چەکدارێن “ئۆزبەکی” ل ئدلبێ ئێرش کرە سەر بارەگەهێن رەژیما سووریێ

 ل ئدلبێ چەکدارێن رادیکال یێن “ئۆزبەکی” ئێریشی ناڤەندا رێژیما سووریێ کرن و د ئەنجامێ دا ھەری کێم 4 چەکدارێن ئۆزبەکی و 6 لەشکەرێن رەژیمێ ھاتن کوشتن.

چاڤدێریا سووریێ یا مافێ مرۆڤان دەربارێ مژارێ دا دیار کر، دۆ چەکدارێن رادیکال یێن “ئۆزبەکی” ل ھەرێما حەنتوونین یا مەرەت ئەل-نومانا باشوورێ ئدلبێ ئێریشی نۆقتەیێن حکوومەتا شامێ کر.

چاڤدێریێ ئەشکەرا کر، د ئێریشی دا 6 لەشکەرێن حکوومەتا شامێ ھاتن کوشتن، د ھەمان دەمێ دا 4 چەکدارێن ئۆزبەکی کو پشتگریا خوە ژ دەولەتا ترکا داگیرکەر وەردگرن، ھاتنە کوشتن.

ل ئالیێ دی ژی سەکڤانێن سەر کۆمێن چەکدارێن سەر ب ترکیێ ڤە ل گوندێ کەفەر موورسا ل چیایێ شەھشبۆ یا باشوورێ ئدلبێ، لەشکەرەکێ حکوومەتا شامێ ئارمانج کر و د ئەنجامێ دا ئەو لەشکەر ھات کوشتن.

ھەروھا ئیرۆ د دەمژمێرێن بەربانگا سبێ کۆمێن گرێدایی ترکیێ ل ھەرێمێ کەفەر نوورانا رۆژئاڤایێ حەلەبێ بارگەھێن حکوومەتا شامێ تۆپباران کرن.