سمکۆ عەبدولعەزیزی
د ڤێ داویێ دە د چاپەمەنیا پارتیا كاركه‌ران دە پەیڤا خیانه‌ت گەلەک تێ بهیستن و دیتن، رۆژ ناچە ژ ئالیێ سیاسێن وێ پارتیێ ڤە ئەڤ پەیڤ نەیێ بکارئانین، لێ پشتى دیتى كه‌س گوهداریا وان ناکە، داخواز ژ كه‌سێن ره‌وشه‌نبیر و نڤێسكار کرن كو ل پەی بانه‌گه‌وازیا وان هەرن، لێ ڤێ جارێ ژی دیسان كه‌س ل پەی وان نه‌چوو، داویێ داخواز ژ هونه‌رمه‌ندێن خوە ئه‌وێن ژ زارۆکتیێ ب میتۆدا خوە یا گەمار مەزن کرین کر کو ڤان پەیڤان ل دژی پەدەکێ و بارزانیان بکار بینن، پەکەکێ ئەڤ تووتی و سۆفیێن خوە نه‌چاركرن ل گۆر کێفا دلێ پەکەکێ داخویانیان بدن هەیا کو بکارن خیتابی هەست و سوزێن گەل بکن و هەتا حەدەکی ئارمانجا خوە یا رەشکرنا پەدەکێ پێک بینە.
یەک ژ ڤان سۆفیێن پەکەکێ دیار دێرسم بوو، دیار دێرسمێ کو ژ زارۆکاتیا خوە د ناڤا سازیا چاند و هونه‌رێ یا پەکەکێ هاتیه پەروەردەکرن خوە كر فریاد‌رەسێ پرسگرێکا كوردى و ئه‌و ئەرکا پەکەکێ ب وی دایی جی ب جی کر و كوردێن باشوورێ كوردستانێ ب گشتی و پەدەکە ب تایبەتی ب خائین دان ناساندن.
ئەم دکارن داخویانیا دیاری بکن دو بەش، به‌شا یەکەم گرێدایی ده‌وله‌تا تركه ستراتەژییا وێ همبەری پرسگرێکا كوردى یە، د ڤێ به‌شێ دە چ نەرینەک من تونە.
لێ د بەشا دویەمین ئا داخویانیا دیار دە کو لسه‌ر باشوورێ كوردستانێ دئاخڤە و و‌سا به‌رچاڤ دكه كو گه‌ریلا ب ئه‌ركا پارستنا ملله‌تێ كورد رادبە و پارتیا دەموكراتا كوردستانێ ب ئه‌ركا دەستەک دایینا ده‌وله‌تا ترك رادبە، و پێشمەرگەیێن قەهرەمانێن کوردستانێ ل دژى گه‌ریلا ئالیکاریا لەشکرێ ترکیێ دکن و ل داویێ پیشمه‌رگێ كوردستانێ و پەدەکێ ب خاین ب ناڤ دکە و دبێژە گه‌ر د نێڤبەرا گەریلا و پشێمەرگە دە شەر دەرکەت ئەو شەر نابە شەرێ براکوژی.
ل ڤڕ، ئه‌ز ژ وى هۆزان دیارى رە ئه‌وێ هێژان زارۆك د گوهێ وی دە هاتیە بانگ دایین كو ئاپۆ خوەدێ یه و ب تەنێ پەکەکە پارتیه‌ك كوردیه ژ خه‌و هشیار ببه و چاڤێن خوە ڤه‌كه و مه‌ژیێ خوە نووژه‌ن بكه و زمانێ خوە ژى تافیل بكه و ب ڤان پەیڤێن وەکە روویێ پەکەکێ و رێبەرێ وێ رەش و پیس نەپەیڤە و پەدەکێ و پێشمەرگەیێن ئازادیا کوردستانێ ب خائین ب ناڤ نەکە.
دیارێ نه‌دیار، ئه‌و رۆژ نه‌ما كو ل گۆر حه‌زا خوە و تێگه‌ها خوە تو ڤان دو پەیڤێن ب گۆتن بچووك و د تێگه‌هـ دە خوەدی واتەیەک مه‌زن بکی کراسەک ل به‌ر بەژنا خه‌لكى، ژ بەر کو تو نه ئاڤاکەری، به‌لكو تو زارۆکەکی ئاپۆچى و زارۆکێن ئاپۆچى ده‌ما مه‌زن دبن نابن مرۆڤێن ئافرینه‌ر، به‌لكو دبن مرۆڤێن کۆلە و سۆفیێن رێبازەکە ژەنگی و گەمار کو وەکە تووتیان ب تەنێ دکارن وان پەیڤان ببێژن یێن کو هینی وان تێن کرن، نها ئێدی کورد شیار بوونە و ب گۆتنێن “موطربێن” وەکە تە مەژیکێ وان ب ئاڤا هزرا ئاپۆچیتیێ هاتیە ئاڤدان نایێن خاپاندن.
ل داویێ ژ دیارێ نه‌دیار رە دبێژم ل به‌ندا من به، د رۆژێن بهێت دە ئەزێ ژ تە رە دیار بکم کا وه‌كە زانست و كه‌توار و فه‌لسفه کی خائینه و كی خوە فرۆشه و كى ژی شۆره‌شگەره و كى جاشه. ل به‌ندا من به، لێ یەکەم جار هه‌ره و مەژیکێ خوە تافیل بكه و پاش وه‌ره هەیا کو بکاری فێم بکی، کی جاش و خائین و خوەفرۆشە و کی ژی شۆرەشگور و ولاتپارێز.
