ماھر حەسەن
راستیا دوران کالکانێ ترک د ناڤ رەفێن پەکەکێ دا چیە؟! و چما ئۆجالان ئەو قاس خوە سپارتیە وی؟ دوران کالکانێ ترک بەشداری کۆنفەرانسا دامەزراندنا پەکەکێ بوو، تەڤی کو مرۆڤەکێ ترکە و نە چ زانیاری ل سەر مالباتا وی هەنە و نە ژی زانیاریێن زەلال و دیار ھەنە کو ئەو بەشداری چالاکیێن ل دژی دەولەتا ترک بوویە، یان د ئەنیێن شەری یێن پێش دا بوویە یان نە، لێ دیسا ژی بوویە فەرماندارێ پەکەکێ و گۆتنا وی دووبارە نابیت.
د 27ێ ھەیڤا 11 یا سالا 1978ێ دا ل گوندێ «فێسێ» بەشداری کۆنفەرانسا دامەزراندنا پەکەکێ بوو، و وەکە ئەندامێ کۆمیتەیا ناڤەندی ھات ھلبژارتن و د گەل «کەسیرا یلدرم» (کەچا ئەڤسەرێ میتا ترک و ھەڤژنا عەبدوللا ئۆجەلان) ب پێشەنگیا «مەزلووم دۆغان» د وەشاندنا رۆژنامەیا ناڤەندی یا پەکەکێ دا خەبتین. پشتی کوشتنا «محەمەد قەرە سۆنگەر» ژ ئالیێ یەنەکێ ڤە د 1ێ گولانا 1983یێ دا، دوران کالکانێ ترک دۆسیەیا لەشکەری یا کۆنسەیا پەکەکێ وەرگرتیە، ژ وێ رۆژێ ھەتا نھا ئەو سەرکردەیێ باسکێ لەشکەری یێ پارتیا کارکەرێن کوردستانێیە، و پرس ل ڤر تێ بالا مرۆڤ، گەلۆ چما یێن وەک «باھۆز ئەردال» یان ژی «نوورەدین سۆفی» یێ کو ژ ئالیێ پەکەکێ ڤە ھاتیە تەڕۆرکرن، باسکێ لەشکەری وەرنەگرتنە؟
چما من ل ڤر گۆت پەکەکێ و نە دەولەتا ترک تەڤی کو «نوورەدین» ب دەستێ لەشکەرێ ترک ھاتە تەسفییە کرن؟! ھەگەر نە پەکەکە بیت گەلۆ چما مالباتا نوورەدین سۆفی پشتی کوشتنا وی ژ ھەرێمێن د بن کۆنترۆلا ھێزێن سووریا دەمۆکراتیک (ھەسەدێ) شاخێ پەکەکێ ل کوردستانا سووری رەڤیانە؟! سەدەم ژ بەر کو کورێ وان نوورەدین د ئۆپەراسیۆنەکێ کو ژ ئالیێ سەرکردایەتیا “پەکەکێ” ڤە ھاتیە پلانکرن، مینا ھەموو کادرۆیێن کو ھاتنە تەسفیەکرن. ژ بەر سەدەمێن گرێدایی نەپەنیکرنا راستی و نەھێنیێن کو د دەستێ وان دا بوون، یێن گرێدایی پەیوەندیێن د ناڤبەرا کۆنسەیا پەکەکی و رێژیمێن وەلاتێن داگیرکەر دا.
ئەم ل مژارا خوە ڤەگەرن، باھۆز و نوورەدین کو ژ دوران دلبسۆزتر و زێدەتر شەر کرنە، نەبوونە فەرماندارێ باسکێ لەشکەری و ئەڤێ ترک ژ بۆ ڤی جھێ ھەستیار، و گرینگ و بریاردار ھات دەستنیشانکرن؟
د ناڤبەرا سالێن 2000 و 2005ێ دا دۆسیایا مەدیایا پارتیێ گرتیە دەستێ خوە، ھەتا کو «مستەفا قەرەسو» ئەڤ دۆسیا وەرگرتیە، مستەفا قەرەسو ژی بەریا کو د داویا سالێن 1980یێ دا دەرباسی کۆنسەیا پەکەکێ ببیت، ئەندامێ پارتیا چەپا ترکیایێ بوو. ئەزێ وی ژی د پێشەرۆژێ دا ب خەلکێ مە دەمە ناسکرن.
