بوویەرا ئه‌ندامێ رێخستنا ئیستخباراتا په‌كه‌كێ NLP «حسێن ئاراسان» یێ کو رۆژا ئینی یا بۆری ل سلێمانیێ قەومی هێژ نەهاتیە زەلال کرن. نە تەنێ ئەڤ جینایەته، هەروه‌ها 2 کادرۆیێن په‌كه‌كێ یێن ل سلێمانیێ هاتنه کوشتن، «ناگیهان ئاکارسەل و یاسین بولۆت»، هەروه‌ها بوویەرێن 5 کەسێن دن یێن ژیانا خوە ژ دەست دابوون ژی نەهاته زەلال کرن. هنەک دەردۆر هەنە کو ناخوازن ئەڤ بوویەر بێن رۆنیکرن.
په‌كه‌كە و یه‌نه‌كە ناخوازن کوژەر بێن گرتن
ئیدارەیا یه‌نه‌كێ یا ل سلێمانیێ و په‌كه‌كه ل پێشیا رۆنیکرنا جنایەتان ئاستەنگا هەری مەزنن.
هەڤکارییا قرێژ یا په‌كه‌كێ و یه‌نه‌كێ سلێمانیێ دکشینە ناڤا تاریاتیێ دا، ئێدی سلێمانی بوویە باژارێ مرنێ، هەموو پێوەندییێن په‌كه‌كێ یێن قرێژ، د ئاستا ئابۆری، سیاسی، پارێ رەش، ماددێ هشبەر و هتد، ل ناڤەندا سلێمانیێ ب کار تینە، هەموو جینایەت ل سلێمانیێ تێن کرن، ئەگەر دو کەس بەحسا بافل تالەبانی بکن، د ناڤا 24 ساعەتان دا ئیستخباراتا یه‌نه‌كێ تێ ئاگاهدار کرن و ب سەر مالێن وان دا دگرن وان دەستەسەر دکن، لێ هەر چ حکمەت تێدا به، ئەڤ جینایەت ناهێن رۆنی کرن.
یه‌نه‌كە ژ بۆ كو په‌یوه‌ندیێن خوە و ترکیێ ئاسایی بکە کوژەران ڤەدشێرە. گاڤا کو بوویەرەک ل باژارەکی پێک تێ، ئەو دكاره هاتن و دەرکەتنا ژ باژێر کۆنترۆل بکە و ل كامیرایێن چاڤدێرییێ ب نەرن، لێ یه‌نه‌كە ڤێ یەکێ ناکە، ب ڤی رەنگی، ناخوازە پێڤاژۆیا دادگەهی وەرە جێبەجی کرن. ژ بەر هن سەدەمان ناخوازە ب ترکیەیێ رە روو ب روو بمینە.
ل ئالیێ دن په‌كه‌كە ژ بەر سەدەمێن کوورتر و تاریتر ناخوازە کوژەر بێن گرتن، ژ بەر کو د هەر کوشتنێ دە شۆپا کوژەر دیسا بەر ب په‌كه‌كێ ڤە دچە، تێکلیێن کوژەران د ناڤا سازیێن په‌كه‌كێ دە نە، د بوویەرا قەتلکرنا «ناگیهان ئاکارسەل» یا کو د 4ێ جۆتمەها 2022 ئان دا ل سلێمانیێ هاتیه قەتلکرن، ئەو کەسێ کو هاتن و چوون ل سازیێن په‌كه‌كێ دکر، بوو.
هوون دکارن ل سەر لیه‌نه‌كا ژێرین خوە بگهینن نڤیسا دارکا مازی یا دەربارێ مژارێ دا:
یا راست ژ ڤان جینایەتان هەری زێدە په‌كه‌كە سوودێ وەردگرە، ژ بەر کو چەکا هەری مەزنا د دەستێ په‌كه‌كێ دە ئەوە کو ب پرۆپاگاندایێ بێژە ئەز مەغدوورم، په‌كه‌كێ دیالەکتیکا خوە رخستنکرنێ ل سەر جینایەتان ئاڤا کریە، پشتی ڤان جینایەتان ب مەهان سیاسەتا مەغدووریەتێ د مەشینە، گرسەیێن خوە و سازیێن خوە سەفەربەر دکە و زەمینا تۆلڤەگەری چێدکە، كه‌جه‌كە ئێریشی کێ دکە؟ ئێرشی دەولەتا ترک دکە؟ نا، تەنێ ئێرشی په‌ده‌كێ و سازیێن وێ دکە، ڤێ جارێ كه‌جه‌كێ داخویانیەکە مەزنتر دا.
كه‌جه‌كێ گۆت ئەمێ جینایەتان بکن
د هەڤسەرۆکاتیا كه‌جه‌كێ دا پێکهاتەیەک ب ناڤێ «کۆمیتەیا تێکلیێن دەرڤە» هەیە کو کارە ڤێ سازییێ رێخوه‌ش كرنه بۆ ئه‌نجام دانا جینایەتان، دڤێ کارێ کۆمیتەیا تێکلیێن دەرڤە خەباتێن دیپلۆماتیک بە، لێ ئەڤ کۆمیتەیا تێکلیێن دەرڤە یا كه‌جه‌كێ کارێ بەلاڤکرنا تەرۆرێ، گەفێن کوشتنێ و ئالۆزی دروستکرنێ دكه، ڤێ کۆمیتا كه‌جه‌كێ پشتی قەتلکرنا حسێن ئاراسان ب کوشتنێ گەف ل وەلاتیێن هەرێما کوردستانێ کرن.
د داخویانیێ دا هات گۆتن، «دەرفەتێن میتێ یێن کو سیخۆران ل باشوورێ کوردستانێ ئۆرگانیزە بکە نینە، هەروه‌ها دیارە کو بێی ئالیکارییا «په‌ده‌كێ-پاراستنێ» ئەو نکارە گاڤەکێ ژی باڤێژە. دەما کو په‌ده‌كە شەخسان وەک ئاژانێن میتێ ب رێخستن دکە، جاران مالبات مالباتێ ژی دخە خزمەتا میتێ دا، تەڤگەرا مە ژ بۆ کەس و مالباتێن وها خوەدی ئاگاهی و ئامادەکاریە، تشتێ لازم ئەمێ بکن» هەروه‌ها د داوییا داخویانیێ دا وه‌ها گۆت: «ئەمێ حەسابێ وێ بپرسن».
ژ داخویانیا ڤێ کۆمیتەیا چەکدار تەنێ ئەنجامەک دەر دکەڤە، ئەو ژی ئەڤە: په‌كه‌كە دێ دیسا دەست ب کوشتنا کوردێن بێگونەهـ بکە.
چاڤکانیێن هەرێمی و ئاگاهیێن ژ هوندرێ په‌كه‌كێ دیار کرن کو كه‌جه‌كێ د ئادارا ئیسال دا “بریارا خوە دایە چالاکیێن هەمبەر دژبه‌رێن خوە بکە و رەوشێ ئالۆز بکە» دارکا مازی د 7ێ گولانێ دە ل سەر ڤێ مژارێ نووچەیەک وەشاند:
په‌كه‌كێ سازیه‌ك ژ بۆی ته‌رۆركرنا دژبه‌رێن خوه ل گاره‌ی ڤه‌كری یه
