ل ئیراقێ  بارەگەھا ھێزێن ئامەریکی راستی ئێریشەکا مۆشەکی ھات

ل ئیراقێ  بارەگەھا ھێزێن ئامەریکی راستی ئێریشەکا مۆشەکی ھات

ھەڤپەیمانیا ناڤدەولەتی یا ل دژی داعشێ راگھاند کو ئیرۆ بارەگەھا ئاسمانی یا عەین ئەسەد ب 3 مۆشەکێن دی ھاتیە ئارمانجکرن.

ل گۆر زانیاریێن دەستپێکێ، مۆشەک ل دەردۆرا بارەگەھا عەین ئەسەد کەتنە.

ئەڤ ئێریشا مۆشەکی یا ل سەر بارەگەھا عەین ئەسەد د دەمەکێ دایە، ئیراق د قۆناغەکا دژوار را دەرباس دبیت و د چەند رۆژێن بۆری دا بەرپرسێن حەشدا شەعبی گەفا تۆلھلدانێ ل ئامەریکا خواربوون.

ھەروھا د دەستپێکا ڤێ حەفتەیێ دا، سەرکردەیێ دیارێ حەشدا شەعبی، ھادی عامری راگھاند، دڤێت ئامەریکا ژ خاکا ئیراقێ ڤەکێشیت.

بارەگەھا عەین ئەسەد یا ئاسمانی، دویەم مەزنترین بارەگەھا لەشکەری یا ئاسمانی ل ئیراقێ یە و ل پارێزگەھا ئەنبارێ یە. ھێزێن ئامەریکایێ تێدانە و د ڤان دەمێن داوی دا گەلەک جاران بوویە ئارمانجا ئێریشان.