چەتەیێن پەکەکێ زارۆکەک 13 سالی رەڤاند

چەتەیێن پەکەکێ زارۆکەک 13 سالی رەڤاند

تەڤگەرا «جوانێن شۆرەشگەر» یا سەر ب رێڤەبەریا خوەسەر ڤە، زارۆکەک 13 سالی ل باژارێ قامشلۆ رەڤاند.

ل گۆری مالباتا کەچا رەڤاندی، رۆژا 15ێ گولانێ زارۆکا وان یا ب ناڤێ «ئاگرین عەبدولاھ» یا 13 سالی دەما لگەل دایکا خوە دا ل بازارا باژارێ قامشلۆ بوو، ژ ئالیێ تەڤگەرا «جوانێن شۆرەشگەر» ھات رەڤاندن.

مالباتا ئاگرینێ دبێژە، وان سەردانا گەلەک سازیێن رێڤەبەریا خوەسەر کرنە، لێ چ کەسەکێ ئالیکاریا وان نەکر و جھێ کەچا وان ئاشکەرا نەکر.

ئاگرین سالا 2009ێ ژ دایک بوویە، ناڤێ بابێ وێ «محەمەد سالح»ە و دایکا وێ ژی «نەوال»ە.

تەڤگەرا «جوانێن شۆرەشگەر» سەر ب رێڤەبەریا خوەسەر ڤەیە و زارۆک و جوانێن کورد درەڤینیت و د بەرژەوەندیا پەکەکێ دا وان بچەک دکەت.

مالباتێن زارۆکێن رەڤاندی کریارێن تەڤگەرا «جوانێن شۆرەشگەر» شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھێزێن سووریەیا دەمۆکراتیک «ھەسەدێ» بکن تا کو چارەنڤیسا زارۆکێن وان دیار بکن.

تەڤی کو «ھەسەدێ» د خزیرانا 2019ێ دا لگەل نەتەوەیێن یەکبوویی پلانەک ژ بۆ بداویکرن و قەدەغەکرنا لەشکەرکرنا زارۆکان ئیمزا کربوو. لێ ژ دەما کو پەیمان ھاتیە ئیمزەاکرن ڤە، رەوشا رەڤاندنا زارۆکان ب داوی نەبوویە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami