وەلاتپەروەرێ کورد، یەک ژ کادرۆیێن پێشەنگ یێن دۆزا ئازادییا کوردستانێ حەمیدێ سمایل ئاغا( حامد کلچاسلان) رۆژا دوشەمێ، 27/11/2023یێ، د سێیەمین سالڤەگەرا وەفاتا وی دە، ل ناڤچەیا قۆسەرا مێردینێ ھاتە ببیرانین.
ببیرانین ژ ئالییێ مالاباتا حەمید کلچاسلان و وەقفا حەمیدێ سمایل ئاغا ڤە ھاتە ئۆرگانیزە کرن.
ببیرانینێ ب مەراسیمەکا ل گوندێ دێرکا ل سەر قۆسەرێ، گوندێ حەمیدێ سمایل ئاغا، ل سەر تربا وی دەستپێکر. مالبات، نیزیک و حەژێکەرێن رەحمەتی حەمیدێ سمایل ئاغا و گەلەک پارتییێن کوردستانی، سیاسەتمەدار، رەوشەنبیر و تیڤی یێن کوردی، د مەراسیما ل سەر تربێ ئامادە بوون. جیگرێ سەرۆکێ گشتی یێ PWK بەدران ئاجار و گەلەک رێڤەبر و ئەندامێن پارتییا وەلاتپارێزێن کوردستانێ (PWK)یێن مێردینێ و ئامەدێ بەشداری مەراسیما ببیرانینا حەمیدێ سمایل ئاغا بوون.
ئەندامێ کۆمیتەیا برێڤەبرا ناڤەندی و سەرۆکێ کۆمیتەیا ئەورۆپایێ یا PWK مەرد باران بۆسکان، مەحموود رەمۆ (بەرپرسێ تەڤگەرا ئاڤاکرنا دەمۆکراتی کوردستانی- سووریا)، سییاسەتمەدارێن کورد ئیبراھیم گوچلو و فووئاد ئۆنەن د دەربارێ ژیان و تێکۆشینا حەمیدێ سمایل ئاغا دە ئاخافتن.
