رێڤەبەرێ دائیمی یێ رێخستنا سەر ب په‌كه‌كێ ڤە «كه‌نه‌كه» یا ل ئەورۆپایێ زوبەیر ئایدار، دوهـ تەڤلی بەرناما تەلەڤیزیۆنا په‌كه‌كێ یا ب ناڤێ «ستێرک تی ڤی» بوو و ل سەر قەتلکرنا ناگیهان ئاکارسەل «زیلانێ» ل تاخێ بەختیاری یێ سلێمانیێ، هندەک ئاگاهی بەلاڤ کرن.
زوبەیر ئایدار دا زانین کو قاتل ب ناڤێ «ئیسماعیل پەکەرە» ژ داییکبوویێ تاخێ «ماماقێ» یێ ئەنقەرێ یه، هەروه‌ها دیار کر کو د دەربارێ کوژەری دا ئاگاهیێن زێدەتر د دەستێ وی دا هەنە.
ئایدار دەربارێ دانپێدانێن کوژەری دا ژی ئاگاهی دان، ده‌رئه‌نجام په‌كه‌كێ وەکه هه‌رجار دیسان بوختان ئاڤێتن هەولێرێ و گۆت «کوژەر دا ره‌ڤیته هەولێرێ».
زوبەیر ئایدار ب ره‌نگه‌كی ووسا پێزانین دان، هه‌ر وه‌كی ئه‌و رێڤه‌به‌رێ ئەمنیەتا گشتی یا سلێمانیێ یه، یا راست وی ووسا ئاخڤی هه‌ر وه‌كی وی لێپرسینا کوژەری كری یه. یا ئه‌م دزانین زوبەیر ئایدار نە فەرمانبەرێ ماسەیا ئەولەکارییا گشتی یا سلێمانیێ یە، له‌وما ژی پێدڤی دکە کو ئەم د ڤێ داخویانیێ دە ل هن تشتێن دن بگەرن.
بێ گومان زوبەیر ئایدار ژ ناڤ سوحبەتێن خوە یێن ل گه‌ل دۆستێن خوە یێن یه‌نه‌كێ ئه‌وقاس وورده‌كاری دەربارێ جینایەتێ دا ب ده‌ست نه‌ئێخستنه.
زوبەیر ئایدار ئەڤ ئاگاهی راستەراست ژ رێڤەبه‌رێن پایەبلندێن په‌كه‌كێ زانینه، و وی ب خوە ژی ئەڤ ئاگاهی بەلاڤ نه‌دكرن، لێ ژ وی هاتییه خواستن کو ڤان تشتان ببێژێت، په‌كه‌كێ راستەراست ئەڤ یەک ژ وی خواستییه، ئەڤ ژی دهێته وێ واتەیێ کو په‌كه‌كە ل سەر ڤێ کوشتنێ دێ دەست ب کامپانیاکا نوو یا قرێژ بكه‌ت.
بەریا نها د دۆسیایەکا تایبەت دل کو ژ ئالیێ «دارکا مازی» ڤە هاتبوو وەشاندن، زانیاریێن تایبەت دەربارێ کوشتنا ناگیهان ئاكارسه‌ل دا هاتنه ئەشکەرە كرن، «دارکا مازی» د نڤیسا خوە دە ژی گۆت کو ئاگاهیێن کو ژ نها و پێڤە ل سەر ڤێ کوشتنێ دهێنه وەشاندن نەپێباوەرن، هوون دکارن ژ لینکا ژێرین وێ گۆتارا تێکلداری ڤێ بوویەرێ بخوینن:
گەلۆ کوشتنا ناگیھان ئاکارسەل دۆزا دویەمینا عۆمەر گونەیە؟
وەختێ داخویانییا زوبەیر ئایدار واتاداره، پشتی کو ئەندامێ کۆردیناسیۆنا په‌كه‌كێ یا ئەورۆپایێ فەرمان گارزان، گرسەیا گەل ب دژواری و توندیێ تەحریک کری، ژ بۆ نخوماندنا مژارێ ئەڤ داخویانی هات دان، هەروه‌ها راستەراست هەدەفگرتنا زوبەیر ئایدار یا هەولێرێ ژی ب ڤێ ڤە گرێدایی یە.
دیسان هەول دا کو بەرتەکا کوردان بكێشیته سەر هەولێرێ وه‌ختێ گۆتی: «وی کوژەری دفکری کو گەر برەڤیته هەولێرێ دێ قورتال بیت»، هن ژ ئۆرگانێن مەدیایی یێن سەر ب یه‌نه‌كێ ڤە ل سلێمانیێ، یەکسەر ئەو نووچە وەرگەراندن و بەلاڤ کرن.
دەولەتا ترک ئەڤ جینایەت ب ئاوایەکی سەرگرتی قەبوول کر، هات زانین کو ئەو جینایەت ب هاریکارییا رێخستنا په‌كه‌كێ یا سلێمانیێ هاتیە کرن و بەشەک ژ کارمەندێن په‌كه‌كێ ژی هاتنە گرتن.
«دارکا مازی» بەرێ ناڤێ ڤان کەسان بەلاڤ کربوو، ژ بەر کو زوبەیر ئایدار ناڤێ کوژەری ئەشکەرە کرییە، دڤێ ئەو وان ناڤێن د ناڤ په‌كه‌كێ ژی ده ببێژیت یێن كو ئالیكارییا كوژه‌ری كرین، به‌لكو زێده‌تر هەتا دڤێت زوبەییر ببێژیت کو کوژەر ل جەم «کۆمەلەیا کارکەرێن مەزۆپۆتامیا» یا سلێمانیێ د ما.
