یاریکەرێ ئالمانی ماخ کروسەیێ 33 سالی کو نھا ل گەل تیما نیشتیمانی یا ئالمانیایێ بەشداری د ئۆلیمپیادا تۆکیۆ دا کریە، د وەشانەکا زندی دا ب کوردی پێشنیارا زەواجێ ل دەزگرا خوە کر.
ماخ کروسە پشتی سەرکەفتنا تیما وی ل ھەمبەر تیما عەرەبستانا سعوودییێ ل ناڤ یاریگەهێ ب تیشێرتێ ب زمانێ کوردی ل سەر هاتیە نڤیساندن “ژ تە حەز دکم، دخوازم ب من رە بزەوجی” تەکلیفا زەواجێ ل ئەڤیندارا خوە یا کورد ب ناڤێ دلارا کر.
حەسابا تویتەرێ یا کانالا DW Sport ژی د تویتەکێ دا راگھاندیە، دەزگرا وی تەکلیفا زەواجێ قەبوول کریە، لێ چ ھوورگلیێن دی ئاشکەرا نەکرینە.
ناسنامەیا دەزگرا ماخ کروسە وەک دلارا ھاتیە راگھاندن و دهێتە گۆتن، کچەک ژ مێردینا باکورێ کوردستانێ یە.
ڤیدیۆیا کو ماخ کروسە تێدا تەکلیفا زەواجێ ب کوردی ل دەزگرا خوە کری د مەدیایا جڤاکی دا گەلەک ب لەز بەلاڤ بوو و ھێژتا ژی دهێتە بەلاڤکرن.