جەمیل بایک شەر ل دژی ھەرێما کوردستانێ راگەهاند

ژ رێڤەبەرێن پەکەکێ «جەمیل بایک» د دو داخویانیێن خوەیێن ب مناسبەتا نەورۆزا 2022یێ بەلاڤکری دا پەیاما دەستپێکرنا شەری ل دژی ھەرێما کوردستانێ دا. «جەمیل بایک» گۆت، “یەکیتیا نەتەوەیی لگەل پەدەکێ دا چێنابیت.”

د جەژنا یەکیتی و ھەڤگرتنا نەورۆزێ دا گۆتارێن دژمنکار

جەمیل بایک د نەورۆزا کو ژ ئالیێ گەلێ کورد ڤە وەکە رۆژا یەکتیا نەتەوەیی، بەرخوەدان و براتیێ دهێتە پیرۆزکرن، د ھەر دو داخویانیێن خوە دا پەیڤێن کیندار ب کار ئانین. «جەمیل بایک» د دو ڤیدیۆیێن کو ژ بۆ نەورۆزا «فرانکفوورت» یا ئەلمانیایێ و «قەندیلێ» ئامادە کربوو دا، ھەول دا کوردان هان بدەت ژ بۆ شەرێ ناڤخوەیی و پەیاما د داخویانیا وی دا ئەڤە بوو کو دێ د دەمەکێ کورت دا ل دژی ھەرێما کوردستانێ دەست ب ئێریشێ کەن.

د ئاخافتنا ڤیدیۆیا کو «جەمیل بایک» ژ بۆ «ئالمانیایێ» ئامادە کربوو دا وەھا گۆت: “ژخوە ووسا دییارە کو ئیسال دێ پر دژوار دەرباس بیت. ژ بەر کو دەولەتا ترک و پەدەکە ئامادەکاریا ئێریشێن نوو دکەن.” «جەمیل بایک» ئیدیعا کر کو پەدەکە لگەل دەولەتا ترک دا ھەڤکاریێ دکەت و وەھا بەردەوام کر؛ “دڤێت ل ھەر قادێ تێکۆشینا خوە یا ل دژی خیانەت و داگیرکەریێ مەزن بکەین. لگەل پەدەکێ دا یەکیتیا نەتەوەیی پێک نایێت، ژ بەر کو پەدەکێ تەرجیحا خوە ژ بۆ داگیرکەران کریە و خزمەتا دەولەتا ترکا داگیرکەر دکەت.”

«جەمیل بایک» د ئاخافتنا خوەیا دویەمین یا ژ بۆ «قەندیلێ» کربوو ژی ھەمان گۆتنێن خوەیێن دژمنکار بەردەوام کرن. «جەمیل بایک» هێژ زەلالتر پەیام دا کو ئەو دێ د دەمەکێ نێزیک دا ئێریشی کەنە سەر ھەرێما کوردستانێ. «بایک» د ئاخافتنا خوەیا ل ڤر دا گۆت، “پەدەکە ب کریارێن خوە یێن ل دژی دژمنی، مەترسیەکا مەزن ل سەر گەلێ کورد و باشوورێ کوردستانێ چێدکەت.”

سیاسەتا ھەڤبەشا لگەل ئیرانێ دا

راستیا کو دژمنکارییا د داخویانیا «جەمیل بایک» دا ھەیی ب ئێریشێن ئیرانێ یێن ل سەر «ھەولێرا» پایتەختا ھەرێما کوردستانێ ھەڤدەم بوو. ئەڤ ھەلوەستێن درندەیی ئاشکەرا دکەن کو د ناڤبەرا ھەر دو ھێزان (پەکەکێ-ئیران) دا بەرنامەیێ ئێریشەکا هەڤبەش ھەیە. ھەروھا ئەڤ هەماهەنگییە ژی نیشان ددەت کو مەسەلە نە ئێریشا ل دژی پەدەکێ یە بەلکو مەسەلە ئێرشا ل سەر ستاتویا ھەرێما کوردستانێ یە.

