بەسێ کوریەک هەبە بار ل ئەردێ نامینە!!

به‌سێ هۆزات، ئه‌نداما كه‌جه‌كێ بۆ مه‌دیا په‌كه‌كێ ئاخڤی و هنده‌ك نرخاندن كرن، هه‌ر چه‌ند كو داخویانیێن هه‌موو ئه‌ندامێن كه‌جه‌كێ عه‌ینی ئاخفتن، عه‌ینی دره‌و و حه‌نه‌كانه‌، لێ به‌لێ ڤێ جارێ «به‌سۆ» فه‌رق ئاخڤی، تشتێن نوو گۆتن، د‌ره‌وه‌ك ئه‌وقاس ب ده‌به‌نگی كر، هه‌ما بێژه‌ وێ كورتانێ خوه‌ هاڤێت و ب خوه‌ ڤه‌ ڕیت، ئه‌وێ گۆت: «هه‌گه‌ر نه‌ ژ په‌ده‌كێ با، عه‌فرین نه‌دهاته‌ داگیركرن»!

به‌سێ هۆزات، ئه‌نداما كه‌جه‌كێ بۆ مه‌دیا په‌كه‌كێ ئاخڤی و هنده‌ك نرخاندن كرن، هه‌ر چه‌نده‌ داخویانیێن هه‌موو ئه‌ندامێن كه‌جه‌كێ عه‌ینی ئاخفتن، عه‌ینی دره‌و و حه‌نه‌كانه‌، لێ به‌لێ ڤێ جارێ «به‌سۆ» فه‌رق ئاخڤی، تشتێن نوو گۆتن، د‌ره‌وه‌ك ئه‌وقاس ب ده‌به‌نگی كر، هه‌ما بێژه‌ وێ كورتانێ خوه‌ هاڤێت و ب خوه‌ ڤه‌ ڕیت، ئه‌وێ گۆت: «هه‌گه‌ر نه‌ ژ په‌ده‌كێ با، عه‌فرین نه‌دهاته‌ داگیركرن»!

نه‌هێسانه‌ دو مرۆڤێن وه‌ك یه‌ك بهێنه‌ دیتن، لێ د په‌كه‌كێ دا‌ ئه‌ڤ تشت زه‌حف هه‌یه‌، ئه‌ڤ رێخستنه‌ عه‌تاریەکە چ بخوازی لێ هه‌یه‌، مرۆڤ حێبه‌تی دمینیت‌ ئه‌ڤ گرووپا پیرەمێر و پیره‌ژنان چ قاس ب ده‌به‌نگیێ وه‌ك ئێكن، جاران جه‌مال دهێت مژارا كه‌ردزینێ شرۆڤه‌ دكه‌ت، جومعا دهێت و دبێژیت یا ئه‌نگلێس و ماركسی نه‌كری ئاپۆی كر، سه‌بری دبێژیت كلیلا چاره‌سه‌رییا ئه‌فغانستانێ ئاپۆیه‌ و عه‌باس ژی دبێژیت‌ ژ فه‌لسه‌فا ئاپۆ نه‌با داعش نه‌دهاته‌ تێك برن، یا راست كوریه‌ك كه‌جه‌كێ هه‌بایه‌، بار ل ئه‌ردی نه‌مان!، لێ ما مرۆڤ چ ژ رێخستنه‌كێ هێڤی دكه‌ت كو رێبه‌رێ وێ كۆمكرنا پاره‌ی ب بینامووسییا هه‌ره‌ مه‌زن ب حه‌سبینیت!

به‌سێ هۆزات ئه‌ندام و هه‌ڤسه‌رۆكا كه‌جه‌كێ رۆژا 17 جۆتمه‌هێ بۆ رادیویا ده‌نگێ وه‌لات ئاخڤی یه‌، ب كورتی ئه‌ڤه‌ نیڤشكێ ئاخفتنا وێ یه‌:

  • تركیه‌ گاڤا ئێكێ یا پلانا قڕكرنا ل سه‌ر كوردان ژ ئیمرالیێ هاڤێت.

  • تركیه‌ دخوازیت‌ ئاپۆی بینیته‌‌ سه‌ر خه‌تا خوه‌ و وی ته‌سلیم بكه‌ت.

  • ئیرۆ ئازادییا فیزیكی یا رێبه‌رتیێ نه ‌ته‌نێ داخوازا كوردانه‌، بوویه‌ داخوازه‌كا‌ گه‌ردوونی.

  • هه‌گه‌ر نه‌ ژ په‌ده‌كێ با، عه‌فرین سه‌رێ كانیێ و گرێ سپی نه‌دهاتن داگیركرن.

  • 90% یا هێرشێن ئاسمانی یێن ل سەر باشوورێ کوردستانێ، ب ئیستیخباراتا کو په‌ده‌كه‌ ددەته‌ میتێ، دهێنه‌ کرن.

