وەزیرێ دەرڤەیێ رووسیایێ دبێژە: «ئەم هەول ددن ناکۆکیێن د ناڤبەرا هەولێر و بەغدایێ دە بداوی بکن دا کو پەیوەندیێن د ناڤبەرا وان دە ئاسایی ببن». هەر وها گۆت، رووسیا هەولێر و بەغدایێ وەکە دو هەڤکارێن گرینگ دبینە.
وەزیرێ دەرڤەیێ رووسیایێ سێرگەی لاڤرۆڤ د 20ەمین جڤینا سالانە یا دیدارا دیالۆگا ڤالدای دە ل سۆچیێ بەرسڤا پرسا ئاکادەمیسیەنێ کورد در. محه‌مه‌د ئێحسان دەربارێ هەلوەستا رووسیایێ یا دەربارێ پرسگرێکێن دە ناڤبەرا هەولێر و بەغدایێ دە دا و گۆت: «ئەم دەستێوەردانێ د کاروبارێن ت وەلاتەکی دە ناکن، لێ ئەمێ هەول بدن کو ئاتمۆسفەرا نەباشا د دە ناڤبەرا هەولێر و بەغدایێ دە بداوی ببە، دا کو هەر دو ئالی بگهن رێکەفتنەکێ».
لاڤرۆڤ تەکەز کر، مۆسکۆ ناخوازە ئالۆزی ل ناڤچەیێ و ب تایبەتی ل ئیراقێ چێببە، ژ بەر کو رووسیا هەولێر و بەغدا وەک دو هەڤکارێن د وارێن جودا دە دبینە.
دەربارێ چارەنڤیسا رۆژئاڤایێ کوردستانێ دە، وەزیرێ دەرڤەیێ ئامەریکا: «ئیدارەیا کوردی ل رۆژئاڤایێ کوردستانێ چوویە ئالیێ ئامەریکا و سەروەت و داهاتێن ناڤچەیێن خوە ب هەڤبەشی پارڤە دکن، ئەڤ ژی مەترسیەکە جدییە ل سەر پاشەرۆژا کوردان ل سووریێ».
لاڤرۆڤ گۆت: «ئامەریکا هەرتم پشتا خوە ددە دۆستێن خوە، وەک میناک سەرۆکۆمارێ بەرێ یێ مسرێ، سەرۆکۆمارێ بەرێ یێ توونسێ و گەلەک هەڤالبەندێن دن یێن ئامەریکایێ کو د داویێ دە ئامەریکایێ پشتا خوە دا وان».
لاڤرۆڤ گۆت: ئەز ل سەر پاشەرۆژا کوردان ل سووریێ نە گەشبینم ژ بەر کو ئامەریکا دێ رۆژەکێ پشتا خوە بدە وان، لێ رووسیا هەول ددە کوردان ژ ئاگرێ شەر دوور بخە».
ل باژارێ سۆچییێ رووسیایێ ب بەشداریا 140 پسپۆرێن ناڤدەولەتی ژ 42 وەلاتێن جودا، 20ەمین جڤینا سالانە یا کلوبا گۆتووبێژا ڤالدای هات لدارخستن، ژ ئیراق و هەرێما کوردستانێ تەنێ ئاکادەمیسیەنێ کورد در.محەمەد ئێحسان وەک مێڤانێ تێ دە بەشدارە.