ئارمانج گرتنا پەدەکێ ئارمانج گرتنا ستاتویا ھەرێما کوردستانێیە

ھەر چقاس «پەکەکە» ھەول ددەت سیاسەتا «ئیرانێ» یا ل دژی کوردان وەکە ناکۆکیەکا ناڤبەرا کوردان نیشان بدەت ژی، د ئەسلێ خوە دا ئێریشکرنا ل سەر پەدەکێ ئێریشا ل سەر ستاتویا کوردانە. ئەڤە زێدەتری سەد سالانە ل دژی کۆلۆنیالیست-داگیرکەران تێکۆشینا چەکداری دهێتە مەشاندن، ئەڤ تەکۆشینە ژ بۆ ھەر چار پارچێن کوردستانێ ھەم بوویە ئیلھام، ھەم ژی بوویە رۆل-مۆدێل. ھێزەکا وەکە «پەدەکێ» کو کلتور و شێوازێ پێشمەرگاتیێ دامەزراندی وەکە دژمنێ کوردان دەستنیشان کرن د بنگەھدا نە تەنێ پلانا پەکەکێیە بەلکو پلانا کۆلۆنیالیستایە. پەدەکە هەم میناکەکە و ھەم ژی پێشەنگە د تێکۆشینا ل دژی کۆلۆنیالیزمێ دا ل هەر چار پارچەیێن کوردستانێ. دژمناتیا کوردان نە پلانا پەکەکێ یە، پلانا کۆلۆنیالیستێن کوردستانێ یە. تێکۆشینا «پەدەکێ» مۆتۆرا تێکۆشینا کوردستانێیە. و ھەروھا ستوونا ھەبوونا رەوا و یاسایی یا ھەرێما کوردستانێیە. ژ بەر ڤێ یەکێ ژی «پەدەکە» ئەو ھێزە کو دەولەتێن کۆلۆنیالیست، ھەتتا یێن کو دۆستێ کوردان خویا دکەن ژی، د ئەسلێ خوا دا دوژمنێن وێ نە. ژ بەر کو ئێریشکرنا سەر «پەدەکێ» ئێریشکرنا سەر ھەرێما کوردستانێیە. پاشڤەخستنا «پەدەکێ» پاشڤەخستنا ھەرێما کوردستانێیە. ژ بۆ ڤێ ژی داخویانیا رێڤەبەرێ پەکەکێ «جەمیل بایک» نیشان ددەت کو ھەر چەند د ئەسلێ خوە دا «پەدەکێ» دکەتە ئارمانج ژی، لێ ئەڤ یەک پارچەیەک ژ رۆژەڤا کۆلۆنیالیستانە کو ژ ستاتویا ھەرێما کوردستانێ نەرەحەتن و دخوازن ئەڤ ستاتو بهێتە ھەلوەشاندن.

جەمیل بایک ئیشارەتا پێڤاژۆیەکا مەترسیدار کر

چاڤدێرێن سیاسی دفکرن کو بکارئانینا گۆتنێن نەفرەتێ د جەژنەکا وەکە جەژنا نەورۆزێ دا ژ لایێ «جەمیل بایک» ڤە، نیشانەیا پێڤاژۆیەکا مەترسیدارە. چاڤدێر وە دفکرن کو «پەکەکێ» پلانا ھندەک چالاکیێن د ناڤا باژاران دا هەیە کو راستەراست ھەرێما کوردستانێ بکە ئارمانج. ھەروەھا د ناڤا شیرۆڤەیان دا دهێتە گۆتن، دێ د مەھا «نیسانێ» دا ئێریشێن ل سەر ھێزێن پێشمەرگە دەست پێ کەن.

پەکەکە ئەڤە 3 سالن ھەول ددەت کو بنەسازیا پێڤاژۆیەکا وەھا ئامادە بکەت. د ھەیاما ڤان 14 مەھان دا 15 پێشمەرگەیان ژ بەر ئێرشێن پەکەکێ ژیانا خوە ژ دەست دان. پەکەکێ رێڤەبەرێ ئاساییشا «سەر زێرێ» «غازی سالح ئالیخان» د سوویقەستەکا بێبەخت دا شەهید کر. ھەروەھا  پەکەکە ب ئەو مووشەکێن کو ئیرانێ دابوون وان ل «ئامێدییێ» 5 پێشمەرگە شەھید کرن. ئانکو ئەم دکارین ببێژین پەکەکە ب چاپەمەنی و ب کریارێن خوە ھەول ددەت کو کوشتنا کوردان رەوا بکەت. داخویانیا جەمیل بایک ژی نیشان ددەت کو ئەڤ پێڤاژۆ دێ کوور بیت.

واتە داخویانییا جەمیل بایک ب واتەیا کو دێ پەکەکە ل گۆری ئەجیندایا ئیرانێ ئێرشی ھەرێما کوردستانێ و ھێزێن پێشمەرگە کەت دهێت.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami