ل باژارێ قامشلۆ بۆمبەیەک ب ئۆتۆمۆبیلەکێ دا تەقیا، ل گۆری ئاگاھیێن دەستپێکێ 2 کەس بریندار بوونە.
ل گۆر زانیاریان، ئۆتۆمۆبیلەک ل سەر رێیا ئەلحیزام (کەمبەر) یا قامشلۆ و ل نێزیک دبستانا سەعادەتێ تەقیایە.
ھن چاڤکانیێن خوەجھی دبێژن، درۆنەکە ترکیێ ئۆتۆمۆبیلەک ل باژاری قامشلۆیێ کریە ئارمانج، لێ ھن چاڤکانی ژی دبێژن تەقینا ئۆتۆمۆبیلێ ژ بەر بۆمبەیەکێ بوویە.
رەوانگەھا سوورییا مافێن مرۆڤان (سۆھر) کو بارەگەھا وێ ل لەندەنێ یە و رەوشا سووریێ دشۆپینە، دبێژە ئێریش ژ ئالیێ ترکیێ و ب درۆنەکێ ھاتیە پێکانین. ل گۆر روانگەهێ، ئۆتۆمۆبیلەکا سڤیلان ژ ئالیێ درۆنەکە ترکیێ ڤە ھاتیە ئارمانجکرن و تێ گۆتن بریندار ھەنە.
مەدیایێن نێزیکی رێڤەبەریا خوەسەر ژی راگھاندنە کو ئۆتۆمۆبیلەک ل جادەیا ئەلحیزامێ تەقیایە و ئاماژە ب وێ یەکێ کرنە کو بریندار ھەنە، لێ ھەژمار نەدانە خویاکرن.
پشتی تەقینێ ھێزێن ئاسایشێ گھیشتن جھێ تەقینێ و دۆرپێچ کرن و دەست ب لێکۆلینان کرن.
