ل رۆژا 9 تهباخا 2014ان ئهڤ هێز ب فهرماندارێتییا بابێ دویركهسی كهتن رێ، ئهركا ڤێ هێزا پێشمهرگههان ئهولهكرنا جیهێ هێزێن تایبهت یێن ئامهریكی بوو كو د خوهستن ل چیایێ شهنگالێ ب جیهـ بن.
پهكهكه ب هاتنا ڤێ هێزا پێشمهرگههان دزانه، ههر د زوو ده یهكینهیێن خوه شاندن گهلیێ كهرسێ و مهفرهزه ل ور دانان، وهختا پێشمهرگه گهیشتن گهلیێ كهرسێ ل مهفرهزهیا پهكهكێ نهسهكنین و دهرباسی چیایێ شهنگالێ بوون.
هێزا 30 كهسی یا پێشمهرگههان گهیشت سهرێ چیایێ شهنگالێ كو ل ور فهرماندار ئاشتی كوچهر ل بهندێ بوو، د ڤان كێلهكان ده یهكینهیێن پهكهكێ یێن كو ل گهلیێ كهرسێ د خوهستن وان ئاستهنگ بكن سهركهتن چیا و ژ پێشمهرگههان ره گو: «هوون چما ل نوقتهیێن مه نهسهكنین و بێ ئهمرێ مه دهرباسی چیا بوون»!
ل ور پهڤچوون و شهره دهڤ چێبوون و پێشمهرگههان ژ یهكینهیێن پهكهكێ ره گو كو ئهڤ دهر ئاخا مهیه و تهكانه هێزا نهمهشرووع یا ل ڤر پهكهكه یه.
دو ساعهت دهرباسبوون پشتره هێزا كۆماندۆ یا ئامهریكی گهیشت سهرێ چیا.
پهكهكێ ئهرزاقێ كو گهیشتییه سهرێ چیایێ شهنگالێ بۆ خوه بر
د ناڤبهرا 3 ههیا 9 تهباخێ ده دو جاران ئالیكاریێن خوارن، دهرمان و چهك ب رییا پێشمهرگههان و ئامهریكیان گهیشتن چیایێ شهنگالێ، فهرماندار بابێ دویركهسی دبێژه: جارا یهكێ پێشمهرگههان ئالیكاریێن دهزگههێ خێرخوازی یێ بارزانی برن چیا و پهكهكێ ههول دا بۆ خوه ببه، لێ پێشمهرگههان نههشت، لێبهلێ ئهرزاق و ئالیكاریێن كو ئامهریكییان ب رییا پهرهشۆتان بۆ گهلێ ئێزدی ژ بالافران ئاڤێتین، پهكهكێ پرانی ژێ بۆ خوه بر و تهنێ هنهك ژ بۆی ئێزدییان هشت.
پێشمهرگهیێن كو د شهنگالێ ده بوون ب كو ده چوون؟
پێشمهرگههێن كو بهری 3ی تهباخێ ئهركا وان ل شهنگالێ ههبوو، ژ هێزێن «قاسم شهشۆ، قاسم سمێل و هێزا سهعید چهلكی و عهمید سمێ» و هنهك پێشمهرگههێن دن پێكدهاتن، چهكێن گران ب وان ره نهبوون، ئهو ب ئێزدییان ره دهرباسی چیایی شهنگالێ بوون.
بابێ دویركهسی كو ئهڤ بوویهر ههموو ب چاڤ دیتنه و هنهك ژێ ب كامیرا مۆبیلا خوه وێنه كرنه، ژ «داركا مازی» رە چیرۆكا ڤهكرنا رییا چیایێ شهنگالێ و رزگاركرنا ئێزدییان ڤەدبێژە.
فهرماندارێتییا سهرێ چیایێ
پشتی ڤهكرنا رییا چیایێ شهنگالێ د «دوگورێ» ره و رزگاكرنا بهشهكی ئێزدییان، پێشمهرگههێن كو ژ شهنگالێ ب ئێزدییان ره چووبوون چیایی و پێشمهرگههێن كو ژ سحێلا گهیشتنه چیا، فهرماندارێتییهك پێكئانی و ب ڤی رهنگی:
قاسم شهشۆ.
قاسم سمێل.
سهعید چهلكی.
ئهركا ڤێ فهرماندارێتیێ دو خالێن سهرهكه بوون، یا یهكهم وێ چاوا خهلكێ ئێزدی رزگار بكن و خالا دویهمین ژی رزگاركرنا ئاخێ یه.
ئهرك ب ڤی ئاوایی هاتن دابهش كرن:
قاسم شهشۆ – فهرماندارێ گشتی.
