ل سووریێ بارەگەھەکێ ئامەریکایێ ھات مووشەکبارانکرن

ئیرۆ دانێ سبێ بارەگەھەکێ ئامەریکایێ ل دێرەزۆرێ ھات مووشەکبارانکرن، ل گۆر ھندەک چاڤکانیان، د ناڤ سەرباز و بەلێندەرێن ئامەریکی دا بریندار ھەنە.

چەند چاڤکانیان ژ ئاژانسا ئارتی یا رووسیایێ را راگھاندنە، ڤێ سبێ 25 ئادارا 2023، کێلگەھا کۆنیکۆ یا ل رۆژئاڤایێ چەمێ فەراتێ ل دێرەزۆرێ، کو بارەگەھا ھەری مەزنا ئامەریکی یا ل سووریێ یە، ب 15 مووشەکان ئێریش ل سەر ھاتیە کرن.

چاڤکانی دیار دکن، ئاگر ل کێلگەھا کۆنیکۆ کەتیە و دەستنیشان کرنە کو راپۆرتا پشتراستنەکری یا دەربارێ برینداربوونا سەرباز و بەلێندەرێن ئامەریکی دا ھەیە.

ھەروھا بال کشاندنە سەر وێ یەکێ کو تۆپباران د ناڤبەرا ھێزێن سەر ب ئیرانێ و ھێزێن ئامەریکایێ یێن سووریێ دا ھەیە.

ھات راگھاندن کو بارەگەھا ئامەریکایێ، کێلگەھا گازێ یا کۆنیکۆ و کێلگەھا پەترۆلێ تا ئەل عومەر ل خوە دگرە، کو دو دو کێلگەھێن ھەری مەزنێن گاز و پەترۆلێ نە ل سووریێ.