دوران کالکان کو یەک ژ دامەزرینەرێن پەکەکێ یە و مل ب مل ل گەل ئۆجالان بوو دیرۆکا وی نەپەنییە. ل سەر ڤێ یەکێ برایێ عەبدوللا ئۆجەلان، عۆسمان ئۆجالان، د ھەڤپەیڤینەکێ دا دئاخڤیت و دبێژیت، “کەس نزانیت ئەو کییە، ژ کو ھاتیە، کییە و چما د ناڤا پارتیێ دا ئەڤ جھێن ھەستیار و مەزن وەرگرتنە”.
دوران کالکان د 1ێ چلەیا 1954ێ دا ل گوندێ «گوزەلم» یێ ناڤچەیا «توفانبەیلی» یا «ئەدەنەیێ» ژ دایک بوویە و ب ئەسلێ خوە ترکە، د دەما خوەندنا زانینگەھێ دا ل ئەنقەرەیێ د سالا 1975ێ دا لگەل ئۆجالان دا ھەڤدیتنێ پێک تینە و بەریا راگھاندنا پارتیێ ل ھندەک پارێزگەھێن کوردستانا ترکیێ خەباتێن رێخستنی پێک ئانیە.
کالکان د کۆڤارا «سەرخوەبوون» دا گۆتارێن لەشکەری وەشاندن. د سالا 1986یێ دا پشتی کۆنگرەیا 3 یا پەکەکێ ژ ئالیێ رێڤەبەریا رێخستنی ڤە دهێتە شاندن بۆ ئەورۆپایێ. د داویا سالێن 1980یێ و دەستپێکا سالێن 1990ێ دا ل ئالمانیایێ بەرپرسێ مالی یێ رێخستنێ بوو. د ڤێ دەمێ دا، ئەو د سالا 1988ێ دا ل «دووسەلدۆرف» دهێتە گرتن. ئەو د سالا 1993یێ دا، پشتی کو بریارا گرتنێ یا بەرفرەھ ل سەر وی ھات دەرخستن، چوو شامێ و پاشی بەرێ خوە دا ھەرێما کوردستانێ. فەرماندار و ئەندامێ مەجلیسا رێڤەبەرا پەکەکێ بوو. پشترا بوو ئەندامێ دەستەیا رێڤەبەرا کەجەکێ.
دوران کالکانێ ترک، چاوا مەزلووم دۆغان و ھەڤالێن وی دانە گرتن
پشتی جڤینا کۆمیتەیا ناڤەندی یا رحایێ، دوران کالکان بێی کو ھایا ھەڤالێن وی ژ ھەبە، بریارێن جڤینێ و بەلاڤۆکێن پارتیێ د ناڤ ئۆتۆمۆبیلا (مەزلووم دۆغان، ئایسەل گۆرک کایا و یلدرم مارکت) دا ڤەشارتن و بێیی کو بەحسا ڤێ یەکێ ژ بۆ کەسێ بکە، ترۆمبێلا کو دوران کالکان لێ سوار بوو ل پێشیێ و ئۆتۆمۆبیلا کو مەزلووم تێ دا بوو ل پاشییێ. مەزلووم و کەسێن ل گەل دا ل پەی دوران ھاتن و ل ھەڤ کرن کو چ مەترسی یان ژی گومان ھەبیت دڤێت کو کالکان، مەزلووم دۆغان ئاگەھدار بکە، ل سەر رێیا مێردین-رحایێ پۆلیسێن ترافیکێ ھەبوون، و تەڤی کو دوران ل پێشیا مەزلووم دچوو، خەبەر نەدایێ، و پۆلیسان ئەو بەلگە دیتن، و ئەو و کەسێن ل گەل دا د 27ێ چریا پاشین (نۆڤەمبەر) 1979ێ دا ھاتن گرتن، و ب ئەنجاما بەلگەیێن کو د ترۆمبێلا وان دا ھاتنە دیتن، دەولەتا ترک بریارا زیندانیکرنا وان دا.
ئەندامێ کۆمیتا ناڤەندی «سەلیم چروکایا» وسا گۆتیە ل سەر ڤێ بویەرێ ( ل سەر مالپەرا خوە یا فەیسبۆکێ د گۆتارەکێ دا وەشاندیە) :
مەزلووم دۆغان بەریا روودانا لەشکەری یا 12ێ ئیلۆنا 1982یێ پلان کربوو کو ژ گرتیگەھێ برەڤیت و د ڤێ مژارێ دا ژ بۆ پارتیێ نڤیساندبوو و ل گۆری پلانا خوە، دۆغان وێ ھەفتەیێ دێ چیتە د یەک ژ حاوییێن کو ژ گرتیگەھێ تێنە ڤەگوھاستن، و دێ حاوییە ل سەر هێنە دانین. لێ ئەڤ پلانە نەچوو سەری ژ بەر دو کەسێن ھاتبوونە دەستنیشانکرن ژ بۆ ئالیکاریا مەزلووم دا کو وی رزگار بکن، بەشدار نەبوون. لەوما مەزلووم دۆغان نکاریبوو برەڤیت، و ژ بەر کو لەشکەرێن کو دا حاوییێ ڤالا کەن، ب ھەبوونا مەزلووم دۆغان ئاگاھدار بوون، ئەو گرت و دیسا شاندە گرتیگەھێ.
