هه‌ڤپه‌یمانێتییا ناڤده‌وله‌تی یا ب سه‌رۆكتییا ئامه‌ریكایێ ئه‌شكه‌ره كر، ئه‌و نها د بزاڤێن ئاڤاكرنا هێزێن هه‌ڤبه‌ش ل نێڤبه‌را پێشمه‌رگه‌هێن كوردستانێ و ئارته‌شا ئیراقێ ده نه، ژ بۆ كو ئه‌ڤ هێز ل ناڤچه‌یێن كوردستانی وه‌رن ب جی كرن.
فه‌رماندارێ سه‌نته‌رێ هه‌ماهه‌نگییا هه‌ڤبه‌ش، كۆلۆنێل ده‌یڤ ولیامز ژ بۆی كه‌نالا عه‌ره‌بیه حه‌ده‌ث ئاخڤی یه و گۆت: هه‌ڤپه‌یمانێتییا ناڤده‌وله‌تی نها خه‌باتێ ژ بۆ چێكرنا هێزه‌كه هه‌ڤبه‌ش ئا پێشمه‌رگه و ئارتێشا ئیراقێ دكه، ژ بۆ كو ل وان ناڤچه‌یان بێن ب جی كرن كو هێژان خه‌ته‌رییا ته‌رۆرا داعشێ ل سه‌ر هه‌یه.
ده‌ست نیشان كر، ئه‌ڤ هێز ژ بۆ شه‌رێ ته‌رۆرا داعشێ دێ ل ناڤچه‌یێن كوردستانی یێن ده‌رڤه‌ی ئیداره‌یا باشوورێ كوردستانێ وه‌رن به‌لاڤه كرن.
كۆلۆنێل ده‌یڤ ل ده‌ربارا ئێریشێن ل سه‌ر هێزێن ئامه‌ریكایێ كو ل ڤێ داویێ ده‌وام تێن كرن، گۆت: ئه‌ڤ ئێریش هێزێن ئامه‌ریكایێ مه‌جبوور ناكن كو ژ ئیراقێ ڤه‌كشن، هێزێن ئامه‌ریكایێ وێ ل جیێ خوه بمینن.