  • په‌ده‌كه‌ دخوازیت‌ ده‌ستكه‌فتیێن په‌كه‌كێ یێن 50 سالان ژ بۆ خوه‌ حه‌ساب بكه‌ت‌.

هۆستایێ ته‌سلیمیه‌تێ

گۆتنه‌كا‌ پێشییان هه‌یه‌ دبێژیت‌: «مریشكا ره‌شه‌، هه‌رده‌م نه‌خوه‌شه‌»، به‌سۆیێ د ڤێ هه‌ڤدیتنا خوه‌ ده‌ ئیسبات كر، ئه‌و ب ده‌به‌نگیێ ل ئاستا هه‌ری ژوره‌ و ل پێشییا هه‌موو رێبه‌رێن په‌كه‌كێ كه‌تییه‌، ژ به‌ر كو وێ ب ده‌ڤێ خوه‌ گۆت: «ده‌وله‌تا ترك پیلانێن قڕكرنا كوردان ژ ئیمرالیێ د ئاڤێژیت‌»، پشتره‌ ژ بۆ كو ڤێ شاشیێ ب په‌چنیت دبێژیت‌: «ده‌وله‌تا ترك دخوازیت ئاپۆی بینیته‌‌ سه‌ر خه‌تا خوه‌ و وی ته‌سلیم بكه‌ت»، گه‌لۆ ئه‌م دپرسین قه‌ی به‌سۆ چاوا ل ته‌سلیبوونێ د نێریت؟‌، قه‌ی وه‌ختا ئاپۆ ژ مه‌حكه‌مێ را گۆتی «دییا من تركه‌، ئه‌ز ئاماده‌مه‌ خزمه‌تا تركیێ بكم»، ما‌ ئه‌و نه‌ته‌سلیمییه‌ت بوو، ما ئه‌ڤ ئاخفتنه‌ ب تنێ نه‌ به‌سه‌ كو میدالییا هۆستایێ ته‌سلیمییه‌تێ ب ئاپۆ بهێته‌ دان؟.

د به‌شه‌كا دی یا ئاخفتنا خوه‌ دا به‌سۆ دبێژیت: «ئیرۆ ئازادییا فیزیكی یا رێبه‌رتیێ نه‌ ته‌نێ داخوازا كوردانه‌، به‌لكو بوویه‌ داخوازییه‌كا‌ گه‌ردوونی».

به‌سۆ ووسا د فكریت كو گه‌لێ كورد چ كار و كه‌سابه‌ت ژ بلی ئاپۆی نینه‌، نه‌ووسایه‌ به‌سۆ، هایا گه‌ل ژ وی زه‌لامی نینه‌، ئه‌و زه‌لام نه‌ رێبه‌رێ گه‌له‌ و نه‌ ژی یێ گه‌لانه‌، گه‌ردوون ته‌نێ یێك تشتی ژ ئاپۆی دزانیت‌، دزانیت‌ وی زلامی ناڤێ خوه‌ چ قاس ب شه‌رمه‌زاری د دیرۆكا رێبه‌رێن كورد دا‌ نڤیسایه.

به‌سۆ وه‌كه‌ وێ یا كو تڕ ل بن گوها كه‌تی، به‌حسا هێرشێن ده‌وله‌تا ترك یا داگیركه‌ر ل سه‌ر باشوورێ كوردستانێ دكه‌ت و دبێژیت: 90% یا هێرشێن هەوایی یێن ل سەر باشوورێ کوردستانێ، ب ئیستیخباراتا کو په‌ده‌كه‌ ددەته‌ میتێ دهێنه‌ کرن.

به‌سێ ژ خوه‌ دنیا و عاله‌م دزانیت ده‌وله‌تا ترك ئه‌نداما ناتۆیێ یه‌ و هه‌ر چ ته‌كنه‌لۆژییا پێشكه‌فتی یا شه‌ر هه‌یه‌، ژ خوه‌ ته‌نێ مه‌ژیكێ ته‌ یێ بچووك ووسا دفكریت‌ كو ده‌وله‌ته‌كا‌ خوه‌دییا ڤێ پێشكه‌تنێ لاڤه‌ لاڤێ ژ بۆی په‌ده‌كێ بكه‌ت ژ بۆ كو کۆئۆردیناتان ل سه‌ر جهێن وه‌ بستینیت‌، ژ خوه‌ ئه‌ڤ نه‌ جارا یه‌كه‌مینه‌ رێخستن توهمه‌تێن ووسا بێئه‌خلاق ژ بۆ په‌ده‌كێ چێدكه‌ت‌، هه‌ر چار پارچه‌یێن كوردستانێ باش فێم دكه‌ن كو ئارمانجا په‌كه‌كێ ژ ڤان توهمه‌تان ئه‌وه‌ كو په‌یڤا په‌ده‌كێ ل سه‌ر «تفاقا ئاكه‌پێ و مه‌هه‌پێ» زێده‌ بكه‌ت‌.

