ئاژانسەکا تووریزمێ یا ل رووسیایێ خەلەتیەکا نەدیتی کر و مشتەریێن خوە ل شوونا کو بشینە پایتەختا ئسپانیا مادریدێ، شاند مێردینێ. تووریستێن کو دەما ھاتن بالافرگەھێ ماتمایی مان، ئەو رۆژەکی ل مێردینێ مان و دان دیارکرن کو وان مێردین گەلەکی عەجباند.
ئاژانسەکا گەشتیاریێ ل رووسیایێ خەلەتیەکا بالکێش کر. ئاژانسا کو خوەست مشتەریێن خوە ب سەر ستەنبۆلێ را بشینە مادریدا پایتەختا سپانیایێ، ب خەلەتی شاند مێردینێ.
ل شوونا مادریدێ تێن مێردینێ
پشتی بالەفرێ دانی و گرۆپا گەشتیاری ل بالەفرخانەیێ داکەتنە، پێ ھەسیانە کو ل شوونا مادریدێ ھاتنە مێردینێ. رێڤەبرێ گەشتیاریێ بەکر فالای دیار کر کو گەشتیارێن رووس ل مێردینێ رۆژەک خوەش دەرباس کرنە و وھا گۆت: “داخوازا چوونا مادریدێ ژ رووسیایێ ھەیە. ئاژانس ل وێ دەرێ ژ دێڤلا مادریدێ بلێتا مێردینێ یا ب ستەنبۆلێ ڤە گرێ ددە. دەما مشتەری تێن مێردینێ راستی سۆسرەتەکە نەچاڤەرێکری تێن و ماتمایی دمینن. تەڤی ڤێ تەڤلیھەڤیێ ژی مە گەلەک باش مێهڤانداریا توریستان کر. وان رۆژەک پر خوەش دەرباس کر.”
سەرۆکێ کۆمەلەیا کارسازێن تووریزمێ یا مێردینێ ئاسلان پاشائۆغلو، دیار کر کو توریستان تەڤی خەلەتیێ ژی ژ مێردینێ پر حەز کرن. ژ ئالیێ دن ڤە ھات تۆمارکرن کو گەشتیار رۆژا دن ژ باژێر دەرکەتن و د سەر ستەنبۆلێ را ل بالافرا مادریدێ سوار بوون.
