ئارتێشا ترکیێ ئۆپه‌راسیۆنا دۆرپێچ ل وانێ دا دەستپێکرن

وەزارەتا ناڤخوە یا ترکیێ راگهاند، هێزێن وان ل پارێزگەها وانێ یا باکورێ کوردستانێ، ئۆپەراسیۆنا ب ناڤێ «دۆرپێچ-35» دانە دەستپێکرن.

وەزارەتا ناڤخوە یا ترکیێ ئیرۆ چارشەمبێ 24 تەباخا 2022 راگهاند کو ل پارێزگەها وانێ یا باکورێ کوردستانێ ب ناڤێ «دۆرپێچ -35» ئۆپەراسیۆنەکە نوو ب ل دژی چه‌كدارێن په‌كه‌كێ هاتیە دەستپێکرن.

د داخویانیێ دە تێ گۆتن کو هێزێن تایبەتێن جەندرمە، پۆلیس و کۆماندۆ ژی د ناڤ دە 622 ئەندامێن ئارتێشا ترکیێ د ڤێ ئۆپەراسیۆنێ دە جهـ دگرن کو ژ چەند تیمان پێک تێن.

ئارتێشا ترکیێ رێزە ئۆپەراسیۆنێن خوە یێن ب ناڤێ «دۆرپێچ» ل دژی په‌كه‌كێ ل پارێزگەهێن جودا یێن باکورێ کوردستانێ وەکە ئامەد، مێردین، دێرسم، شرنەخ، جۆلەمێرگ، ئاگری، بەدلیس، ئیدر، قەرس، ئەردەخان و چەند ناڤچەیێن دن دان دەستپێکرن و هێژان ژی ل سەر وان ئۆپەراسیۆنان بەردەوامە.