پێشمه‌رگه‌ی پلانەکە ئێریشکرنا ل سەر کێلگەها گازێ یا کۆرمۆرێ پووچکر

پلانەکە ئێریشکرنا ل سەر کێلگەها کۆرمۆرێ یا گازێ، ژ ئالیێ هێزەکە پێشمەرگە ڤە هات پووچکرن.

سەرۆکاتیا ئەرکانا هێزێن 70 یێن پێشمەرگە د داخویانیەکێ دە ئاشکەرە کر، پشتی کو چەند جاران ب مووشەکان ئێریش ل کێلگەها کۆرمۆرێ هات کرن، هێزێن وان ل ناڤچەیێن کو ڤالاهیا ئەولەهیێ هەیە، دەست ب لێکۆلین، لێگەرین و ئۆپەراسیۆنێ کرن و دوهی 27ێ تیرمەهێ ئەو گهیشتن جهێ کو ژێ ڤە مووشەک دهاتن ئاڤێتن.

د داخویانیێ دە هات دیار کرن، «ل وی جهی مووشەک ل سەر بارهلگرەکە ژ جورا کیا هاتبوون دانین و هاتبوون ئامادەکرن ژ بۆ كو جارەکە دن کێلگەها کۆرمۆرێ بکنە ئارمانج. ئەو مووشەک هاتن پووچکرن و دەست ب سه‌ر بارهلگر و مووشەکان ده‌ هات دانین».

ئەڤ یەک د دەمەکێ دە یە، د دو مەهێن بۆری دە، 4 جاران ئێریش ل سەر کێلگەها گازێ یا کۆرمۆرێ هاتبوو کرن و ئێریشا داوی، رۆژا 25ێ تیرمەها 2022ان بوو.

کێلگەها گازێ یا کۆرمۆرێ کو د سالا 2007ان دە هاتیە دامەزراندن، دکەڤە سینۆرێ ناحیا قادر کەرەم یا سەر ب ناڤچەیا چەمچەمالا سلێمانیێ. کۆمپانیێن دانا گاز و هیلالا ئیماراتی وەبەرهێنانێ تێ دە دکن.