پەکەکێ داخویانیەک بەلاڤکر و تێدا نرخاندن ژ بۆی 50 سالێن خوە کر، د داخویانیێ دا «عەبدوللا ئۆجالان» وەک کەسایەتیەکێ کو هێژ د زارۆکاتیێ دا خوەدی هێزەکا جودا بوویە هاتیە نیشاندان و ووسا دەربارێ وی هاتیە بەحس کرن کو عەبدەکێ تایبەتە و خوەدێ هیچ کەسەک دی وەک وی نەئافراندیە. هەمان دەمێ ووسا هاتیە دەستنیشانکرن کو پەکەکێ کوردینی ژ سفرێ دەستپێکریە و تەڤ ئەژدیها و ئەجنەیێن جیهانێ ئێریشی پەکەکێ کرنە لێ نەکارینە وێ ژ ناڤ ببەن، پەکەکە ژی وەک فیریشتەیەکا بەرخوەدانێ و چەڤەنکا بەرخوەدانا شۆرشگەری نیشان دایە. د داخویانیا پەکەکێ دا دیرۆکا کوردستانێ هاتیە تونە کرن، پەکەکێ ئینکارا کورد و کوردستانێ کریە، ئەم ژی دبێژینە پەکەکێ ئێدی بەسە. د بنەرەت دا ئەگەر پەکەکە هندە بێعار و بێ سینۆر دیرۆکا کوردستانێ ئینکار دکەت سەبەب ئەمین، دەما ئەم کریارێن وان ل روویێ وان نەدەین، ئەو ژی ب ڤی رەنگی بێعار دبن.
میناک، تەنێ د ئێریشا داوی یا ئیرانێ ل سەر پایتەختا هەرێما کوردستانێ هاتیە کرن دا مرۆڤ دکاریت روویێ راستی یێ پەکەکێ ببینیت، پشتگیریدانا پەکەکێ ژ بۆی ئێریشا ئیرانێ ل سەر هەولێرێ ڤێ راستیێ نیشانی مە ددەت کو چ خەما پەکەکێ ژ بۆی کورد و کوردستانێ نینە. جەوهەرێ سیاسەتا پەکەکێ ئەم دکارین ب یەک تشت تەعبیر بکەین ئەوژی لەسفرۆشیا سیاسی یە.
فاحیشە کییە؟
فاحیشە نە ب تەنێ ئەو ژنە کو لاشێ خوە دفرۆشیت، لەشفرۆش د عەرەبی دا ب واتەیا بێعار بێ مەبدە، هار و حەدێ خوە نەزان، واتە هەر کەسێ کو حەدێ خوە دەرباس کری ئەم دکارین ببێژینێ لەشفرۆش. هەمان دەمێ لەشفرۆشی ب وێ واتەیێ دهێت کو هەر تشتەکێ ژ بۆی پارە و ژ بۆی بەرژەوەندیێن خوە بکەی. ئەڤ لەشفرۆشیا سیاسی یا کو ئەم ژ بۆی پەکەکێ دبێژین ژی چاڤکانیا خوە ژ ڤێ دەرێ وەردگریت.
دەما فاحیشەیەک دچیتە جهەکێ ب ناسنامەیا مرۆڤێة د وێ جڤاتێ دا مژوول نابیت، تشتا ژ بۆی وێ گرنگ ئەوە کا کی دێ پارەیێن زێدەتر دەتە وێ. ژ بەر ڤێ یەکێ دەریێ خوە ژ بۆی هەر کەسەکێ ڤەکری دهێلیت، ژ بەر کو موشتەری ژێدەرێ رسقێ وێیە. هەگەر ئەو کەسێ موشتەری نەیێ جوان بیت، یێ زەوجی بیت یان بێ ئەخلاق بیت لەشفرۆش هیچ گرنگیێ پێ نادەت، ئەو ب تەنێ دخوازیت کارێ خوە ئەنجام بدەت و پارێ خوە وەرگریت.
نها سەکنا پەکەکێ ل سەر گۆرەپانا رۆژهلاتا ناڤین عەینی سەکنا لەشفرۆشێ یە. د دەستێ پەکەکێ دا هێزەک هەیە و دخوازیت ل سەر ڤێ هێزا خوە یا لەشکری بکەڤیتە مەیدانا سیاسەتێ دا، لێ بەلێ د ڤێ مەیدانێ دا ژ بۆی پەکەکێ حەق و حقووق نینە، ئەڤ کەسێ کو پارە ئانکو ئیمتیازان دەتە پەکەکێ دکاریت پەکەکێ ژ بۆی خوە بدەتە کارپێکرن، پەکەکە دەریێ خوە ژ بۆی هەر کەسی ڤەکری دهێلیت، ژبەرکو موشتەری مەسدەرێ رسقێ وێ یە.
