دالکورد ب تەنێ یەک یاریا دی بسەرکەڤیت دێ دەرباسی لیگا مۆمتازا سوێدێ بیت

دالکورد ب تەنێ یەک یاریا دی بسەرکەڤیت دێ دەرباسی لیگا مۆمتازا سوێدێ بیت

د لیگا 1ەمینا سوێد یا کۆما باکور دا دالکورد ل مالا خوە ب ئەنجاما 3-2 ھاماربی تێک بر و خالێن خوە گەهاندن 58 خالان و پلەیا خوە یا 2یەمین ژی پاراست.

د یاریا ھەفتەیا 28ەمینا لیگا 1ەمین یا کۆما باکور دا دالکوردێ مێهڤانداریا ھاماربی کر.

دالکورد د خولەکا 23 دا ب گۆلا سامۆول ئزۆونتۆوئەمۆ 1-0 پێشکەت. یاریزانێ تیما مێڤان یێ ب ناڤێ جۆسێف ئەراب د خولەکا 29ێ دا گۆلەک تۆمار کر و ئەنجام یەکسان بوو 1-1.

ھاماربی د خولەکا 35 دا ب گۆلا ھۆفڤاندەر ب 2 گۆلان بەرامبەر گۆلەکێ پێشکەت و ب ڤی ئەنجامی بەشا یەکەم یا یاریێ ب داوی ھات.

نیڤا دویەمین ب ئاوایەکی دژوارتر دەست پێ کر، دالکورد د خولەکا 61 یا پێشبرکیێ دا ب گۆلا کۆئەن کۆستۆنس ئەنجام یەکسان کر.

د خولەکا 90+2 یا یاریێ دا یاریزانێ دالکورد دیلان ئیسمایل گۆلەک تۆمار کر و یاری ب ئەنجامێ 3-2 ب داوی ھات و پشتی ڤێ یاریێ دالکورد ئەڤە سێ جارە ل سەر ھەڤ بسەردکەڤیت.

دالکورد د ھەفتەیا بۆری دا ئاسسیرسکا د یاریگەها خوە دا ب ئەنجامێ 5-0 و ل دووڤ را تیما پیتیئا ب ئەنجامێ 3-0 تێک بر، د داویا ھەفتەیا 28ێ دا خالێن خوە گەھاندنە 58ان و پشتی برۆماپۆژا خوەدیێ 68 خالان، د رێزا دویەمین دایە.

ھەر وەھا تیما کورد ب 4 خالان ل پێش تیما کارسداتێ یا د رێزا 3یەمین دایە. د لیگا 1ەمینا کۆما باکورا سوێدێ دا 2 ھەفتە مان. دالکورد ھەفتەیا بهێت دێ ل مالا خوە لگەل ھودکسڤاڵ دا و ھەفتەیا داوی ژی ل دەرڤە لگەل ھاننگی دا رووبروو بیت.

د داویا سالێ یا کۆمان دا ھەر دو تیمێن یەکەم ژ بۆ سالا پاشتر دەردکەڤنە لیگا ژۆرتر.