هه‌گه‌ر ئه‌ڤ شه‌ره‌ روودا، ل سه‌ر ئیسرائیلێ یێ ب ساناهی نابیت

هه‌گه‌ر ئه‌ڤ شه‌ره‌ روودا، ل سه‌ر ئیسرائیلێ یێ ب ساناهی نابیت

ئارتێشا ئیسرائیلێ ته‌خمینا خوه‌ یا ژ بۆی هه‌ژمارا رۆكه‌تێن حزبوللا یا لبنانێ ئه‌شكه‌ره‌ كر و گۆ هه‌گه‌ر ئه‌ڤ شه‌ر ده‌ست پێ بكه‌، ل سه‌ر ئیسرائیلێ ساناهی نابه‌.

ئارتێشا ئیسرائیلێ د داخۆیانییه‌كێ ده‌ ئیرۆ ل ده‌ربارا ژێرخانه‌یا چه‌كێن گران یا حزبوللا یا لبنانی ئه‌شكه‌ره‌ كر و گۆت: هه‌گه‌ر شه‌ر ل نێڤبه‌را حزبوللا و ئیسرائیلێ ده‌ست پێ بكه‌، ئه‌ڤ شه‌ر ل سه‌ر ئیسرائیلێ یێ ب ساناهی نابه‌.

ل گۆری به‌یانامه‌یا ئارتێشا ئیسرائیلێ، حزبوللا دێ كارینا ئاڤێتنا 1000 هه‌یا 3000 رۆكه‌تان د یێك رۆژێ ده‌ بۆ د ده‌ما هه‌فته‌یا یه‌كه‌مین یا شه‌ر ده‌ هه‌به‌.

ئارتێشا ئیسرائیلێ ئه‌ڤ یێك گۆت لێ به‌لێ د هه‌مان ده‌مێ ده‌ دبێژه‌: ئه‌م پێشبینی ناكن ئه‌ڤ شه‌ر ل ده‌مه‌كێ نێز چێببه‌، ژ به‌ر كو ده‌وله‌تا لبنانێ راستی كرێزین توند هاتییه‌ و ب سه‌ده‌ما ڤان كریزان ده‌رفه‌تا شه‌ران تونه‌ دبه‌.

هه‌موه‌ختا ڤێ به‌یانامه‌یێ، فه‌رمانداره‌كێ ئه‌نییا باكور یێ ئارتێشا ئیسرائیلێ دبێژه‌: ئیسرائیلێ ب هه‌زاران ئارمانجێن حزبوللا ده‌ست نیشان كرنه‌ و دكاره‌ هه‌ر هه‌موویان هه‌ده‌ف بكه‌.