی یێن کورد دخوازین کو بانگ ل رێڤەبەریا خوەسەرا رۆژئاڤا بکەن کو بوویەرێ زەلال بکەن. دڤێت ئەڤ بوویەرە ب ھەمی ئالیێن خوە ڤە بهێتە ڤەکۆلین و بەرپرسیار بێنە سزادان. کەس ژ بەر رایا خوە نایێ ئیشکەنجە کرن و دادگەهکرن.
