نێزیکی 146 مالباتێن پەنابەرێن ئیراقی كو مالباتێن ئه‌ندامێن رێخستنا ته‌رۆریست یا داعشێ بوون و ژ 584 کەسان پێک تێن ژ كامپا هۆلێ ده‌ركه‌تن، هه‌موه‌خت 15 ئه‌ندامێن داعشێ.
ره‌وانگه‌ها سووری یا مافێن مرۆڤان به‌لاڤ كر، دوهـ رۆژ شه‌می 14/1/2023ێ گه‌را شه‌شه‌مین یا مالباتێن ئیراقی یێن ئه‌ندامێن رێخستنا ته‌رۆریست یا داعشێ ژ كامپا هۆلێ ده‌ركه‌تن و ب رییا ئۆتۆبۆسان ب ئامادەبوونا شاندا ئیراقی ژ دەریێ سینۆری یێ ئەل-وەلید بەر ب کامپا ئەل-جەداع یا مووسلێ ڤە ب رێ کەتن.
ده‌ستنیشان كر، ئه‌ڤ مالباتێن ئیراقی ب رییا 16 ئۆتۆبۆسان ده‌ركه‌تن، شاندا ئیراقی ژی سۆز دا کو دێ د گەرا بهێت دە کۆمەک نوو ژ ئیراقیان ژ كاماپا هۆلێ ده‌رخه.
رەوانگەها سووری بەری نها ئاماژە ب وێ یەکێ کربوو کو رێڤەبەریا کامپێ بەردەوامە ل سەر کار ژ بۆ دەرخستنا مالباتێن ئیراقی ژ هۆلێ ب هەماهەنگیەکە بەردەوام ل گەل ئالیێن ئیراقی.
تێ زانین 698 مالباتێن ئیراقی د سالا 2022ان دە ژ کامپا هۆلێ هاتبوون دەرخستن و ب ڤی ئاوایی:
د مەها چلەیێ دە 113 مالبات دەرکەتن.
د مەها نیسانێ دە 122 مالبات دەرکەتن.
د مەها خەزیرانێ دە 152 مالبات دەرکەتن.
د مەها تەباخێ دە 150 مالبات دەرکەتن.
د مەها جۆتمەهێ دە 161 مالبات ده‌ركه‌تن.
