تیما فوتبۆلێ یا دالکورد کو ل سوێدێ یە، د وەرزێ 2021-2022یا خولا ھەرێمی یا نۆررا یا سوێدێ دا، ھەر چار یاریێن داوی ب سەرکەفتنێ دەرباس کرن و کەت رێزا ددویان.
تیما دالکوردێ د یاریا داوی یا لگەل تیما ھاننگێ دا خالەک وەرگرت و نھا تەنێ دو یاریا ژ لیگا یەکەما سوێدێ دوورە. د چارچۆڤا رکەبەریێن گەرا 30ێ یا ڤێ خولێ دا (دڤسۆن 1 نۆرا)، تیما دالکورد بوو مێڤانا تیما ھاننگێ و یاری ب یەکسانی تەمام بوو.
رجکسۆن مانسامنا خولەکا 38 تیما خوەدیا مالێ پێش خست و د خولەکا 44 دا ژی فابۆ دی سۆسا سلڤا ل سەر ناڤێ دالکوردێ بەرسڤا ڤێ گۆلێ دا و گێمێ یەکەمێ یاریێ ب ئەنجاما 1-1 تەمام بوو.
د گێما دویەم دا دالکوردێ فشارا ل سەر خوەدیا مالێ زێدە کر و د خولەکا 65ێ دا بەختیار رەحمانی دالکورد 2-1 ب پێش خست. لێ ماتتاس میتکو د خولەکا داوی یا یاریێ دا، د خولەکا 88ێ دق گۆلەک ژ بۆ ھاننگێ تۆمار کر و یاری ب یەکسانیا 2-2 تەمام بوو.
دالکورد کو د ھەر چار یاریێن خوەیێن داوی دا ھەڤریکێن خوە تێک برن و وەرزا یەکەما لیگێ ب 62 خالان د رێزا دویەم دا تەمام کر.
دالکوردێ ب گشتی د ڤێ لیگێ دا ئاستەکێ باش نیشان دایە و تەنێ د 4 د یاریان دا ل ھەمبەری رکابەرێن خوە تووشی شکەستنێ بوویە.
دالکورد رۆژێن 1 و 4ێ یێن مەھا داهاتی د چارچۆڤا پلای ئۆففێ دا دێ هێتە ھەمبەری تیما گاس و سەرکەفتیا یاریێ دێ گەهیتە لیگا یەکەما سوێدێ کو وەک “Superettan” دهێتە بناڤکرن.
