ئامەریکا ھەولا کوشتنا کازمی شەرمەزار کر

ئامەریکا ھەولا کوشتنا کازمی شەرمەزار کر

وەزارەتا دەرڤەیا ئامەریکایێ ئێریشا سەر مالا سەرۆکوەزیرێ ئیراقێ مستەفا کازمی شەرمەزار دکەت و وەک کریارەکا تەرۆریستی بۆ سەر “دلێ ئیراقێ” بناڤ دکەت.

د داخویانیەکێ دا بەردەڤکێ وەزارەتا دەرڤەیا ئیراقێ نید پرایس دبێژیت: “ئەم چاڤدێریا نووچەیا ئێریشا فرۆکەیا بێفرۆکەڤانا سەر مالا سەرۆکوەزیر کازمی دکەین و مە ھەست ب ئارامیێ کر دەما مە دیت زییان نەگھشتیە وی.”

نید پرایس دبێژیت: “ئەڤ کریارا تەرۆریستی ئاشکەرایە کو ئەم ب دژواری شەرمەزار دکەین و راستەراست بۆ ناڤ دلێ دەولەتا ئیراقێ ھاتیە کرن.” پرایس دا زانین کو ئامەریکا ژ نێزیک ڤە لگەل ھێزێن ئەمنی یێن ئیراقێ د پەیوەندیێ دایە کو ئەرکێ وان پاراستنا سەروەری و سەربخوەییا ئیراقێ یە و ھەڤکاری پێشکێشی وان کرنە بۆ لێکۆلینێن تایبەت ب وێ ئێریشێ.”

پرایس دا زانین کو پابەندبوونا وان بۆ ئیراقیێن ھەڤبەشێن وان قاییم و جیگرە و ئامەریکا لگەل حکوومەت و گەلێ ئیراقێ یە.

ئیرۆ بەرێ سپێدێ 7ێ مژدارا 2021ێ، ب فرۆکەیەکا بێفرۆکەڤان ل ناڤچەیا کەسک ئێریش بۆ سەر مالا سەرۆکوەزیرێ ئیراقێ مستەفا کازمی ھات کرن. مەدیایا ئیراقێ راگھاند کو 3 زێرەڤانێن مالا سەرۆکوەزیرێ ئیراقێ مستەفا کازمی د دەما ئێریشێ دا بریندار بوونە.