کا ئەم ژ سەبری ئۆک بپرسن: “بۆچی ھوون ب وێ پیر بوونا خوە درەوان دکەن، بۆچی ھوون ھەول ددەن کو شنگالێ ب ھەڤکارییا حەشدا شەعبی ژ کوردستانێ جودا بکەن؟”
گەر وی بیردانکا خوە وەندا نەکربیت، کەسێ کو بەرسڤا ھەری باش یا ڤان پرسیاران دزانیت سەبری ئۆک ب خوەیە. بۆچی؟ ژ بەر کو ئەو کەسێ کو ل بەغدایێ لگەل حەیدەر عەبادی دا ھەڤدیتن کری و ھەڤپەیمانییا پەکەکێ و ئیراقێ چێکری سەبری ئۆک بوو. گەلۆ د ڤان ھەڤدیتنان دا سەبری ئۆک و عەبادی ل سەر چ رێکەفتن کر؟ نە هەموو تشتا، لێ کا ئەم چەند تشتێن کو ب گرێدایی مژارا مە ڤە بینینە بیرا بەرێز سەبری ئۆک؟
1- پەکەکە دێ ل شنگالێ ھێزەکا لەشکەری ئاڤا کەت و ئەڤ ھێزە دێ ب فەرمی مووچەیێن خوە ژ حکوومەتا ئیراقێ وەرگریت، چەک و ئاموورێن شەری ژی دێ بۆ هێنە دابین کرن. شنگال دێ گرێدایی حکوومەتا ئیراقێ بیت.
2- ل سەر خەتا دوز-خورماتۆ و کەرکووکێ دێ لگەل ئارتێشا ئیراقێ دا ھەڤکاری و شریکاتی هێتە کرن.
3- ئەو یەکینەیا جوانان یا ژ لایێ پەکەکێ ڤە ل گەرمیان، خەتا کەرکووکێ ھاتیە ئاڤاکرن، دێ ژ لایێ ئارتێشا ئیراقێ ڤە ب فەرمی هێنە ناسکرن.
4- پەکەکە دێ فرۆکەخانەیێن بەغدا و سلێمانیێ ژ بۆ ھاتن چوونا ئەندامێن خوە و کارێ لۆجیستیکی-چەک و جەبلخانە و ھتد… بکار ئینیت و پێدڤیە چ ئاستەنگی ژ بۆی وان نەهێنە دروستکرن.
5- پەکەکە، ژ بۆ کو ھەرێما کوردستانێ ببیتە بەشەک ژ ئیراقێ چ ژ دەستێ وێ بهێت دێ ئەنجام دەت.
6- ل دژی کریارێن بارزانی یێن کو پاشەرۆژا ئیراقێ یا ئێکپارچەییێ تێک ددەن، پێکڤە خەبات بهێتە کرن. هەولێر دێ ناچار بیت کو ببیتە بەشەک ژ ئیراقێ، و بھێزبوونا وێ دێ هێتە ئاستەنگ کرن.
