په‌كه‌كه‌ رێیا ناڤبه‌را مایێ و كانی ماسێ TNT دكه‌ت

په‌كه‌كه‌ رێیا ناڤبه‌را مایێ و كانی ماسێ TNT دكه‌ت

 رێخستنا په‌كه‌كێ جاره‌كه‌ دن ب ته‌رزێ ته‌رۆرا داعشێ رێیا گوندێن باشوورێ كوردستانێ مایین و TNT دكه‌، لێ به‌لێ ئه‌ڤ هه‌ولا وان ژ هێلا هێزێن پێشمه‌رگه‌ ڤه‌ راستی شكه‌ستنێ هات.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ئیرۆ رۆژا سێشه‌می 27/7/2021ان، هێزا پێشمه‌رگه‌هان هه‌وله‌كا دن یا رێخستنا په‌كه‌كێ ژ بۆ TNT كرنا رێیا گوندێ باشوورێ كوردستانێ ژ ناڤ بر و ماینێن كو چه‌كدارێن رێخستنێ ل سه‌ر رێیا گوندێ مایێ چاندین، ژ ناڤ برن و پۆچ كرن.

ده‌ست نیشان كر، چه‌كدارێن په‌كه‌كێ رێیا نێڤبه‌را گوندێ مایێ بۆ ناڤچه‌یا كانی ماسێ ل نێزی پرێ TNT كربوو، هێزا پێشمه‌رگه‌هان ژی بێی كو ت زراره‌ك چێببه‌، ئه‌ڤ TNT پۆچ كرن.

د 6 مه‌هێن رابووری دا، په‌كه‌كێ 7 جاران رێیا گوندێن دهۆكێ TNT كرنه‌

رێخستنا په‌كه‌كێ ژ سالا رابووری ڤه‌، ب ته‌رزێ ته‌رۆریستان ناڤچه‌یێن باشوورێ كوردستانێ، ب تایبه‌ت رێیا پێشمه‌رگه‌هان مینرێژ دكه‌ت‌، داوی جار ل 28 نيسانا ئيسالێ رێیا كانی ماسێ TNT كربوو و ب وێ سه‌ده‌مێ 3 كارمه‌ندێن حكوومه‌تێ كو ژ بۆ چاره‌سه‌ركرنا ئه‌لكتریكێ چووبوون ناڤچه‌یێ، بریندار كه‌تن.

هه‌روه‌ها ل 12 ئادارا ئیسال 2021ێ، رێیا ناڤچه‌یا ب ناڤێ «چه‌پێن چیایێ گامێركێ» كو دكه‌ڤن‌ پشتا گوندێ «راڤینا» یێ سنۆرێ پارێزگه‌ها دهۆكێ TNT كربوو.

ل 13ی هه‌مان مه‌هێ ژی، په‌كه‌كێ مایینه‌ك د رێیا پێشمه‌رگه‌هان دا ل ده‌ڤه‌را سیده‌كان دانابوو و د ئه‌نجاما وێ دا‌ پێشمه‌رگه‌یه‌ك شه‌هید كه‌ت.

هه‌روه‌ها ل مه‌ها شوباتا ئیسال 2021ێ ژی، رێخستنا په‌كه‌كێ رێیا گوندێن «باتیفا سه‌یدا و گوندێ راڤینا» کو دکەڤن ناڤچه‌یا کانی ماسێ یا دەڤەرا بەرواری بالا TNT دانابوو.

جینایه‌تێن په‌كه‌كێ یێن هه‌مئاوا ل سالا رابووری ژی هه‌بوون و ل رۆژێن 3-8-11 مه‌ها 11 یا سالا 2020ێ 3 ناڤچه‌یێن باشوور TNT كربوون، لێ به‌لێ ئه‌ڤ هه‌موو هه‌ولێن په‌كه‌كێ سه‌رنه‌گرتن و ژ هێلا هێزێن ئه‌وله‌هییا باشوورێ وه‌لات ڤه‌ هاتن ژ ناڤ برن.

هێژای گۆتنێ یه‌، حكوومه‌تا باشوورێ كوردستانێ، ژ نه‌مانا ر‌ژێما سه‌دام د هه‌ولێن به‌رده‌وام دا یه‌ ژ بۆ كو ناڤچه‌یێن باشوور ژ مین و ته‌قه‌مه‌نییان خه‌لاس بكه‌ت، ئه‌و مینێن كو ل ده‌ما خوه‌ ڤێ رژێما دكتاتۆر د رێیا پێشمه‌رگه‌هان دا‌ د دانان، لێ به‌لێ په‌كه‌كه‌ ژ نووڤه‌ هاتییه‌ و چاڤ ل رژێما سه‌دام دكه‌ت و رێیا پێشمه‌رگه‌هان مینرێژ و TNT دكه‌ت.