رێخستنێن جڤاکی یێن ئیسلامی یێن ئامەدێ بەرتەک نیشانی ئاخاڤتنێن نژادپەرەستی دان و خوەدی ل شێخ سەعید دەرکەتن.
رێخستنێن سڤیل سۆزا خوە یا ژ بۆ بیرئانینا شێخ سەعید راگھاندن نیقاشێن کو ل ئامەدێ ل سەر ناڤێ بوولڤارا شێخ سەعید دەست پێ کربوون بەردەوام دکن.
ل سەر ناڤێ سازیێن جڤاکی یێن ئیسلامی یێن ئامەدێ و سەرۆکێ شاخا “ئەگیتیم بیر سەن”ێ رەمەزان تەکدەمیر داخویانیەکا نڤیسکی یا ھەڤپار دان.
داخویانیا نڤیسکی یا ب سەرناڤێ “شێخ سەعید و دۆزا وی روومەتا مەیە” وھایە:
“پشتی کو شارەداریا باژارێ مەزن یا ئامەدێ ب ناڤێ بوولڤارا شێخ سەعید دەست ب ئاڤاکرنا بوولڤارەک نوو کر، گەلەک سووچدارکرن و ئێریشێن زێدە ل سەر شەھیدان ھاتن کرن. بەری ھەر تشتی شێخ سەعید ئەفەندی خوەدی بیرئانینەک ھێژایە کو د ھش و دلێ گەلێ ھەرێمێ دە ب رێزداری تێ ببیرئانین. دڤێت بهێت دەستنیشانکرن کو تێکۆشینا وی یا کو چارچۆڤەیا ڤێ بیرئانینێ ئاڤا کر، توجاری نایێ ژبیرکرن. پارێزگەر و پارێزڤانێن پەرگالا کو شێخ سەعید ئەفەندی مەجبووری رابوونا سەر پیان کری، ناھێلن ناڤێ شەھید ژی بێ گۆتن و سڤکاتیا ل وی دکن، بەلکی ژ بەر کو ژ تێکۆشینا وی دترسن”.
“شەھیدێن مە پێشەنگێن مە نە”
سازیێن جڤاکی یێن ئیسلامی ھەروەھا د داخویانیا خوە دە گۆتن: “دڤێت بێ زانین کو شێخ سەعید ئەفەندی و ھەڤالێن وی یێن کو ل ھەمبەر زلم، فەسادی و بێباوەریێ سەری ھلدان و ژ بۆ ڤێ دۆزێ خوە فەدا کرن، روومەتا ئوممەتێ و ب تایبەتی ژی روومەتا کوردێن مسلمانن. ئەو شەھید و پێشەنگێن مەنە کو ئەم ب سەربلندی دۆزا وان ھەمبێز دکن. ئەم ئاماژە دکن کو ئەم دێ ل دژی ھەر بێحورمەتی، سڤکاتی و ئیفترایێن کو ل ھەمبەر شەھیدێن مە تێن کرن، راوەستن. ئەم دزانن کو ھەر کەسێ دژمناتیا شەھیدێن مە و دۆزا وان یا عەزیز دکە، دژمناتیا مە ژی دکە”.
