وەزیرێ کارێن دەرڤه یێ تركیێ هاکان فیدان گه‌ف ل یه‌كێتیا نشتیمانیا كوردستانێ خوارن و گۆت: «هەکە یه‌نه‌كه هەلوەستا خوە یا ل دژی په‌كه‌كێ نەگوهەرینە، ئەم دو دل نابن و دێ هنه‌ك ته‌دبیرێن زێده‌تر وه‌رگرن».
هاکان فیدان ل لژنەیا گشتی یا مەجلسێ ئاخڤی.
فیدان ل سەر هەبوونا په‌كه‌كێ ل باشوورێ كوردستانێ سەکنی و وه‌ها گۆت: «ته‌ڤی دۆرپێچێن مه یێن ل سه‌ر سلێمانیێ، لێ هەکە یه‌نه‌كه هەلوەستا خوە یا ل دژی په‌كه‌كێ نەگوهەرینە، ئەمێ دودل نەبن و هنه‌ك ته‌دبیرێن زێده‌تر وه‌ربگرن».
هەروها گۆت: «ل سلێمانی و ناڤچەیێ ڤەکرنا قادێ ژ ئالیێ یه‌نه‌كێ ڤە ژ بۆ په‌كه‌كێ بوویە سەدەم رێخستن ل ڤێ هەرێمێ بهێز ببە، کێمبوونا هێزا پێشمەرگەیان ل ناڤچەیێن ناکۆک ژی بوویە سەدەم کو په‌كه‌كه پێوەندیێن تاکتیکی ل گەل چەکدارێن ئیراقی چێبکە».
ئاماژه كر، ب کەتنا هەلیکۆپتەرا هه‌سه‌دێ ل باشوورێ كوردستانێ و بوویەرێن ل بالافرگەها عەربەتێ ئەشکەرە دەرکەت هۆلێ کو یه‌نه‌كه ل سووریەیێ پەروەردەیێ ددە په‌كه‌كێ و یه‌په‌گێ و گۆت: «ئەڤ رەوش پێوەندیێن په‌كه‌كێ و یه‌نه‌كێ ب زەلالی نیشان ددن».
وه‌زیرێ تركیێ ل داوییا گۆتنێن خوه ژی ئیشاره‌ت كر كو ئه‌وێ ل ناڤا سینۆرێن تركیێ و دەرڤه‌ی سینۆر ژی ئۆپه‌راسیۆنێن خوه یێن دژی په‌كه‌كێ بدۆمینن و گۆت: «مه‌یدانه‌كا کو په‌كه‌كه خوە لێ ئەولە ببینە، ئه‌مێ نەهێلن».