هه‌گه‌ر نه‌ ژ په‌ده‌كێ با، عه‌فرین، سه‌رێ كانیێ و گرێ سپی نه‌دهاتن داگیركرن!!

لێ ئه‌ڤ نه‌ ته‌كانه‌ تشتێ عه‌جێب بوو ژ ده‌ڤێ به‌سۆیێ ده‌ركه‌تی، به‌سۆ دبێژیت‌: «هه‌گه‌ر نه‌ ژ په‌ده‌كێ با، عه‌فرین، سه‌رێ كانیێ و گرێ سپی نه‌دهاتن داگیركرن»!، پرسا مه‌ ژ بۆی به‌سۆ ئه‌ڤه‌یه‌‌: گه‌نیێ قه‌ی ما هوون دفكرن گه‌لێ كورد وه‌ك‌ هه‌وه‌ گێل و ده‌به‌نه‌گه‌؟ قه‌ی دنیا و عاله‌مێ دیت میلیتانێن ئاپۆی ب چ ئاوایی ژ رۆژئاڤا بازدان و چاوا عه‌فرین و سه‌رێ كانیێ و گرێ سپی ژ بۆ چه‌تێن سولتانی هشتن، قه‌ی گۆتنێن جه‌مالێ كه‌ردز ژبیرا وه‌ چوون وه‌ختا تلیا خوه‌ بلند كری و گۆتی: «هه‌گه‌ر شه‌ره‌فا ئاردۆگان هه‌به‌، دێ لنگێ وی كه‌ڤیته‌ د عه‌فرینێ دا‌»، قه‌ی ما په‌ده‌كه‌ ل وێرێ بوو یان میلیتانێن خودانێ تلیێ و شه‌ره‌ف و نامووسێ؟ به‌سۆ ژ خوه‌ هوون نه‌شێن ب د‌ره‌وان وه‌له‌دێ حه‌رام یێ په‌كه‌كێ باڤێژن د كۆشا په‌ده‌كێ دا‌.

په‌ده‌كه‌ حه‌یری مایه‌، نزانيت‌ دێ كیژان ده‌ستكه‌فتیێن په‌كه‌كێ ژ بۆ خوه‌ حه‌ساب كه‌ت!!

به‌سێ ل ئالییه‌كێ دی دبێژیت: «په‌ده‌كه‌ دخوازیت‌ ده‌ستكه‌فتیێن په‌كه‌كێ یێن 50 سالان ژ بۆ خوه‌ حه‌ساب بكه‌ت»‌، ژ خوه‌ ڤێ ئاخافتنێ هه‌وجه‌داری ب به‌رسڤدانێ نینه‌، زارۆكێن كوردان ژی دزانن ئه‌ڤه‌ 41 ساله‌ په‌كه‌كه‌ هاتییه‌ ئاڤاكرن و 37 ساله‌ شه‌رێ چه‌كداری دكه‌ت‌، لێ به‌لێ هێژان یێك مه‌ترا خاكا كوردستانێ رزگار نه‌كرییه‌، هێژان گوندێ ئاپۆی رزگار نه‌كرییه‌، ژ كه‌ره‌ما خوه‌ به‌سێ بۆمه‌ ببێژه‌ كیژان ده‌ستكه‌فتی نه‌ كو په‌ده‌كه‌ دخوازیت‌ ژ په‌كه‌كێ بستینیت‌؟ ته‌سلیمییه‌تا زڕچوویێ كوڕێ داییكا ترك؟، یان ستراتیژییا هه‌وه‌ یا كو گه‌لێ كورد ناڤێ «براتییا كه‌ران» لێ كری؟، یان ژی وێرانییا هه‌وه‌ ل باكور ل په‌ی خوه‌ هشتی؟ ژ خوه‌ نێ زارۆك ژی دزانن په‌كه‌كێ یێك ده‌ستكه‌فتی ژی ژ بۆی كورد و كوردستانێ چێنه‌كرییه‌.

ل داویێ ژی ئه‌م دبێژین، دره‌وان ژی هونه‌ر و نیزاما خوه‌ هه‌یه‌، به‌سۆ ژی نه‌ ژ ڤێ هونه‌رێ و نه‌ ژ ڤێ نیزامێ فێم  ناكه‌ت‌، رێخستنا په‌كه‌كێ ژ مێژه‌ ‌یه‌ ده‌ست ژ نه‌ته‌وه‌ و سه‌رخوه‌بوونێ به‌ردایه‌ و رێیا براتییا تركان گرتییه‌، براتییا كو ئاپۆ و میت ل ئیمرالیێ پلانێ ژ بۆ چێدكه‌ن.