نیقاشێن ل دۆرا دیاردەیا کورد بەردەوام دکن. ناڤەندا ڤان نیقاشان رۆژھلاتا ناڤینە. رۆژھلاتا ناڤین هەتا نها ژی نەکاریە خوەرێڤەبرنا کوردان قەبوول بکە. کورد ژ بۆ رۆژھلاتا ناڤین تەنێ وەکە کو نڤیسکار «مووجاھت بلج » ب ئاوایەکێ خوەش ئاماژە پێدای “کوردێن حەمال” تێن قەبوولکرن. عەرەب، فارس و ترک؛ ئەو راستیا کو کورد ئازادبن و خوە ب رێڤە دبن ژ بۆ خوە مەترسیەک مەزن دبینن. کورد تەنێ دەما کو ببن لەشکەر و حەمالێن دەولەتێن کو تێ دا نە، تێن قەبوولکرن. کوردێن کو ژ سینۆرێن وان دانای دەردکەڤن وانا وەکە دژمن رادگەهینن. راست، چەپ، ئیسلامی ھەموو کۆمێن ئیدەۆلۆژیک د ڤێ یەکێ دا ھەڤگرن. بەلکی ژ ھەر ملەتەکێ چەند کەس ھەبن کو دبێژن ‘کورد خوە برێڤە ببن، سەربخوە بن”. لێ ئیستیسنا قانوونێ خراب ناکە. ھەر دەولەتەک ھەشێن خوە یێن کوور بکار تینە دا کو کوردان د بن دەستێ خوە دا بھێلە. مرۆڤان ئەرکداردکن. ئەم دکارن ببێژن کو ئارتێشەکا «میسیۆنەر»ان ھەیە کو ژ ئالیێ ھێزێن داگیرکەر ڤە تێ برێڤەبرن کو نەھێلن کورد ب سەرێ خوە بکاربن خوە ب رێڤە ببن.
میسیۆنەرتی چیە و میسیۆنەر کییە؟
«میسیۆنەر» بۆ وان کەسان بکار تێ کو ھەول ددن لایەنێن دن ب فێرکرنەک دیارکری، نەمازە فێرکرنەک ئۆلی رازی بکن، دخوازن کو وان بکشینە سەر وێ فێرکرنا خوەیا ئۆلی، سییاسی و ئیدەئۆلۆژیکی. وان ژ بۆ کو جڤاکێن ئەفریقی و ئامەریکی بکن کرستیان «میسیۆنەر» ب کار ئانین. «میسیۆنەر» ژ سیخوران مەترسیدارترن. ژ بەر کو سیخور ژ بۆ دەمەکێ دییارکری ل سەر ئەرکی یە. لێ کارێ «میسیۆنەریێ» ب دلخوازییە، ب باوەریەکا مەزن تێ کرن. یەک ژ «میسیۆنێرێن» ھەری مەزن یێن دەولەتا ترک بکار ئانی «یالچین کوچک» بوو. «یالچین کوچک» د ناڤبەرا سالێن 1989-1998ێ دا ژ بۆ مانیپولەکرن و ئیستسمارکرنا کوردان د ناڤا کوردان دا جھ گرت. د ناڤبەرا شام و ئەورۆپایێ دە لیتک تاڤێتن. «یالچن کوچک» ژیانا خوە ھەموو ژ بۆ وێ یەکێ تەرخان کر کو ب کوردان بدە قەبوولکردن دەولەتا سەربخوە یا کوردان نەباشە. د داویێ دا گۆت، پاشناڤێ من بچووکە، لێ من کارێن پڕ مەزن ژ بۆ ترکیێ ئەنجام دان، من رێ نەدا کو کورد سەرخوەبوونخاز بن و نەچن سەر رێبازا بارزانی. ژ بەر ڤێ سەدەمێ نە خەلەتە کو بێژنە وان کەسێن کو کەتنە ناڤا رەفێن کوردان دا ھوون چێلێن یالچن کوچکن.