یه‌نه‌كه ژی دڤێت ژ ڤێ بوویەرێ دەرسان وه‌رگریت
داخویانییا زوبەیر ئایدار داخویانییا رێڤەبەرییا په‌كه‌كێ یە
یه‌نه‌كه ژی دڤێت ژ ڤێ بوویەرێ دەرسان وه‌رگریت، یه‌نه‌كێ دەربارێ لێپرسینێ په‌كه‌كە ئاگاهدار کر، گەلۆ ما ئەو، وە بێفەهمن کو نزانن دێ رۆژەکێ ئه‌ڤ یه‌ك ل وان ڤەگەریت، یه‌نه‌كه ژ بەر کو ل سه‌ر ئێریشێن په‌كه‌كێ یێن ل دژی په‌ده‌كێ بێده‌نگه، لێ گاڤا وەخت هات په‌كه‌كه دێ ل یه‌نه‌كێ ب خوە ژی ده‌ت.
داخویانییا زوبەیر ئایدار داخویانییا رێڤەبەرییا په‌كه‌كێ یە، گەر په‌كه‌كە ل قاتلەکی بگەریت یان ژی ئۆرگانیزاتۆرێن کوژەران ئەشکەرە بکەت، پێویسته ئه‌ول ژ خوە دەست پێ بکەت، ژ بەر کو شۆپێن هەموو کوژەران دەرباسی ناڤا په‌كه‌كێ دبن، جینایەتێن کو په‌كه‌كە د ناڤا خوە دە کرینە و هەژمارا کادرۆیێن کو ڤێ رێخستنێ قەتلکرنه دگه‌هنه هەزاران، هەگەر زوبەیر ئایدار لیستا ناڤێن کادرۆ-شەرڤانێن کو په‌كه‌كێ کوشتنه بنڤیسیت، دێ لیستە ژ بروکسەلێ هەتا قەندیلێ درێژ بیت.
د قەتلکرنا ناگیهان ئاکارسەل دا و د قەتلکرنا زەکی چەلەبی دا شۆپا کوژەری ژ ناڤا په‌كه‌كێ دەرکەت، په‌كه‌كه ب خوە قاتلە، لێ ب رێیا مەدیایێ دخوازە شۆپێن ل ناڤا خوە دە پاقژ بکەت و بێبەختیێ ل هندەک دەور و بەرێن دن بکەت.
گاڤا ئەم ژ په‌كه‌كێ رە دبێژین تە ئەڤ جینایەت کری یە، دبێژن «وەی، حەقارەتێ ل نرخێن مە یێن شۆرەشگەری دکن». دەما کو ئەم په‌كه‌كێ رەخنە دکن ئەو رەوشەنبیرێن شەرمۆک ژ مەر رە دبێژن هوونێ زیانێ ل یەکێتییا کوردان دكن، وەک په‌كه‌كێ هەلوەستی نیشانی مە دکەن.
په‌كه‌كە هەر رۆژ حەقارەتێ ل نرخێن کورد و کوردستانێ
په‌كه‌كە هەر رۆژ حەقارەتێ ل نرخێن کورد و کوردستانێ دکەت هوون دزانن، ل هەموو سەرهلدان و سەرۆکێن کوردان دکه‌ت، شێخ سەعید وەک ئاژانێ ئینگیلیزا ب ناڤ دکەت، قازی محه‌مه‌د وەکە کەسەکێ هەژار، بێ هێز و خاپاندی ب ناڤ دکەت، پێشمەرگەیێن کوردستانێ رەخمێ کو ب هەزاران شەهید دانە وەک چەتە ب ناڤ دکە و هەر رۆژ دژوونا دکە کەڤنەشۆپییا رێبازا بارزانی و هەرێما کوردستانێ، ما ئەڤه نە نرخێن پیرۆز یێن نەتەوا کوردن، چما رەوشەنبیر ل دژی ڤان رەفتارێن په‌كه‌كێ ناسەکنن.
ما قەی په‌كه‌كە ژ ئەسمانان هاتییە، پیرۆزی یا وێ هەیە، ئەڤ 40 سالە وێ زیانه‌كا مەزن ل گەلێ کورد كری یه. ژ ڤێرێ و پێڤه ئەم ب ئاوایەکی ڤەکری دبێژین زوبەیر ئایدار و تەڤگەرا کو ئەو تەمسیل دکەت: « چ کەسێ ب قاسی وە ل کوردستانێ كوشتن نەکرییە، مرۆڤ نەکوشتنە، دەستێ وە د گەلەک جینایەتێن کو هوون شینیێ ژی بۆ دگرن دا هەیە».
کوژەرێ ناگیهان ئاکارسەلێ په‌كه‌كه ب خوه یه
کوژەرێ ناگیهان ئاکارسەل قاتلەکێ کوردە، ژ بۆ پارەی وی ژنەکا کورد قەتلکرییە، پێویسته حساب ل گه‌ل بهێته كرن و هه‌روه‌ها هێزا كو پشتگری دایه وی ژی بهێته ئەشکەرە کرن، لێ مخابن په‌كه‌كێ ئەڤ بوویەر ژی ژ بۆ خوە کر ئاموورەکی رانتا سیاسی، په‌كه‌كە دفکریت کو دێ شێت ژ ڤێ کوشتنێ چ سووده‌كێ وەرگریت، ئەو ژی ب ڤێ هەلوەستا خوە ب قاسی کوژەری تاوانباره.
زێدە هەوجەیی گۆتنێ ناکەت، زوبەییر ئایدار ل سەر ناڤێ په‌كه‌كێ داخویانی بەلاڤ کر، لێ د راستیێ دا کوژەر په‌كه‌كە ب خوە یە.
