ل بەغدایا پایتەختا ئیراقێ ب درۆنان ئێرشی ئاڤاھیا بالیۆزخانەیا ئامەریکایێ ھات کرن. ھات راگھاندن، درۆنێن د ئێرشێ دا ھاتنە بکارئانین، ژ ئالیێ ھێزێن ئامەریکایێ ڤە ھاتنە خستن.
ل گۆر نووچەیێن مەدیایا ئیراقی، دەرەنگیا شەڤا بۆری، ب درۆنان ئێریشی بالیۆزخانەیا ئامەریکا یا ل بەغدایێ ھات کرن.
گرووپێن شیعە یێن نێزیکی ئیرانێ د سۆسیال مەدیایێ دا بەلاڤ کر، د ئێرشا ل سەر بالیزۆخانەیا ئامەرێکا یا ل بەغدایێ دا، 4 درۆن ھاتنە بکارئانین. لێ حکوومەتا ئیراقێ دەربارێ ڤێ یەکێ دا هیچ داخویانیەک نەدایە و ئەڤ یەک پشتراست نەکریە کو ئێرش ب 4 درۆنان ھاتبیتە کرن.
ل گۆر ئاگاھیان، درۆنێن د ئێرشێ دە ھاتنە بکارانین ژ ئالیێ ھێزێن ئامەریکایێ و سیستەما بەرەڤانیا ئەسمانییا ل بالیۆزخانەیێ ڤە ھاتنە خستن.
ئەڤ جارا یەکەمینە ب ڤی ئاوایی ئێریشی بالیۆزخانەیا ئامەریکایێ تێ کرن و یەکەم جارە سیستەما بەرەڤانیا ئەسمانی یا بالیۆزخانەیێ ب ڤی ئاوایی بۆ دەمەکێ درێژ بەرسڤا ئێریشێ ددەت.