چاپەمەنیا پەکەکێ و شێوازێ سیاسەتا وێ بوویە مێرگا جێمکی و روحا یالچن کوچک
نھا ناخێ سیاسەتا کوردان ژ نەڤیێن «یالچین کوچک» تژی بوویە. یان ژی ئەم ب ڤی ئاوایی ببێژن، روحا یالچین کوچک د ناڤا کوردان دا دگەرە. چاپەمەنیا پەکەکێ و شێوازێ سیاسەتا وێ بوویە مێرگا جێمکی و روحا یالچن کوچک. ب دەھان نڤیسکار، سییاسەتمەدار و نڤیسکار ھەنە کو وەک یالچین کوچک دبێژنە خوە چەپ، سۆسیالیست، ئازادیخواز، کوردان وەک حەمال دبینن دڤێ بێن چاڤدێریکرن. ئەم دکارین گەلەک ناڤان وەک «سڕی سوورەیا ئۆندەر، وەیسی ساریسۆزەن، ئایشە ھوور، ئەرگوون باباھان و ھتد» بژمێرین. نھا ژی چەپ، فەتحۆلاچی و ئەرگەنەکۆنچی ھەموو بوونە یەک، دەست ژ کێشەیێن ناڤا ترکیێ بەردانە و دژی ھەرێما کوردستانێ شەری دمەشینن. ھەموو ژی ب ئاوایەکێ شیرەتان ل کوردان دکن، دبێژنە کوردان کا چ باشە و چ خرابە، کیژان کورد باشە کیژان کورد خرابە و دبێژنە کوردان کا چ بکن و چ نەکن. ئەڤ بێەخلاقە کوردان وەکە حەمال دبینن. ھەر یەک ژ وان ل گۆرا خوە دخوازیت عەیارەکێ ب دەتە کوردان.
یالچن کوچک ژی وسا بوو. یالچین کوچک د گۆت، “من نەھشت کو کوردێن باکور نێزیکی بارزانی ببن. گەر وھا نەبوویا دا ترکیا پارچە بیت.” «سڕی سورەیا ئۆندەر» پشتی کو کەرکووک ھاتیە داگیر کرن، ب دەڤ کەنی گۆت کو “کوردێن راستگر نژاتپەرەست تێک چوون”. «ئایشە ھوور» ژ بۆ کو بارزانییان بچووک بکە و وان وەکە کەڤنەپەرەست نیشان بدە، دبێژە “عەشایری و تەریقەتا نەقشیبەندی”. «ئەرگون باباھان» ھەر رۆژ د مەدیایا پەکەکێ دا دەردکەڤە و دبێژیتە کوردان پەدەکە پڕ خرابە خوە نێزیک نەکن. ب راستی ژی گەلەک ترک ھەول ددن دا کو بارزانییان وەکە جھی فەرز بکن. ھەموو ب ھەڤرا ھەول ددن ببێژنە رایا گشتی “ستاتویا فەدەرەیا ھەرێما کوردستانێ د چارچۆڤەیا پلانا ڤەشارتی یا ئامەریکا و ئیسرایلێ دا ھاتیە ئاڤاکرن.” یانی ل گۆری ڤان دۆستێن کوردان یێن سەختە، ل باشوورێ کوردستانێ تشتەک نەھاتییە کرن، شەھید نەدانە، تێکۆشین نەکرنە، ھەما ھندەکا گۆتییە وان ھا ژ بۆ وە رێڤەبەرییەکا فەدەرال. ئەڤ گۆتنێن ب چ واتە دهێن، “ب راستی ئەڤ کوردێن باشوور ژ هەژی ستاتوویا فەدەراسیۆنێ نینن” لەورا ژی ھلوەشاندنا وێ ژی دروستە.
چما جەمیل بایک نابێژیت داھاتا پەترۆلا «باتمانێ» ب کو ڤە دچە، پەترۆلا چیایێ جوودی ب کێ دهێتە فرۆتن، پەترۆلا رۆژئاڤا چ ما دفرۆشن داگرکەرێن عەفرینێ و رێژیمێ…؟
نھا ئەڤ گرۆپا «میسیۆنەر» مەراق دکە کا ھەرێما کوردستانێ گازا خوە دێ فرۆشیتە کێ، چقاس دفرۆشیت و بارەگەھێن مۆئسادێ ل ھەولێرێ ھەنە، یان نە. کۆمارا ترکیێ یەکەمین دەولەتە کو پشتی دامەزراندنا دەولەتا ئیسرایلێ دانپیدان ب دامەزراندنا وێ کری، نها ژی چەپگرێن ترک ھەرێما کوردستانێ کو یەکانە ستاتوویا فەرمی یا کوردانە، ب پێوەندیێن ل گەل ئیسرایلێ دا تۆمەتبار دکە. دبێژن بارزانی جھی نە و ل ھەولێرێ بارەگەھێن مۆئسادێ ھەنە و ھتد.
