ئەنداما پەکەکێ و رێڤەبەرا کەجەکێ «بەسێ ھۆزات» د چاپەمەنیا پەکەکێ «یەنی ئۆزگور پۆلیتیکایێ» دا ھەڤپەیڤینەک ژ دو بەشان پێک هاتی ئەنجامدا. د ھەڤپەیڤینێ دا سڤکاتی ب ئیسرایل، ئەمریکا، پەدەکێ، بارزانیان، ئێزیدیان، ھۆشیار زێباری و ڤیان دەخیل کر و ھەول دا کو عەیارەێ بدە وان. وێ ئیسرایل و ئامەریکا وەک دژمن راگهاندن.

لێ د دژمناتیا پەدەکێ دا وێ هەموو سنۆر دەرباسکرن. خویایە «بەسێ ھۆزات» و رێخستنا وێ پەکەکە ل ھەمبەر سەرەدانا «مەسروور بارزانی» بۆ بریتانیا پڕ عاجز بوونە. تێکلیێن کوردستان و بریتانیایێ کو دکاریبوو گەلەک تشتان ژ بۆ کوردان بینە، وەکە تێکلیەکە خیانەتێ بناڤ دکە. وێ ھەول دا پێشنییارا «مەسروور بارزانی» یا کو تێدا دبێژە “بۆ ئیراقێ کۆنفەدەرالیزم” بەرەڤاژی بکە. لێ «ھۆزاتێ» دژمناتییا خوە بۆ پەدەکێ ئەوقاس پێشڤە بر کو ئێریشا ئیرانێ یا ل سەر ھەولێرێ ژی رەوا دیت. وێ مووشەکێن کو ئیرانێ ئاڤێتینە ھەولێرێ وەک “پاراستنا رەوا یا ئیرانێ و ھشیاریەک ژ بۆ ئەمەریکا، ئیسرایل، ترکیا و پەدەکێ” ب ناڤ کر. لەوما ل گۆری بەسێ ھۆزات ئێریشا ل سەر ھەولێرێ ئێریشەکا گەلەک رەوا و جیھ دایە. ئانکو «بەسێ ھۆزات» ل سەر لنگان ل چەپکان خست.

بەسێ ھۆزات ڤێرژنا جەمیل بایکە. ئانکو جەمیل بایکێ مێیە

بەسێ ھۆزات ب وی مەژیێ خوەیێ بچووک ڤە گۆتنێن گەلەک مەزن کرن. بەسێ ھۆزات، کو گەر ب تەنا سەرێ خوە بوویا، ل باژارەکێ ژییابا نەدکاری نانێ شەڤێ ژی پەیدا بکە، لێ نها دخوازە عەیارێ بدەتە ھەموو دونیایێ. ب سەروچاڤێن خوە یێن کو کەنێ لێ نایێ، کین و کەربێ د ناڤا کوردان بەلاڤ دکە. بەسێ ھۆزات ڤێرژنا جەمیل بایکە. ئانکو جەمیل بایکێ مێیە. ژ ئالیێ سیاسی ڤە کاریکاتورەکا مێرانە و پالا خوە دایە گوروپا ئەنقەرەیێ. ب فکر و ھەستێن کەمالیزمێ هاتیە پڤدان. لوما ژی د دژمنکارییا کوردان دا سینۆران ناس ناکە.

زۆزان ب هەموو ئاوایان دخوازە وەکە قەرەیلان بە، لێ ئەو نکارە وەکە قەرەیلان دەڤێ خوە کەف بدە

