ئەنداما کۆنسەیا رێڤەبەر يا كه‌جه‌كێ ئەڤین گۆیی د ئێریشا پاریسێ دە ژیانا خوە ژ دەست دا

evin-goyi-pkk-kck-paris

هات هینبوون کو ئەنداما کۆنسەیا رێڤەبەر یا كه‌جه‌كێ ئەڤین گۆیی ژی یەک ژ وان کەسانە کو د ئێریشا ل سەر کوردان یا ل پاریسێ پێک هاتی ژیانا خوە ژ دەست دای. د ئەنجاما ڤێ بوویەرێ دە سێ کوردستانییان ژیانا خوە وەندا کر.

د 23ێ کانوونێ دە د ئێریشا کو ل سه‌ر ناڤەندا چاندێ یا ئەحمەد کایا دا هاتیه‌ ئه‌نجام دان، 3 کەسان ژیانا خوە ژ دەست دابوون.

ل گۆری ڤێ هاتە زانین کو کەسێن ژیانا خوە ژ دەست دانە هونەرمەندێ کورد میر پەروەر «مەهمەت شیرین ئایدن، عه‌بدولره‌حمان کزل و ئەمینە کارا ب ناڤێ کۆد ئەڤین گۆیی» نە.

هاتە هینبوون کو ئەمینە کارا ئەنداما کۆنسەیا رێڤەبەر یا كه‌جه‌كێ یە.

ئەمینە کارا- ئەڤین گۆیی کی یە؟

ئەمینە کارا کو ل باژارۆکێ هیلالا قەلابانێ (ئولودەرە) ژ دایک بوو، د سالا 1988ێ دە تەڤلی ناڤا رەفێن په‌كه‌كێ بوویە. هات دیار کرن کو کارا دەما تەڤلی په‌كه‌كێ بوویە 12 سالی بوو. پشتی کو ب سالان ل هەرێما بۆتانێ مای، هات زانین کو ل هەرێمێن بەهدینان، قەندیل و خاكورکێ تەڤلی شەر بوویە. ئەڤین گۆیی کو هەری داوی د سالا 2013ێ دە ژ بۆ کۆنسەیا رێڤەبەر یا كه‌جه‌كێ هات هلبژارتن، ژ بۆ خەباتێن چاندێ یێن ل رۆژئاڤا تێ ئەرکدار کرن.

هاتە دیارکرن کو کارا ژ سالا 1999ێ ئه‌و ب پرسگرێکێن گران یێن هه‌ستیكان رە روو ب روو مایە، د ڤان سالێن داویێ دە ژ بەر کەتنا دیسکا پشتا خوە وی نکاری باش حەرەکەتێ بکە و ژ بەر ڤێ یەکێ ئه‌و ژ بۆی ئه‌ورۆپایێ هات شاندن. کارا ل هاڤینا 2020ێ ژ سلێمانیێ دچە فرانسایێ. ل ور داخوازا پەنابەریێ دکە.

مالباتا ئەمینە کارا ل کامپا مەخموورێ یا پەنابەرێن هەرێما کوردستانێ دژین.

ما ئەڤین گۆیی ب تایبەتی تێ ئارمانج کرن؟

چاڤکانیێن کو «دارکا مازی» ئاگاهدار کری، دیار کرن کو ئەڤین گۆیی ئەنداما کۆمیتەیا چاند-هونەرێ یا په‌كه‌كێ-كه‌جه‌كێ یا ئەورۆپایێ یە و هەروه‌ها ئەنداما کۆردیناسیۆنا پژاکێ یا ئەورۆپایێ ژی بوو.

هاتە زانین کو ئەمینە کارا د ناڤا په‌كه‌كێ دە خوەدی کەسایەتەکە سیاسی یا پر ب باندۆر نەبوو، له‌وما ژی ئیحتیمالا کو ئەو ب تەیبەت هاتبە ئارمانجکرن کێمە.

پوستێن ھەمان بەش