ئەڤە 72 سالن دەولەتا ترک وەکە کۆلۆنیال ژ 32 ژ سەدێ ژ پەترۆلا ترکیێ ژ «ئێلھێ» دەردخە. ژ ئادیامانێ، ژ چیایێ جوودی دەردخە. ئەڤ دۆستێن کوردان یێن ساختە دەردکەڤن سەر کانالێن تەلەفزیۆنێن پەکەکێ و بانگاوازیێ ل ئیران و دەولەتێن عەرەبی دکن کو بچن دەست داننە سەر پەترۆلا باشوورێ کوردستانێ. گەر بیرا وە بێت ب دەسپێکرنا شەرێ ئوکراینا جەمیل بایک گۆت “ئەم رێ نادەین کو ھەرێما کوردستانێ گاز و نەفتا خوە بفرۆشیتە بازارێن ناڤدەولەتی” لێ چما ئەڤ جەمیل بایکە نابێژیت داھاتا پەترۆلا «باتمانێ» ب کو ڤە دچە، پەترۆلا چیایێ جوودی ب کێ دهێتە فرۆتن، پەترۆلا رۆژئاڤا چ ما دفرۆشن داگرکەرێن عەفرینێ و رێژیمێ…؟ سەدەما ڤان ھەموو گۆتن و کریاران مەشرووعکرنا ئێریشا ل سەر کوردستانا فەدەرەیە. ئەم دەست ژ بەهانەیان بەردەین، پەکەکە دخوازە ئێریشا ل سەر ھەرێما کوردستانێ وەکە شۆرەشەکا چەپگر، شۆرەشەکا پێشڤەروو، ھەولدانا وەکھەڤی و دادپەروەریێ نیشان بدە.
پرسگرێک ئەوە کو روحا یالچین کوچک د ناڤا پەکەکێ دا وەکە گییایێ فرێزی بەلاڤ بوویە
ئەڤ کەس یان ژی ئەڤ «میسیۆنەرە»نە کو شۆڤینیزما نەتەوەیا سەردەست ل سەر کوردان دسەپینن. کوردان رەزیل دکن و قەبوول ناکن کورد د وارێ ئابۆری، دیپلۆماتیک، سیاسی و جوگرافی دا سەربخوە بن و بکەڤن ناڤا قادا ناڤنەتەوەیی. گۆتنەکا ترکان ھەیە، دبێژن؛ “کوردەک ژ جەژنێ چ فێم دکە ئەو تەنێ دکارە دەوی ڤەخوە.” ئەرێ، تەنێ ئارمانجا دۆستێن کوردان یێن ساختە ئەوە کو کوردان وەکە حەمال و خولامێ دەولەتێ دەست خوە دا بگرن و فکرا خولامتییێ ب کوردان بدن قەبول کرن. ئەڤ ھەموو جێمکێن یالچین کوچکن.
ژ بەر ڤێ یەکێ ئەم دبێژین روحا یالچین کوچک ل دۆرا مە دگەرە. لێ ئەڤ روح د ناڤا رەفێن پەکەکێ دا تەڤدگەرە. پرسگرێک تەنێ ئەوە کو «میسیۆنەرێن» ترک د ناڤا کوردان دگەرن، پرسگرێک ئەوە کو روحا یالچین کوچک د ناڤا پەکەکێ دا وەکە گییایێ فرێزی بەلاڤ بوویە. مەژییێ پەکەکێ د بن فکر و رامانێن یالچین کوچک دا داگیر بوویە. د ناڤا مەدیا پەکەکێ دا تژی یالچین کوچکێن کورد هەنە. د ناڤ رەفێن پەکەکێ دا یالچین کوچکێن کورد زێدە نە. بێ ناڤبەر ھەول ددن ئاگرێ فتنە و فەسادییێ د ناڤ کوردان دا گوور بکن. کوردان ڤێکرا بەردن. بەسێ ھۆزات و مستەفا قاراسو شاگرد و جێمکێن یالچین کوچکن. ب قاسی دەولەتێن داگیرکەر ئەو ژی دژی حکومەتا ھەرێما کوردستانێ نە. ب قاسی کو یالچین کوچک میساقا ملی پاراستیە، عەڤدلا ئۆجەلان ژی وێ رێبازێ دپارێزە.
وێ دەمێ پر راستە کو مرۆڤ ئێریشا ڤان دەردۆرێن پەکەکێ و ترکان یێن ل سەر ھەرێما کوردستانێ وەک ئیتیفاقا میساقا ملی بنرخینە. و ببێژە روحا یالچن و یالچین کوچکێن کورد ب ھەڤرا تەڤدگەرن. ژ بیر نەکن روحا یالچین کوچک ل ھاویردۆرا کوردان دگەرە.