یەکا دن ژی وەکە بەسێ ھۆزات ھەیە. «زۆزان چەولیک» ژی یەک ژ وانە. ئەنداما رێڤەبەریا ھەپەگێ «زۆزان چەولیک» ژی وەکە چەوا بەسێ ھۆزات خوە سپارتیە جەمیل بایک و کاریکاتورا وییە، «زۆزان» ژی کاریکاتورا مراد قارایلان. گۆتنێن قارایلان دوبارە دکە. زۆزان ب هەموو ئاوایان دخوازە وەکە قەرەیلان بە، لێ ئەو نکارە وەکە قەرەیلان دەڤێ خوە کەف بدە. وان رۆژێن رابۆری دا وێ ژی مینا بەسێ ھۆزات گۆتنێن مەزن یێن وەک “ئەگەر ئەم ل زاپێ تێک بچین ئەم دێ بارزان گرین” کربوو. ئەڤ بۆنەوەرا نەزان  کو نەشێت بەحسا گرتنا ئامەد و باژارێ خوە چەولیکێ ژ دەستێ دژمنان بکە، گەفێن گرتنا بارزان ل ھەرێما کوردستانێ دکەت. لێ زۆزان نزانیت دێ رۆژەک هێت ئەڤ گەلە هەم تف بکەتە روویێ وێ ھەم ژی یەک ب یەک ژ هەڤالبەندێن وێ.

بەسێ ھۆزات بلا دیار بکە کو پەکەکێ لگەل کێ دا پەیمانا کۆلاندنا خەندەکان ئیمزا کریە

گەلۆ بەسێ ھۆزات قەهرەمانە یانژی خایین؟ بەلێ، یا راست ھەر چقاس بەسێ ھۆزات د ھەر ئاخافتنێ دا ھەر کەسەکێ خایین رابگەهینیت ژی، خاینا راست بەسێ ب خوەیە. دەما کو وەخت ھات دێ د دادگەھان دا وەک خایین هێتە دادگەهکرن و حەساب ژێ هێتە پرسین. ژ بەر کو خوینا زارۆکێن کوردان ب بەسێ ھۆزات ڤە ھشک بوویە. ژ بەر ڤێ سەدەمێ مافێ بەسێ نینە کو بەحسا تشتەکێ بکە، ب تایبەتی ژی کوردان. نها ژی تو د ووژدانا کوردان دا خایین دهێیە پێناسەکرن.

چاپەمەنیا پەکەکێ ئاخافتنا بەسێ ھۆزات ب تایتلێ “بەسێ ھۆزات پەیمانێن پەدەکێ و ترکیایێ ڤەدگێریت” پارڤەکر. لێبەلێ بەرییا بەسێ ھۆزات دەربارا هەر تشتەکێ بئاخڤە بلا دەستپێکێ ل سەر خوە بئاخڤە. بەسێ ھۆزات بلا دیار بکە کو پەکەکێ لگەل کێ دا پەیمانا کۆلاندنا خەندەکان ئیمزا کریە.

ژ بەر کو بەسێ ھۆزات بەرپرسا کارەساتا خەندەکێن پەکەکێ یە. وێ ب خوە کارەساتا خەندەکان د سالا 2015ێ دا ب رێ ڤە بر. د شەرێ خەندەکان یێن پەکەکێ دا 12 باژار وێران بوون، 100 ھەزار خانی وێران بوون، ژ بەر شەری 400 ھەزار کەس کۆچبەر بوون. چما؟ د ئەنجاما کیژان پەیمانێ دا لگەل کیژان ھێزان دا ئەڤە روودا؟

زۆزان چەولیک؛ ڤێرژنا قەلسا بەسێ ھۆزاتە

 بەسێ ھۆزات یەک ژ وان بەرپرسێن ڤێ کارەساتێ و دانووستاندنێن تارییە. خوینا وان جوانێن کو بێ ئارمانج یەک ب یەک بەر ب مرنێ ڤە ھاتن هاژۆتن ب دەستێ بەسێ ھۆزات ڤەیە. بەسێ ھۆزات ژی ب قاسی دەولەتا ترک کوژەرێ وان جوانێن ل «جزیرێ» ھاتن شەوتاندنە. ژ بەر کو شانسێ وان کەسان ھەبوو کو ژ ژێرزەمینێ دەرکەڤن. لێ بەسێ ھۆزات تەعلیمات دا “پەکەکە ڤەناکشە، ژ بۆ هەیبەتا پەکەکێ خرابە” و ئەو جوان د ژێرزەمینا دا ھاتن شەوتاندن.