ھەلبەت ئاکیف یلماز و رێھەڤالێ وی ژی ھاتن گرتن
چروکایا دبێژە: «ئاکیف یلماز و شوکری چیچەک» پۆشمان بوون کو مەزلووم ژ گرتیگەھێ دا رزگار نەکرن و نایێ زانین کا دوران کالکان پۆشمان بوویە یان نا؟! و پەکەکێ نەدایە زانین کو کالکان بوویە سەدەما گرتنا مەزلووم دۆغان، و تێکچوونا کارێ رەڤاندنا وی ژ گرتیگەھێ، و چما لێپرسین ل سەر ڤێ یەکێ نەھاتیە ڤەکرن ؟!
کالکان وەکە کەسێ ھەری نێزیکیێ ئۆجالان خویا دکە، و گەلەک سەرکردەیێن پەکەکێ تەڕۆرکرن، د ناڤ وان دا «مەحموود بەلگال» کو ل «ھۆلاندا» ھات کوشتن، لاشێ وی پارچە کرن، خستن ناڤ تۆربەیان و ئاڤێتن چەمان!
دەما کو دوران ھەول ددا دو ئەندامێن کۆمیتەیا ناڤەندییا پەکەکێ (عەلی شەتەنەر و ئادیب) ل زەڤیێ «لۆنگۆ ما» یا ب سەر دەڤەرا «ئالپێ» ل فرانسایێ تەڕۆر بکە، ھاتە گرتن (پەکەکێ ئەڤ زەڤی وەک نیڤ-کامپ ل فرانسا بکار ئانی).
پشتی کو «عەلی شەتەنەر» ژ کامپێ رەڤیا ل سوێدێ سکالا تۆمار کر، پشترا ژی ل ئەلمانیایێ سکالا ل دژی پەکەکێ ڤەکر، لەوما دوران کالکان و ئەو و کەسێن دگەلدا ل باژارێ دوسلدۆرف یێ ئالمانیا ھاتن گرتن، د وێ دەمێ دا «جەمیل ئەل-ئەسەد» برایێ «حافز ئەل-ئەسەد» یەک ژ پارێزەرێن پاراستنا دوران کالکان و «عەلی حەیدەر قەیتان» بوو، یێن کو ل ئالمانیایێ ھاتبوون زیندانکرن. د نیڤا سالێن نۆتان دا، کۆڤارا پارتیێ یا ب ناڤێ “دەنگێ کوردستانێ” گۆتارەکا «جەمیل ئەل-ئەسەد» ل سەر کەدا وی یا ل دژی دادگەھا ئەلمانی ژ بۆ کالکان و حەیدەر قەیتان بەلاڤ کر.
پشتی سەربەستبەردانا وان د نیڤا سالێن نوتان دا، ئەو ڤەگەریان شامێ و ئۆجالان پیرۆزباھی ل وان کر، پشترا ئەو شاندن ھەرێمێن چیایێن قەندیلێ.
پەکەکە، دوران کالکانێ ترک د ناڤ کوردان دا وەکە رامانوەر و رەوشەنبیر، بیردۆزی، حەژێکەرێ نیشتیمانی ب ھەستێن کوور و باش دهێتە نیشاندان تەڤی کو مرۆڤەکی نەپەنی، و دەستێن وی د کوشتن و تەڕۆرکرنا بەرپرسێن پەکەکێ دا ھەیە. باندۆرا وی ل سەر پەیەدێ ژی ھەیە و گەف ل «مەزلووم عەبدی» و گەلەک کەسێن دن کرنە و راستی لێپرسینێ کرنە، «ئالدار خەلیل و مەحموودە رەش، ھەدیا و ھتد… » خوە ب ئەرزانی فرۆتیە ژ ڤی مرۆڤێ ترک و ب ھۆڤیتی چاڤسۆریێ ل دژبەرێن خوە دکن و ب تایبەتی رێھەڤالێن پەکەکێ. ئەڤجا ئەڤێ ترک ئیرۆ ھەرێما کوردستانێ ژ بۆ خوە دکەتە ئارمانج و سڤکاتیێ ب حکۆمەتا ھەرێمێ دکەت و پێشمەرگە ب خیانەتێ تەوانبار دکەت؟