میناک، ئەڤ پەڤچوونێن د نێڤبەرا پەکەکێ و ترکیێ دا تێنە کرن ب تەنێ د مەدیایێ دا هەنە. د ئەساسێ خوە دا د ناڤبەرا پەکەکێ و ترکیێ دا ل سەر ئاخا ترکیێ یەک پەڤچوون ژی نینە. وەها دیارە کو د ناڤبەرا پەکەکێ و ترکیێ دا لهەڤهاتنا بێ چالاکی ل سەر ئاخا ترکیێ هەیە. گەلۆ د سالا 2016ێ هەیا نها سەرەرای ڤێ یەکێ کو ترکیا د ئالۆزیان دا دژیتن هەوە دیتیە ل ترکیێ یەک چلاکی هاتبیتە ئەنجامدان؟ نەخێر. ل ئیستانبۆل و ل ئانکارایێ وە یەک چالاکی دیتیە؟ نەخێر. ترکیا د هوندورێ خوە دا چ پسگرێکەکا شەرێ چەکداری نینە، ئەو شەر تەنێ ل هەرێما کوردستانێ دهێتە کرن و د ئەساس دا ئەو شەر ل دژی هەرێما کوردستانێ و ژ بۆی تەشهیرکرنا هەرێما کوردستانێ دهێتە کرن.
پەکەکە هەر رۆژ باسی فاشیزما ئاکەپێ و مەهەپێ دکەت و هەر کەسی تاوانبار دکەت کو پشتگیریێ ددەتە فاشیزما «ئاکەپێ»، لێ بەلێ ژ لایەکێ ژی داخویانیێ ددەت ژ بۆ پەیمانا «دۆلماباخچە» کو د 28ێ شوباتا سالا 2015ێ دا هاتبوو ئیمزا کرن ژ بۆی کو زیندی ببیت. ژ لایەکێ دی پرۆپاگاندایا «جەهەپێ» دکەت، ژ لایەکێ دی دبێژیت یەک هێز هەیە کو بکاریت ترکیا دەمۆکراتیک بکەت کو ئەو ژی ئەمین. و ژ لایەکێ دی ژی دبێژیت ئازادیا کوردستانێ ئەم دێ چێکەین. ژ لایەکێ ڤە دبێژیت ئەم ل دژی داگیرکەریێ نە، ژ لایێ دیڤە ژی پەسنا داگیرکەرێ زالم «مستەفا کەمال» ددەت.
هندەک کەس دخوازن ببێژن ئەڤە سیاسەتا نەرم و مانۆرەک سیاسییە، نەخێر ئەڤە نە هەلوەستەکا سیاسی یە، ئەڤە ڤەکرنا دەریێ خوە ژ بۆی هەرکەسەکەکێ یە، ئەڤ تشتا کو ئەم دخوازین ببێژینێ لەشفرۆشیا سیاسی ئەڤەیە.
ئەڤ ئالیێ کو پەکەکە دەری ژێ بۆی ڤەدکەت نە ب تەنێ ترکیا یە، د هەمان دەمێ دا ئیرانە ژی. پەکەکە د دلێ خوە دا ژ بۆی دژاتیا ئیرانێ حیزبەک ب ناڤێ «پەژاک» ئاڤا کریە، هەمان دەمێ هێزەکا لەشکری ب ناڤێ «هەرەکە» چێکر داکو ل دژی ئیرانێ شەری بکەت، لێ بەلێ هەمان ئیران ل زۆزانێن «کێلەشینێ» ب ترۆمبێلێن خوە چەکان ژ بۆی وێ تینیت. هەمان ئیران ل سەر سینۆرێ «پێنجوینێ» مۆشەکان ژ بۆی پەکەکێ دشینیت. دیسا ل رۆژئاڤا سوپایێ پاسداران ل «قامشلۆ» ل «حەسەکێ» چەکان ددەتە پەکەکێ. هەگەر پەکەکێ ئارتەش چێکربیت ژ بۆی شەرێ ل دژی ئیرانێ گەلۆ بۆچی ئیران چەکان ژ بۆی وێ دشینیت، بەدەلێ ڤێ یەکێ پەکەکە چ ب ئیرانێ ددەت؟ هەگەر «جەمیل بایک» ل دژی داگیرکەرێن هەر چار پارچەیێن کوردستانێ بیت چەوا دبیت کو ئیران ل دەردۆرا سلێمانیێ کۆچکەکێ ب وی بدەت و وی بپارێزیت؟ چەوا دبیت کو «ئیران» ژ بۆی «جەمیل بایک» ژ «تەهرانێ» دختۆرەکێ چارەسەریا سروشتی بشینیت؟ دوژمنێ تە چەوا تە دەرمان دکەت و چەوا تو دکاری ڤێ یەکێ قەبوول بکەی؟
