Skip to contentسالح موسلم ژ خه‌و رابوو
بەشێ: 3
سالح موسلم د ده‌واما داخوه‌یانییا خوه ده كو ژ بۆی ئاژانسا ANF ل رۆژا 10/9 2021ێ دایه، دبێژه: «هنه‌ك كه‌سان د ناڤا په‌ده‌كێ ده خوه ته‌سلیم كرنه، یان خوه فرۆتنه تركیێ، یێن كو چوونه هه‌رێمێن گه‌ریلایان نه پێشمه‌رگه‌نه، ئه‌و هێزێن تایبه‌ت ئێن په‌ده‌كێ نه، وه‌كه هێزا گولان و زێره‌ڤانى، هه‌ر وها دبێژه: ئه‌م ئاماده‌نه ناڤبه‌ینكاریێ بكن».
كێشا هه‌ری مه‌زن ئا ڤى مه‌خلۆقى ئه‌ڤه كو ئه‌و راستیێ دزانه لێ جه‌ساره‌ت ناكه، یان ناخوازه راستیێ ببێژه، ژ به‌ر كو ئه‌و باش دزانه گه‌ر راستیێ ببێژه، ئه‌و ژى وێ ب ده‌ردێ هه‌ردو كادرۆیێن دێرین یێن رێخستنا په‌كه‌كێ «عیرفان گوله‌ر، سه‌عید ئۆچلو» بچه، ئه‌و كادرۆیێن كو وه‌كه كاراكته‌رێن سه‌ره‌كه و دامه‌زرێنه‌ر د ناڤا رێخستنێ ده دهاتن حه‌ساب كرن و رێخستنێ ئه‌و بێ تو ئه‌گه‌ره‌كێ ته‌رۆر كرنه.
سالحكێ موسلمى هوون باش دزانن كو پارتییا ده‌مۆكراتا كوردستانێ، خوه‌دی دیسپلبنه‌ك پوولایی یه و تو كه‌سێ پارتیێ نكاره ژ ده‌رڤه‌ى وێ دیسپلینێ بخه‌بته، ژ به‌ر كو وێ پارتیێ یێك سه‌رۆك هه‌یه و ستراته‌ژییا وێ پارتیێ ژ هێلا سه‌ركردایه‌تییا وێ ل ژێر رووناهییا به‌رنامه‌یا پارتیێ یا كو د كۆنگره‌ى ده هاتییه په‌ژراندن تێ دارێشتن و هه‌یا كو سه‌رۆكێ وێ پارتیێ وێ ستراته‌ژیێ نه‌په‌ژرینه، نا كه‌ڤه د قادا جی ب جی كرنێ ده.
هه‌ر وها تا‌كتیكا ب جی كرنا وێ ستراته‌ژیێ ژ هێلا سه‌ركردایه‌تییا وێ پارتیێ تێ دارێشتن و هه‌یا كو پۆلیبیرۆیا پارتیێ و سه‌رۆك نه‌په‌ژرینه، ناكه‌ڤه د قادا جی ب جی كرنێ ده، ئه‌ڤ یێك ژی سه‌ده‌مه كو هه‌ر كه‌سێ خوه‌دی بریار ل ناڤا پارتیێ و ل هه‌ر ده‌را ده‌ستهلاتێ به، عه‌ینی ستراته‌ژی و تاكتیكی ب كار تینه، واته د په‌ده‌كێ ده باسكێن جودا تونه‌نه، ئه‌و پارتییا وه یه كو هه‌ر یێك ل گۆری به‌رژه‌وه‌ندییا خوه ئا كه‌سی داخوه‌یانیێ دده و د خه‌بته، ئه‌و پارتییا كاركه‌رانه كو بوونه باسكێن جودا، باشترین میناك ل سه‌ر ڤێ ئاخافتنا مه ئه‌ڤه و بلا خوه‌نده‌ڤانێ ب روومه‌ت حاكم به:
میناك: تو و مازلووم و ئالدار كادرۆیێن رێڤه‌به‌رییا یێك رێخستنێ نه، لێ به‌لێ د ده‌ما یێك مه‌هـ ده وه داخویانیێن هه‌ڤدژی هه‌ڤ ب رێژا 180 پله‌یان دانه.
گه‌ر په‌ده‌كێ بریار هه‌به وه ژ ناڤ ببه، یان خه‌ته‌ریێ ل سه‌ر گه‌ریلایان چێبكه، پێویست ناكه خوه بفرۆشه وه‌لاته‌ك دن هه‌یا كوه بكار ڤێ ئه‌نجام بده، ژ خوه هوون باش دزانن په‌ده‌كێ ئه‌و قاس هێزا سیاسی، له‌شكری و ئابووری هه‌یه كو دكاره د یێك هه‌فته ده گه‌ریلایان ڤه‌گه‌رینن چیایێ سیپانێ، لێ به‌لێ سه‌رۆكێ په‌ده‌كێ بریار داییه كو «سه‌رئێشییا وه ژ بۆی باشوور» چێكری بێی خوین رێشتنا كوردان ب ده‌ستێ هه‌ڤ وه‌ره چاره‌سه‌ر كرن.
هه‌وه ئه‌و گه‌ریلا یێ پیرۆز ل جه‌م گه‌لێ باشوور كرنه هۆڤ و دڕنده، روژه‌ك دێ هێت گه‌ریلا وێ هه‌وه تف باران بكن و ژ وه‌ره ببێژن: ئه‌م ژ بۆنا رزگار كرنا خاكا كوردستانێ هاتبوون، نه ژ بۆنا قه‌تل كرن و ته‌رۆر كرنا گه‌لێ كوردستانێ، نه ژ بۆنا وێ كو خاكا تاكه په‌رچه‌یا ئازاد یا وه‌لات بدن ده‌ستێ داگیركه‌ران.
كتكا چاڤنق
سالحكێ موسلمى هوون باش دزانن «پێشمه‌رگێ زێره‌ڤانى و هێزا گولان» و هه‌موو هێزێن دن یێن پێشمه‌رگه‌هان، هێزین یاسایی نه و ل ژێر سه‌یوانا وه‌زاره‌تا پێشمه‌رگه ته‌ڤ دگه‌رن، سالحكێ موسلمى هوون باش دزانن كو پێشمه‌رگه‌هێ زێره‌ڤانى و گولان كینه؟ لێ به‌لێ تو مینا «كتكا چاڤنقی» راستی ژی ووسایه، ژ به‌ر كو ئه‌ڤه ئه‌و هیزه یاكو ئارتێشا ئیراقێ تێكبری، ته‌رۆرا داعشێ بن ئاخ كرى، سینۆره‌ك ژ بۆی حه‌شدا شه‌عبی دانای و كۆبانێ رزگار كرى.
