ئەندامێ کۆنسەیا رەڤەبەریا پەکەکێ موستافا کاراسوو د ھەڤپەیڤنەکا خوە د مەدیایا پەکەکێ دا ل گۆرا خوە نرخاندنەک درێژ ل سەر رەوشا سیاسی دکە و د بەشەکا داخوویانیا خوە دا جاردن وەک ئەرکا خوە یا تایبەت بەحسا پەدەکێ دکە.
کاراسوو د نرخاندنا خوە دا وەھا دبێژە: “دەستێ خوە نەدە پەدەکێ، تو چ ب کوردان دکی بکە، پەیمانا کو د سەدسالا 20ێ دا ل لۆزانێ ھاتیە کرن، ئیرۆ ب رەنگەکی جودا تێ نووکرن. پەیمانا لۆزانێ ب ڤی رەنگی بوو؛ ترکیا وێ دەستێ خوە نەدە ئیراقێ لێ بەلێ وێ کاربە کوردێن باکور قر بکە. ئەساسی پەیمانا لۆزانێ وھایە. ب بەردێلا کو مووسل و کەرکووک ژ بۆ ئیراقێ بمینن، قرکرنا کوردان بوو. پۆلیتیکایەکا ب ڤی رەنگی تێ مەشاندن. یانی دبێژن؛ دەستێ خوە نەدن پەدەکێ تو چ تینی سەرێ کوردان بینە سەرێ وان. ژ خوە پەدەکە ژی دبێژە؛ دەستێ خوە نەدن من تو چ ب کوردان دکی بکە. یەک ژ سەدەمێن ڤێ پۆلیتیکایا دژی کوردا یا ناتۆ، ئەورۆپا و وەلاتێن دن، ھەلوەستا پەدەکێ یە. ب رێیا تێکلیێن لگەل پەدەکێ دا وەلێ نیشان ددن ک مینا پۆلیتیکایا وانا تێکلداری کوردان باشە و ب ڤی رەنگی ھەڤکاریا ل سەر قرکرنا کوردان ئاڤا دکن. دخوازن زمانێ کوردان تونە بکن، کوردان بکن ترک، کوردستانێ ژی بکن قادەک ژ بۆ بەربەلاڤبوونا نەتەوەتیا ترک. د سالا 1915ێ دا ئەرمەن تونە کرن، نھا ژی ب تونەکرنا کوردان دخوازن ڤان دەڤەران بکن قادا ترکان. گەلۆ ئەڤ قرکرن نینە؟ دبێژنە ڤێ ھەڤکاریا تاوانێ. ئێدی ھەر تشت ئاشکەرا بوویە. ب راستی ژی جڤینا بلندا ناتۆیێ یا ل مادریدێ نیشان دا کو ناتۆ چیە، ئەخلاقێ ئەورۆپایێ چیە، فەراسەتا خوە یا سیاسی چیە. پشتی کو شەرێ سار قەدیا وان دگۆت کو دێ دەمۆکراسی پێش بکەڤە. پەیاما وێ یەکێ دان کو مینا دەما شەرێ سار دا کری ئێدی پشتگریێ نادن دیکتاتۆران. ژ بەر کو د دەما شەرێ سار دا ل ئەمەریکایا لاتین، ل رۆژھلاتا ناڤین، ل ھەر دەرێ پشتگری ددان دیکتاتۆران. نھا ژی مینا دەما شەرێ سار ل گۆری بەرژەوەندیێن خوە پشتگریێ ددن دیکتاتۆران. ئەگەر ئەڤ دیکتاتۆر د خزمەتا وان دا بە تەمامە، لێ ئەگەر نە ب ڤی رەنگی بە ھنگی قیامەتێ رادکن. ب راستی ژی تێکلیەکا گەلەک قرێژە. د مژارا کوردان دا ئەوقاس بازاریێ دکن کو ئەڤە ھەڤکاریا تاوانێ یە. ھەڤکاریا قرکرنێ یە.”
گەلۆ کەسەک خوەدی مەژی یانی ئاقلێ وی د سەرێ وی دا بە ڤێ نرخاندنێ دکە؟ ئەگەر کەسەک یان ژی سیاسەتمەدارەک دن ڤێ ئاخاڤتنێ بکە، دێ وەک کەسەک دین (شیت) هێت ناڤکرن. ھەتا پەکەکە ژ نەخوەشیا دژاتیا پەدەکێ خەلاس نەبە چ جارا نکارە سیاسەتەک ئاقلانە رێڤە ببە. ژ خوە رۆژا پەکەکە دژاتیا نرخێن نەتەوی، پەدەکێ و سیاسەتمەدار و کەسایەتێن ل سەر خەتا نەتەوی نەکە، چ واتەیا وێ یەکێ کو پەکەکە سیاسەتێ بکە نامینە و ووسا خویا دبە کو ئەرکا خوە جھ ئانیە و ژ ھۆلێ رادبە.
موستافا کاراسو د ھەڤپەیڤینا خوە دا، وەک کو تێ خویاکرن ھەر تشتا کو زەرەرێ بدە تەڤگەرا ئازادخوازا کوردستانێ گۆتیە. ژ بەر کو ئەرکا وی د ناڤا پەکەکێ دا ژی ئەڤە. مخابن گەلەک کەسایەتێن کو د ناڤا پەکەکێ دا یان ژی پشگریا سیاسەتا پەکەکێ دکن، دکارن ب دەمژمێرا گوھ بدن ڤان ئاخاڤتنێن پووچ و ل چەپکا بدن.
گەلەک گرینگە کو کورد تایبەتی ئەوێن پشگریا سیاسەتا پەکەکێ دکن و چەپکا ژ بۆ یێن وەک کاراسوو لێ ددن کاراسو ناسبکن.
موستافا کاراسوو، ژ باژارێ «سیواسێ» یە و ل گوندەکێ «سیواسێ» ژ دایک بوویە. کاراسوو نە کوردە بەلکو ترکە. کاراسوو چ جارا د ناڤا تەڤگەرا کوردستانێ دا جھ نەگرتبوو. داویا سالا 1979ێ تەڤلی پەکەکێ دبە و سالا 1980یێ ھاتە گرتن و دەمەکێ ما گرتگەھێ دا. نھا ژی ئەندامێ کۆنسەیا رێڤەبەر یا پەکەکێ یە. کاراسوو نەخوەشیا «ئالزەھایمەر» ھەیە و ئەو تشتا ژ بیر دکە و دەما دئاخڤە پرانیا جارا نزانە چ دبێژە.
ئەرکا وی یا بنگەھین د ناڤا پەکەکێ دا دژاتیکرنا تەڤگەرا ئازادخوازا کوردستانێ یە.
رۆژەڤاکورد