ژ بۆی وان تشتا پەکەکە خزمەتەکا چەوا ژ بۆی ئیرانێ دکەت، میناک، بێدەنگیا پەکەکێ ژ بۆی ئێریشا مۆشەکی یا «ئیرانێ» ل سەر پایتەختا هەرێما کوردستانێ ما نە ژ بەر ڤێ یەکێ یە؟ هەلبەت ژ بەر ڤێ یەکێ یە. ما «پەکەکە» بزاڤا ئازادیا کوردستانێ یە یانژی بزاڤا فرۆتنا کوردستانێ یە. دەما پەکەکە بەرژەوەندیا خوە ببینیت دکاریت ویژدان و مرۆڤایەتیێ و مەبدەئێن خوە ل ئالیەکێ بهێلیت، پێ لێ دانیت و دەرباس بکەت، میناک، پەکەکە د دلێ خوە دا دژی پاشڤەرۆتیا رۆژهلاتا ناڤین،ە لێ بەلێ، لگەل هێزا هەری پاشڤەروو یا رۆژهلاتا ناڤین ئانکو «حەشدا شەعبی» دا رێکەفتنێ ئیمزا دکەت و سەمبۆلێن وان ددانیتە سەر ملێن خوە و دخوازیت ل دژی کوردان «حەشدا شەعبی» ل «ئیراقێ» بکەتە دەستهلاتدار. پەکەکە دبێژیت هەگەر ئەز نەبامە ئەڤ ستاتۆیا هەرێما کوردستانێ چێنەدبوو، لێ بەلێ ژ دەستپێکا چێکرنا ڤێ ستاتۆیێ د دەستپێکا 1992ێ هەیا نها ئێریشی ڤێ ستاتۆیا کوردان دکەت، ئەم دبینین کو سەرۆکێ پەکەکێ «عەبدوللا ئۆجالان» ل گرتیگەها «ئیمرالیێ» تەکلیفێ ل رایەدارێن ترکیێ دکەت و دبێژیت: “هەرێما کوردستانێ دێ بیتە ئیسرائیلا بچووک، وەرن ئەم بهەڤرا رێگریێ لێ بکەین، پشتگیریا مە بکەن ئەم بهەڤرا دەست دەینین سەر هەولێرێ”. واتە «ئۆجالان» دخوازیت هەولێر ب دەستێ دەولەتا ترک بهێتە داگیرکرن، پەکەکە دخوازیت ل «ئیراقێ» لگەل شیعا و ترکومانا و سوننەیان دا ببیتە برا، لێ بەلێ د هەمان دەمدا دژاتیا هەرێما کوردستانێ دکەت.
پەکەکە هەر رۆژ دبێژیت یەکیتیا نەتەوی، لێ دەرڤەی دو سێ حیزبێن دەردۆرا خوە دخوازیت پارتیێن دی یێن کوردی تەسفیە بکەت. حەتتا ب کوشتنا وان یا فیزیکی ژی ناترسیت و خوە نادەتە پاش، پەکەکێ د ناڤا سالەکی دا 15 پێشمەرگە شەهید کرنە، لێ د ناڤا ئاخا ترکیێ دا نە 15 لەشکەرێن ترک بەلکو یەک لەشکەر ژی نەکوشتیە.
سەرێ پەکەکێ جودا، قوونا وێ جودا درەقسیت، چەوا لەشفرۆشەک خوە حازر دکەت و خوە دخەملینیت و وەعدا ددەتە کەسەکێ، پەکەکە ژی هەمان تشتی دکەت و ل گەل کێ بەرژەوەندی هەبن دچیتە سەر مێزەیا وان و درەقسیت، ڤێ چەندێ ژی ژ بۆ بەرژەوەندیا خوە یا شەخسی ئەنجام ددەت.
پەکەکە ژ بۆی ڤێ لەشفرۆشیا سیاسی هندەک تێگەهێن سیاسی پەیدا دکەت، تەئۆرییا رێیا سێیەمین، نەرمبوونا سیاسی و هتد… نەخێر ئەڤ هەموو ب تەنێ ب لەشفرۆشیا سیاسی دهێتە ئیزاحکرن، ژ بەر کو پەکەکە ل سەر مێزەیێ هەر کەسەکێ رەقسی «عەفرین و سەرێ کانی» هاتن داگیرکرن، ئەڤ رێبازا پەکەکێ رێبازەکە کو کوردان ژناڤ دبەت و ب ڤێ رێبازێ پەکەکێ د 50 سالان دا 50 مەترێن کوردستانێ رزگار نەکرینە و ژ ڤێرە پێڤە ژی رزگار ناکەت، ما هەوە هیچ دیتیە ژ پارەیێ رۆژانە زێدەتر ژ بۆی لەشفرۆشەکێ دەستکەفتیەک دی چێببیت؟ هەلبەت هەوە نەدیتیە، لەشفرۆش ووسا دیار دبیت کو رۆژانە یا سەرنجراکێشە و چاڤ ل سەرن و رۆژانە پارەیەک باش قازانج دکەت، لێ ل داویا داوی هەر بن دکەڤیت و سەرناکەڤیت. پەکەکە ژی د داویا خوە دا دێ ژناڤ چیت و بنکەڤیت.
