پشتی جڤینا حکوومەتا ترکیا ب سەرۆکاتیا سەرۆککۆمار تەییب ئەردۆگان دە داوی ھات، ئەردۆگان کۆنفەرانسەک چاپەمەنیێ ل دارخست.
ئەردۆگان بەحسا بریارێن حکوومەتێ د دەربارێ گەلەک تشتان دە دان خویاکرن. د دەربارێ ئۆپەراسیۆنەک بەژایی ل سەر رۆژئاڤایێ کوردستانێ و سوریێ دە ئەردۆگان گۆت: “ئەم 30 کیلۆمەتران دە ب بریارین. ئەم ژ ت کەسی دەستوورێ وەرناگرن. د ئێریشا بۆمبەیی یا ل کۆلانا ئیستیقلالێ دە 6 وەلاتیێن مە ژیانا خوە ژ دەست دان. گەلەک کەسێن تێکلداری چالاکیێ ھاتن بنچاڤکرن. ئەم پەیامێن ب ڤان چالاکیان تێن دایین فێم دکن و ل قادێ بەرسڤان ددن. د جڤێنێن G20 دە، مە بریارداریا خوە یا تێکۆشینا ل دژی تەرۆرێ نیشان دا.
بریارداریا مە یا کو ئەم سینۆرێن وەلاتێ خوە بخن بن مەرتالا پاراستنێ یا 30 کیلۆمەترەیی بەردەوام دکە. دەما کو د دەربارێ ئەولەکاریا وەلاتێ خوە و گەلێ خوە دە گاڤان داڤێژن، ئەم دەستوورێ ژ کەسی ناگرن و ھەساب نادن کەسەکی.
ئەم ژ بۆ دورووتیا کەسێن کو ب لیستکێن گوھەرتنا ناڤان پشتگری ددن رێخستنا تەرۆرێ یا قەیدکری قەبوول ناکن.
تو کەس وێ نکاربە ب تەھدیدێن ڤالا وەلاتێ مە د قادێن سیاسی، دیپلۆماتیک، ئابۆری و لەشکەری دە بخە پۆزیسیۆنێن ل دژی بەرژەوەندیێن خوە.
مە ئۆپەراسیۆنێن کو د دەمێن داوی دە ل ھوندر و دەرڤە ھاتنە زێدەکرن ب بەرفرەھی نرخاند.
ئۆپەراسیۆنێن لەشکەری یێن ترکیێ یێن کو ئارمانجا وان بەرفرەھکرنا خەلەکا ئەولەکاری و ئاشتیێ یە، دڤێ ت کەسی ئاجز نەکە.”