زۆزان چەولیک؛ ڤێرژنا قەلسا بەسێ ھۆزاتە. ئەو ژی بەرپرسیارا ونداھیێن بێ واتە یێن ھەپەگێ یێن ڤان سالێن داوییێ یە. زۆزان چەولیک نابێژە ئەم بچین چیایێ «شەکیف، خانتوور، عەبدال کۆڤی و گرێ بۆتینی» یێن کو مە دانە دەولەتا ترک بستنین، لێ گەفا گرتنا بارزان دخوە. ژ بەر ڤێ بێھشمەندیێ، ژ بەر ڤێ رەوشا نەزانیێ ژی پێویستە زۆزان چەولیک ل دادگەھێ بهێتە دادگەهکرن. ژ بلی ڤێ زۆزان چەولیکێ هندەک تاوانێن دن ژی ھەنە.

زۆزان چەولیک بەرپرسیارا مرنا وان چەند سەد جوانانە یێن کو هێژ نەھاتنە ئەشکەرەکرن چما و چاوا مرینە. “تونەلێن شەر” یێن مراد قارایلان قالا وان دکە و دبێژە “تەکتیکا شەرا نوو” هەژمارەک زێدە یا جوانان تێدا هاتنە کوشتن. میناک د سالا 2017ێ دا ل «کەلا ئەرتووش» دەرگەهێ وێ تونێلا 3 گەریلایێن ژن تێدا ھاتە بەتۆنکرن. ھەمان تشت ل «گرێ جۆلەمێرگ»ێ روودا، دەریێ تونەلێ ھاتە بەتۆنکرن و چەند گەریلا تێ دا مان. دیسا ل «کاتۆ دەرییێ سەدکارێ» دەریێ تونێلا کو 7 گەریلا تێدا بوون ھاتە بەتۆنکرن. سالا پار ل «زەندوورا و وەرخەلێ» ب دەھان گەریلایان د وان توونێلان دا ژییانا خوە ژدەست دا. تەکتیکا قارایلان یا “نوو” بوویە گۆرستانا جوانێن کورد. ئەڤجا بلا دەستپێکێ «زۆزان چەولیک» دەرکەڤە ھۆلێ و دیار بکە کا بۆچی گەریلا د وان توونێلان دا هێلان. یانی زۆزان چەولیک خایینە و خوینا جوانێن کورد ب دەستێن وێ ڤە ھشک بوویە.

بەسێ ھۆزات و زۆزان چەولیک یێن بووینە کاریکاتورێن مێران

ل شوونا کو زۆزان چەولیک ھەر کەسی خایین رابگەهینیت و گەفێن گرتنا بارزان بکە، دڤێت بچیت جهێ جەنازەیێن 7 گەریلایێن د سالا 2017ێ دا د تونەلا «کاتۆ ژیرکا» یا «بەیتوولشەبابێ» دا بەتۆن ل سەر وان ھاتیە رێتن بگریت. شوونا کو زۆزان ب ئاوایەکی بێشەرم گەفا گرتنا بارزان بکەت، ب دەھان جەنازەیێن وەنداکری و ناڤێن نەھاتی ئاشکەرا کرن یێن کو د وان توونێلێن مرنێ دا مایی دیار بکە. گەف کرن مەلەفا وە پاقش ناکەت ژ بەر کو تاجا خییانەتێ ل سەرێ وەیە. وە ئەو تاج پیرۆز بیت.

بەسێ ھۆزات و زۆزان چەولیک یێن بووینە کاریکاتورێن مێران. ھەردو ژی نەزانن، بێھش و جاھێلن. ھەر وھا وان ھەستێن وەلاتپارێزیێ نینە. دبە کو ئیرۆ وان گرسەیەک ھەبە کو ئەو خوە وەک لەھەنگ نیشان ددەن. لێ دەمەکێ نێزیک ئەڤ گەلە دێ ستوویێ وان گریت و بێژیتە وان، “زارۆکێن مە ل کو نە، چما وە زارۆکێن مە ژ بۆ ترکیایەکا خوەش شاندن مرنێ؟”