ژنێن ئەفغانستانێ چەک هەلگرتن و دخوازن شەرێ تالیبانێ بکەن!

ژنێن ئەفغانستانێ چەک هەلگرتن و دخوازن شەرێ تالیبانێ بکەن!

ل ئەفغانستانێ ب سەدان ژنێن ھەرێما گۆر ژ بۆ کو شەرێ دژی تەڤگەرا تالیبان یا ئیسلامیست بکەن چەک راکرن و ئامادەبوونا خوە بۆ شەرێ ل دژی تالیبانێ نیشاندان.

ل دەمەکێ کو ھێزێن ئامەریکا و ناتۆیێ ژ ئەفغانستانی ڤەدکشن و تالیبانێ ژی ئێریشێن خوە زێدە کرنە، ل ھەرێما گۆرا ئەفغانستانی ژنان نمایشەکا ب چەکان پێک ئانی.

ل گۆری رۆژنامەیا گاردیەن یا بریتانیایێ سەرۆکا ئیداری یا ژنان یا گۆر حەلیما پرەستچ ل سەر وێ خوەپێشاندانێ گۆتیە: “گەلەک ژنان خواست پەیامەکێ بدەن کو ئەو پشتگریا ئارتێشا ئەفغانستانێ دکەن. و گەلەکان ئامادەبوونا خوە یا بۆ شەرێ تالیبانێ نیشان دا.”

ژنان دەستنیشان کر کو ئەو قەبوول ناکەن وەلاتێ وان بکەڤیتە بن باندۆرا کەسێن کو ب ئاوایەکی ھۆڤانە لگەل ژنان ددن و دستینن، ئەو ژ بەر وێ یەکێ چەکیێ رادکەن.

ھێژایی گۆتنێیە کو تالیبان پشتی ڤەکشینا ھێزێن بیانی ئامادەکاریا خوە بۆ شریکاتیا دەستهەلاتا ئەفغانستانێ دکەت، ب ئاشکەرا دبێژیت کو ئەو دخوازن سیستەمەکێ ئیسلامی یێ توندرەو ل ئەفغانستانی دامەزرینن.