قاسم سمێل – بهرپرسێ باكورێ دوگورێ و سنوونێ.
قاسم دربۆ – بهرپرسێ میحوهرێ قیبلا شنگالێ.
ئاشتی كۆچهر – بهرپرسێ پێوهندییان ب گهلێ شهنگالێ رە.
یهكهم میسیۆنا ڤێ فهرمانداریێ گههاندنا تیمهكا دختۆران و ئالیكاریێن دهرمان و خوارنێ بوو ژ بۆ چیایێ شهنگالێ، بابێ دویركهسی ئهڤ ئهركه ب جیهـ ئانی و یهكهم تیما دختۆران و ئهرزاقی ژ دهۆكێ ب سهرپهرشتییا پێشمهرگهههكی ب ناڤێ «مووسا» گهیشت چیایێ شهنگالێ، لێبهلێ ل گهل گهیشتنا ڤی كاروانێ ئالیكاریێ پهكهكێ ژ پێشمهرگههان ره گۆ ئهمێ ب تو ئاوایی رێ نهدن ئهڤ ئالیكاری دهرباسی چیا ببن، یان هوونێ تهسلیمی مه بكن و ئهمێ ببن چیا یان ژی هوونێ ب تو ئاوایی دهرباس نهبن.
فهرماندارێن پێشمهرگه ل ڤر راستی دو بژاردهیان هاتن، یان وێ ل پهكهكێ بخن، یان ژی وێ ب مهرجێن وان رازی ببن و بارێ ئالیكارییان تهسلیمی وان بكن.
بابێ دویركهسی دبێژه: «پێشمهرگههان ل سهر ئهمرێ سهرۆك بارزانی بریار دان ب تو ئاوایی شهرێ پهكهكێ نهكن و رزگاركرنا ئێزدییان ئهركا وان یا سهرهكه به».
پشتی ڤان بوویهران فهرماندارێ پێشمهرگهی بابێ دویركهسی ب دو پێشمهرگههێن دن ره ب ناڤێن (ت. ع) ڤهدگهره سحێلا ژ بۆ كو ئالیكاریێن زێدهتر و چهكان بشینه چیایێ شهنگالێ.
بابێ دویركهسی دبێژه: ئیرۆ 9 سال دهرباسبوون و هێژان ل مهدیایێ داخویانیێن هنهك ئالییان دبینم كو سپاسییا پهكهكێ دكن كو چوونه چیایێ شهنگالێ، ب یا من ههگهر ئهو ژ بۆ ئالیكارییا ئێزدییان چووبن ئهم ژی ژ وان ره دبێژن سپاس، لێ یا راست ئالیكارییا ئێزدییان د رۆژهڤا پهكهكێ ده نهبوو، ئهمێ ڤێ ب بهلگه و دهلیل ڤه زەلال بکن:
پشتی کۆمکوژیا شەنگالێ پهكهكه ب كو ده چوو و چما شهرێ داعشێ نهكر؟
پشتی رزگار كرنا پرانییا ئێزدییان و گهیشتنا وان بۆ پارێزگهها دهۆكێ، فهرماندارێتییا پێشمهرگهی پیلانا رزگاركرنا ئاخا شهنگالێ دانا و یهكهم جار پێشمهرگه ژ قهسریجێ بۆ زومار ئێریشی داعشێ كر، بهر ب گوندێ حهردان ل رۆژهلاتا چیایێ شهنگالێ ڤه چوو، د ڤی شهری ده پێشمهرگههان دههان شههید دان، لێ پهكهكه ل چ جیههكی خوهیا نهبوو!.
پشتی سێ رۆژان هێزهكا دن یا پێشمهرگههان ژ ناحیا رهبیعه بهر ب سنوونێ ڤه چوون و دیسا داعش تێكبر و ههیا گهیشتن چیایێ شهنگالێ، دیسا پهكهكه خوهیا نهبوو!
یا راست د وان دهمێن پهدهكێ و پێشمهرگههێن كوردستانێ تهڤ هێزێن خوه ژ بۆی رزگاركرنا ئێزدییان و خاكا وان سهفهربهر كرین و شهرێ هۆڤانهترین رێخستنا تهرۆرێ ل جیهانێ هلدایه سهر ملێ خوه، پهكهكێ رێخستنێن خوه سهفهربهركرن و ئاڤێتن ناڤا ژن و زارۆكێن ئێزدییان ده و ههولا شووشتنا مهژیكێ وان دكر و ژ وان ره دگۆ پهدهكێ ئیخانهت ل وه كر!.
