ئەردۆگان: ئەم ب بریارین گەفێن کو ژ سووریێ تێن ژ ھۆلێ راکەین

ئەردۆگان: ئەم ب بریارین گەفێن کو ژ سووریێ تێن ژ ھۆلێ راکەین

سەرۆک کۆمارێ ترکیێ رەجەب تەییب ئەردۆگان، د کۆنفەرانسەکا رۆژنامەڤانی دا، گەف ل رۆژئاڤایێ کوردوستانێ کرن و دیار کر: “ئەم ب بریارین گەفێن کو ژ سووریێ تێن ژ ھۆلێ راکەین.”

وەزیرێ ناڤخوەیا ترکیێ سولەیمان سۆیلو دوهی ئاشکەرا کر، 2 ئەندامێن پۆلیسێن ئەرکێن تایبەتێن ترکیێ ل باژارۆکێ مارێ یێ ل باکورێ حەلەبێ د ئێریشەکا یەپەگێ دا ھاتنە کوشتن.

سەرۆک کۆمارێ ترکیێ، د کۆنفەرانسەکا رۆژنامەڤانی دا دەربارێ کوشتنا 2 پۆلیسێن ترکیێ ل باکورێ حەلەبێ ئاخڤت و گۆت، ئێدی سەبرا وان داوی بوویە، ئەو ب ھێزێن وێ دەرێ، یان ژی ب دەرفەتێن خوە، ب بریارن پێشیا ڤان ئێریشان بگرن.

ئەردۆگان ھەروھا ئاشکەرا کر: “ل ھەمبەر ھندەک جھێن ل باکورێ سووریێ کو کانیێن ئێرشێن تەرۆرێ نە، سەبرا مە ئێدی نەمایە. ئەم ب بریارین، یان تەڤی ھێزێن کو ل وێ دەرێ چالاکن، یان ژی ب دەرفەتێن خوە ڤان گەفێن کو ژ ڤان ھەرێمان دەردکەڤن تێک ببەین.”

ھەری داوی دەستنیشان کر: “ئێریشا داوی یا پەکەکێ-یەپەگێ یا ل ھەمبەر پۆلیسێن مە و ئارمانجکرنا ئاخا مە، سەبرا مە نەهێلایە. د دەمەکێ ھەری کورت دا، ژ بۆ چارەسەرکرنا ڤان پرسگرێکان، ئەم دێ گاڤێن پێویست هاڤێژین”.

پوستێن ھەمان بەش